.
.
بسم الله الرحمن الرحيم
السلام عليكم ورحمه الله وبركاته
صبحكم / مساكم الله بالخير
طبعا بما انني زرت الدمام و لقيت الشباب هماك اسمعوا القصه ..
اذكروا الله .!
في ليلة يوم الأحد الساعه 10 ونصف مساءآ
طنتّ في رآسي وسيّرت على اعضاء جروحي في استراحتهم هذا ورغم المشاكل السياسيه
والفكريه بيني وبين بعضهم امثال ( خالد00 - الشرقاوي ) المهم استلمت البلوت
انا وصديقي الفتيت والكابتن فالبلوت لمشرف الراقي / ابو نوره انتهاء لعب البلوت وحبيت
اسرّي وبعد الأحاديث الجانبيه عقب التوديع والبكاء عند باب الإستراحه مع بعضنا
جيت لـ مشرف هذا القسم سابقا ( طبعآ هو خارج التغطيه على طول ) .!
المشرف العم ذهب هاه يا العم ذهب وش رأيك .! نطلع انا وياك نأخذ كافي
ونغييّر جوّ قال تم ! ،وبما انني انا و العم ذهب في نفس الحي ( من غير ذكر الحيّ لعدم التشهير )
وقفت سيارتي وطلعت من العم ذهب لفينا فالعليا يمين ويسار ندوّر كافي يا العم ذهب هنا وهناك
لم نجد قلنا بس قهوه مافيه قهوه الليله .!
الوكاد على طريق الدمام رزقنا الله بمقهى ووقفنا الا الأثنين الجميلين معه اغراضهم
على ددسن فالصندوق جراكن =
لمن لايعرف الجراكن علب كبيره في داخلها مويه :)
* حنّّا موقفين ونطلب وحنّا فالسياره المهم نزلوا ثنين متحمسين :)
قالوا : وين الباب .!
قلنا : من هنا ورجعنا السياره شويّ وجوّ .!
قالوا وش انواع القهوه قلنا اطلبوا وشوفو وش عنده .!
تلقفت وقلت شكلكم قانصين ضبان .!
قال الأول : ونعم وش دراك .!
قلت : من سيارتكم واضحين انكم متحمسين .!
قال الثاني ياولد فكنّا منك وش انواع القهوه .!
هذا يهرج عربي والا مايفهم علانا .!
سألهم العم ذهب انتم من وين : قالوا من الدخل .!
صاروا طبعآ بيننا وبين الشباك حق الكافي وجاء طلبنا اخذوه وعطونا السبريسوا حق تركي وطلبّي .!
قعدوا يضحكون : قالوا شغالين موصلين طلبات .!
تفاجأ احدهم ونقزّ بسؤال : وش هالقهوه الصغيره يقصد ( السبريسو ) .!
قلنا قهوه لو تشربها تقنص إلين بكره هالوقت والآن الساعه تشيّر إلى 2 صباحآ .!
قال طيب ليه مانأخذ اغراضنا ونحطها معكم على جيبكم ونطلع سواء .!
قال العم ذهب القهوه ذي اتحداك تنطق اسمها : اسبريسوا .!
قال : وشهي .! وشهي .!
قلنا : سبريسو .!
قال : المهم هي زينه بس حقت خط .!
قلنا : ابد تصلح وبقوّه بعد بس لاتكثّر سكّر ومعروف ان سبريسوا مرّه وبـ قّوه بعد .!
بعد هالسوالف دقوّا صداقه معنا واخذوا رقم جوال العم ذهب .! هههههههههههههه
وانا فكني الله اتلفتّ على الشارع مسوي اني مشغول واقول في خاطري : والله التوهيقه ياالعم ذهب .!
قالوا : والله لتلحقونا للأبل حليب ووناسه : قلت امحق وناسه .! طبعآ اشكالهم إجرام من الدرجه الأولى .!
وألا لا يا العم ذهب :)
قالوا تصدقون انّا بس نازلين بنشتري قهوه توصلنا لمحلنا بس .!
وألا اصلآ معنا قهوه وشاهي جاهزه :)
العم ذهب بيصّرف الموضوع بعد ماخذوا رقم جواله : قال انتم وين بتقنصون .!
جلس ربع ساعه يوصّف و العم ذهب ايه يمين يسار قلت ياللي بتخاويهم انت بعد :)
خلصنا من التوصيف قعدوّا يضحكون على بعض ياولد هذي قهوه زينه والا تضحكون علينا .!
قال : العم ذهب جربوا بس وبتشوفون .! ودقوّا علي بعد ماتخلصها قال تم .!
مشينا انا والعم ذهب ومع السوالف ألا الرقم الغريب قلت بس هم .!
الو : السلام عليكم
قال العم ذهب : هلا وغلا حياك الله انت راع القهوه .!
قال : ايه معطيني مع القهوه ليّ (
يقصد المزاز اللي مع القهوه ) قال العم ذهب كيف القهوه .!
قال : دقيقه خل لساني يبرد ههههههههههههههه نشبّ المزاز في لساني وشربت القهوه كلها .!
هههههههههههههههه
بإختصار لم تعجبه القهوهّ وقفل الرجال والآن ننتظر بعدما يرتاح لسانه سيوافي العم ذهب بطعم القهوه ورأيه .!
انتهى وحبيت هالسالفه تكون هنا .!
.
.
سلامي عليكم ..
03-07-2009, 03:14 PM
قناصة الضبّان و العم ذهب .!!
العرض العادي
