تضحك احزاني

**فاقد الحب** · 12-05-2008, 06:10 PM

القلب لك ينادي
والروح بعدك سراب
كل الوجوه تغيب عادي
وانت غيابك عذاب

مرة أشكر الوقت
يوم الوقت لي جابك
ومره أكره الوقت
لا شعرت بكثرة غيابك

في غيبتك
كن الشقا عرش
وأنا فيه سلطان
وكن السعادة شعبي
اللي عصاني

في غيابك
أنا وقلبي نغتابك
نتكلم عن طيبتك
ودفا قلبك
وجلساتك

طريقي
عينك الحلوه
وبيتي
صدرك الدافي
ظلامي
غيبتك عني
وصبحي
وجهك الصافي

مجنون شافك
واصبح اليوم عاقل
وعاقل ترى في غيبتك
صار مجنون

حبيبي
في غيـابـك كـل هـالدنيا غيـاب
في غيـابـك كل هـالعالم سراب

في غيابك
لف دنيايالسكون..وفي وجودك
تضحك احزاني وتهون

بعض الناس فرقاه بشرى
وبعضهم لاغاب صارذكرى
لكن غيابك انت جرح مايبرى

قلبي المجروح من بعدك عطيب
ومن عقب فرقاك قلبي ما قوا
الجروح اليوم ما ظني تطيب
غير لا صرنا أنا وأنت سوا
ما يطيب الجرح لو جبت الطبيب
صار شوفك هو حياتي والدوا
كل همي ما أبيك عني تغيب
كن شوفك صار للخافق دوا

أبي تلمس دفا شوقي
وبرد الليل بعروقي
وأبي لحظة تحس إني
أموت حزن بغيابك

أرجع وأقول
إن ما صفا الوقت وشلون؟؟
"إن غبت عني عشت عيشة نكااااده"
وإن مت قبلك مت ماني بمحزون
يكفي بقربك ذقت "طعم السعادة"
وإن مت قبلي خافقي معك "مدفوووون"
عن الثرى جعله "لراسك وساده"

في غيبتك
يفقد الكون إنسان
و أنا في غيبتك
أفقد الكون كله

تغيب الشمس والناس تنام

يغيب القمر ويزيد الظلام

لكن تغيب إنت هذا حرام

غايب وقلبي يتبعه ..

وأن قلت أبنساه أخدعه ..

مهما قسى قلبه ..

حنون وحجة الغايب معه ..

لو غبت لحظه كل ما بي تمناك

صعبه حياتي يا حياتي بدونك

اهيم في صوتك وهمسك ولقياك

حتى مع الاحلام ما اقدر اخونك

ياهنيك يا ثيابه
ماشكيتي من غيابه
حتى
لو يبعد ويبعد
انتي له اغلى احبابه

كنت"
أشتكي سرعة الأيام ويـــــــاك،،،

و""اليوم""
أشتكي ((طولها))في غيـــــــــــابــــك....

الصمت ..

بيتي ..

ودمعتي ..

ألف شباك ..

والهم باب ..

وغيبتك ألف زاير

من يقول اني بنساك نويت
وان تناسيتك يذكرني التعب
مستحيل انساك لو حتي قويت
وان قويت انساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب مالقيت
وان لقيت العيب يعجبني العجب

أمنتك الله لا يطول غيابكوش تنفع الدنيا بليا وجودك
يمكن غيابي ما يسبب عذابك
لكن عذابي يا عذابي صدودك
حاسب ضميرك لا تعجل عتابك
وين الأماني وين باقي وعودك
غالي وتبقى غالي في غيابك
لكن يزيدك من غلاتك وجودك

**السنقباسية** · 12-05-2008, 06:12 PM

تسلم فقووود عالمسجااات..

وربي مميزة..

فديتني أحب اكوووون السباااااقة في الرد عالمواااضيع الجديدة..

لك مني أرق تحية..

**فاقد الحب** · 12-05-2008, 08:46 PM

اقتباس:

المشاركة الأصلية كتبت بواسطة السنقباسية


	تسلم فقووود عالمسجااات.. وربي مميزة.. فديتني أحب اكوووون السباااااقة في الرد عالمواااضيع الجديدة.. لك مني أرق تحية..

السنقباسيه

الله يسلمج

شاكر لج المرور

الله لايحرمني من مرورج

يسلمو

**مجروحة زماني** · 12-05-2008, 08:54 PM

يسلمووووووووووو يا الغلا فقود ع المسجات الروعة

وربي يعطيك العافية

تحياتي

نور

**فاقد الحب** · 12-05-2008, 09:18 PM

اقتباس:

المشاركة الأصلية كتبت بواسطة نور الحلوه


	يسلمووووووووووو يا الغلا فقود ع المسجات الروعة وربي يعطيك العافية تحياتي نور

نور

الله يسلمج

شاكر لج المرور

الله لايحرمني من مرورج

يسلمو

دربي خضر · 12-05-2008, 11:00 PM

على الموضوع المميز

والراقي والكلــمات حدددة

مبدعــة ثانكيــوو,,,

تحيتي

**NaNa** · 13-05-2008, 12:18 PM

مسجات رائعة كروعتك فقوود
يسلموو الايــادي على المسجات

بانتظار جديدك ,,,

مودتي ,,,

**ابتسامة الوليد** · 13-05-2008, 03:20 PM

الصمت ..

بيتي ..

ودمعتي ..

ألف شباك ..

والهم باب ..

وغيبتك ألف زاير

رائع استاذي فاقد

كماعهدناك مميز ياتي بالمميز

مبدع مبدع

على القوة ان شاء الله

تحيتي واحترامي لك

((ابتسامة الوليد))