ما شعور الفتاة التي يتقدم عريس لخطبتها وبعدها يقول لم تعجبني؟

[اميره الذوق]

الســــــلام عليكم ورحمة الله وبركاتة

موضوع قد يكون مكرر

ولكنه واقعي ومهم

فدعونا نتفاهم ونتبادل الاراء حتى لو كانت الفكرة مكررة



هو خاص للبنات وكلنا سمعنا عنه

او لاحضناه


او عن تجربة شخصية او سمعتها من قريب لك



لا اطيل


ما شعور الفتاة التي يتقدم عريس لخطبتها


ثم يراها ، وبعد يومين تتصل أم العريس لتخبر أم الفتاة بأن




ابنها لم يوافق على الزواج من ابنتها وإن الزواج قسمة ونصيب ..



ارجو ان تعطيني رأيك بكل صراحه




.. ولو مثلاً مرّ عليك هالموقف في الحقيقه (فما ردت الفعل المتوقعة والاثر النفسي)



وهل ستكون صدمة ؟


اتمنى ان نتحاور بالموضوع



ولكم جزيل الشكر

[فراوله ناعمه]

كل شي قسمه ونصيب
بس انا اطلب اولا من ام الريس ماهي شروط ولدك اش يحب سمرا بيضاء وهكذا
بصراااااااااااحه الاحمد لله انا مامريت بهاذا الموقف
اصلي الاستخاره وسبحان الله اي له النصيب يجي والي ماله هو يروح بنفسه قبل الشوفه

[جرح الأحباب]

والله يالغاليه ماقدر أوصف لك شعوري لحظتها
بس بصراحه اللي يبي بس الجمال ويترك الاخلاق والصفات الثانيه هذا ماعنده سالفه لان
كل شي يروح الا السمعه الطيبه واذا تركها عاد كل شي مقدر ومكتوب
ويمكن الله يبدلها خير منه

تقبلي تحياتي ومشكوره على الموضوع الحلو

[حدودي الصمت]

كل شيء له نصيب


مشكور حبيبتي

[شلــــــــون مغلـيك]

يسلمووووووووو
بس انا بصراحه تقدملي واحد وشافني وبعد الشووفه بشهر قال مابيها ماهي بيضاء مررره المشكله هو اسمر اسمر
واتصلت علي اخته وقالتلي نفس الكلام
وتهاوشت معها وقفلت بس والله انصدمت مررررره
لكن قلت الله يوفقه

[طيب الخاطر]

والله بالنسبة لي الموضوع لابد انه يكن عادي
فهذا حق شرعي للشاب فاذا راى فيها عيب ستره
وهي قسمه ونصيب والله يوفق بنات المسلمين

[××FBI××]

انا بالنسبه لي الحمد الله ماعمري عرفت وحده مرت بهذا الموقف ..

بس انا اشووف ان الأم بالأول تعرف المواصفات اللي يبيها الشاب بعدين تدور له وحده

مو تجي وتشوف وحده تعجبها وتروح تخطبها ..

طيب اعجبتك بس يمكن ماتعجب الولد ..

وبعدين لازم الشاب يساعد امه يعني يوقلها ابي وحده كذا وكذا

ولا يطلب أشياء تعجزيه يعني من الصعب تجتمع بوحد

يعني فيه بنات أجسامهم حلوه بس سمر ..

وفيه بنات بيض بس أجسامهم عادي يعني مو طوليه

أو نحااف مره يعني هيكل عضمي او سمان

يعني من الصعب تلقى كل المواصفات اللي تبيها تجتمع بشخص واحد

أما اذا قدر الله وشاف البنت ولا أعجبته ...

