طريقة التقشير بالكريمات والبخار اللي تنعمل بالمشاغل^^^

[**ندو**]

هذي الطريقه درستها بالمعهد الفرنسي للتجميل اللي بجده طبعا كان هذا بعد الثانويه العامه

عشان كذا اللي عندها اي مشكله من ناحية التجميل بس تسال وانا من عيوني راح اعطيها المفيد

المهم نرجع لموضوعنا
طريقة التنظيف هذي نفسها بالتمام اللي تنعمل بالمشاغل وياخذون عليها بالقليل 100 ريال

اول حاجه لا زم الطلبات تكون متوفره وهي بسيطه جدا
ويفضل تكون من الصيدليه

1))التونك
2))الحليب المخصص للبشره ويسمونه كلينك ميلك
3))المقشر يكون رملي يعني فيه زي الحبيبات صغيره المناسب لنوع البشره
4))قناع ماسك اللي بعد مايجف يطلع مثل الجلد الميت
5))اعشاب مثل((الزعتر او البابونج))ويمكن الاستغناء عنها
6))منشفة شعر او اي شي يرفع الشعر عن الوجه كمان عشان المستحضرات ماتجي عليه
7))القطن الدائري اللي يجي لمسح المكياج


وغير كذا تنبيييييييييييييييه
المنطقه اللي حول العين ولا تفكري تقربي منها



اانشاء الله اكون مانسيت شي بس اكيد راح اذكره بالخطوات
والافضل اختك او اي احد عندك يسويلك

الحين الخطـــــــوات:

وهذي خطوه اولى عندك خيارين فيها:

1)) آلة البخار تشغليها ويكون فيها المويه والاعشاب

2))واذا ماكان عندك آلة بخار تاخذي مويه وتحطي معها الاعشاب وتغليها عالنار لين ماتبدا تتبخر تنتظرين ربع ساعه بعدها تطفينها واهم شي تحطيها باناء ثاني وما يكون معدن عشان ما يحرق رقبتك او وجهك لا سمح الله


*نلف الشعر بالمنشفه بحيث يكون مغطأ بالكامل

*وبعدين نحط عالعيون قطنتين تغطيهم

*نمسح الوجه بالكلينك ميلك ونخليه دقيقتين اوخمس دقايق
ويفضل الشغل يكون باليد مو بالقطن

*بعدين نحط التونيك

*بعدها نسوي البخار بحيث تنزلي راسك قريب من الاناء اللي فيه المويه المغليه بس مو مره تقربي عشان ما تحرقي نفسك وتغطين راسك والاناء بمنشفه ثانيه عشان البخار ما يتسرب ((اتمنى تكون اتضحت الصوره))

*مدة التبخير اما 10 دقائق اذا كانت بشرتك جافه او واسعة المسام
او 15 دقيقه اذا كانت بشرتك عاديه
او 20 دقيقه اذا كانت بشرتك دهنيه

* المهم بعد البخار يمسح الوجه شوي مو مره عشان تكون فيه رطوبه بعدين نبدأ نعصر المسامات والرؤؤس السوداء اللي عادة ماتكون موجوده عالانف وتكون على شكل مسام او نقط سوداء
والعصر يكون اما بالاصابع مع لبس القفازات وتنتبهي انك ما تاذي البشره بالاظافر يعني تخدشي او تتركي اثر او ممكن تستخدمي بدل الاصابع اعواد تنظيف الاذان المعروفه

* ومناطق العصر تكون بالانف والجبين والذقن

*بعد مانخلص نرجع نمسح البشره بالتونيك

*بعدها نوزع المقشر عالبشره مع المساج يكون بحركه دائريه لين ما يروح

*الحين نمسح الوجه بالقطنه لكن المره هذي نبللها بالمويه وبعدين نجفف الوجه

*ونحط الكريم الماسك لين ما يجف

*وبعدها نحط التونيك

*اخرررر شي كريم الترطيب اللي تستخدميه دايم



ونعيمــــــــــــــــــــــــــــــــــــا

[جرحي عمييق]

وتقبلي مروري وتحيااتي ((جرحي عميييق))

[نبض قلبي]

موضوع رائع وطريقة الشرح متميزه
ننتظر أبداعك

[**ندو**]

مشكورات اخواتي عالمرور العذب

وسبق و قلت اي وحده عندها مشكله بالتجميل وتبغى حل
انا موجوده بس تسال ومالها الا اللي يحلها انشاء الله

تحياتي ومودتي

[@ روحي تحبكــ @]

مشكورة حبي ندو ...

ويعطيك مليون عافيه ياااارب ...

بانتظار جديدكــ ...

تقبلي مروري ...

@ روحي تحبكــ @

[**ندو**]

حبيبتي الله يسلمك ويعافيك

اشكرك عالمرور العطر

دمتي بود