فهذا الشرع وهو اللي مشرع الشوفه الشرعيه لأجل يشوفون بعض

هل هذي اللي يبيها ولا هل هو اللي تبيه

والحمد الله انها جت على كذا احسن من اللي يتزوجها وبعدين يطلقها ويحطه ببيت أهله

ويقول ما أعجبتني ...طيب لييه ما قلت من شفتها بالشوفه ما أعجبتك

مو عقب ماتتزوجه تقول خلاص ما أبيها أصلا ما أعجبتني

هذا هو اللي مو منطقي

أما اذا قال قبل ما يتزوجها ما أعجبتني.. فهذا حقه ونحترمه

والزواج قسمه ونصيب ..

وعلى فكره بعض الشباب ..يقهروون يعني تجي امه تزن عليه اتزوج اتزوج

وهو ما فيه راسه زواج بس عشان أمه وافق ...

وانا أعرف واحد وفاق يتزوج عشان زن امه عليه ولا هو مايبي

عاد انه قال ابي بنت طويل

وراحت امه ودورت له وخطبت له بنت جمييله فيها كل شي حلو

وبعد ما شافها قاال ما عجبتني استغربنا كل هذا الجمال ولا عجبته قلنا ليييه

قال طوويله مره وانا ابي بنت انعم اشوي

طيب رحات ودورت له وحده اقصر بس طوييله ولقت وحده حلووه مره

ونفس الشي شافها ورفضها قلنا لييه

قال جسمها حلو بس بيضااء مررره وحمصه وأنا ما أحب هالنوعيه من البنات

قلنا انت اصلا ما تبي تتزوج ولا شكلك تبي أجنبيه برونزيه

المهم هو شاف ثلاث بنات من ضمن اللي ذكرتهم وكل شوي يطلع فيهم عييب

والمشكله عيووبه زي وجهه

عااد مرره جت امه وقالت هالمره بختارله على ذوقي اللي تعجبني

قصيره ولا طويله مو مهم

سبحان الله البنت الرابعه قصيره وتقربا بيضاء بس مو مره وملامحها عاديه

بس لمن شافها دخلت راسه وأخذها

على رغم ان البنات اللي شافهم قبلها اجمل بكثييير منها

بس من جد قسمه ونصيييب ..

وسبحان الله النااس اذواق

ومشكووره على الموضوع

[تـــحِكـــمِنَيِ قًنآعًآتٍي]

انا هذا الموقف صااار مع اختي وقال انها سمينه

وانها موحلوه وقام يطلع عيوب باختي وهيه مافيها

بس بصراحه اختي انصدمت منه وبقوه وكرهتوه بعدين

قالت خلاص الله يوفقوه وكل شى قسمه

ونصيب

[غرتي حشيمة]

الصرااااااااحه أنا ما مريت بهذا الموقـــــــف ...

وأما ودي يصير جذيه ..يعني حرااااااام يتفهم شعور البنت...لا اكتئاب ولا مرض نفسي ما رح يخليها ..

الله يهدي الشباب ..

[المغروره]

ما شعور الفتاة التي يتقدم عريس لخطبتها


ثم يراها ، وبعد يومين تتصل أم العريس لتخبر أم الفتاة بأن


ابنها لم يوافق على الزواج من ابنتها وإن الزواج قسمة ونصيب ؟؟؟ ..


أكيد بتنصدم ومستحيل يكون الموضوع عادي بالنسبه لها لإن البنت بطبيعتها حساسه


ويهمها تكون جميله وهذا ممكن يهز ثقتها في نفسها


وبعض الشباب الله يهديه يحط شروط تعجيزيه و إذا ماوجد في البنت واحد من الشروط


ولو كان بسيط رفضها بدون مراعاة لمشاعرها << بعضهم >>




.. ولو مثلاً مرّ عليك هالموقف في الحقيقه (فما ردت الفعل المتوقعة والاثر النفسي)



وهل ستكون صدمة ؟


إن شاء الله مايمر علي


ومثل ماقلتي الزواج قسمة ونصيب


شاكره لك المووووووووضووووووووع


تقبلي مروووووووووووووووري