خلهم ينهشونك وانت ساكت ..

[عيون بوظبي]

السلام عليكم ورحمة الله وبركاته

عساكم بأطيب الأحوال

ييناكم بموضوع نقاشي يديد فلا تبخلون علينا بردودكم

يقولكم يا جماعة الخير فيه واحد اسمه حميد ...

هالانسان طيب بشكل مو طبيعي ..يعني حتى ساعات يبدي ربعه

على نفسه ..يعني يخلص شغل غيره بطيب خاطر ..يعني صاروا

ربعه يستغلونه وهو ساكت وماله لسان ..يعني أبد يتحسب الناس

كلهم قلوبهم صافية ونظيفة ..

ومرت الأيام على حميد وهو على نفس الحالة ما تغير وصار في يوم

إنه حد من أهله رفع قضية عليه فراح حميد يطالع وش السالفة

ويوم إنه راح قالوله والله الأرض إلى ورى بيتكم هذي من ملكية

عمك ..فتفاجا حميد بهالرمسة لكن ردة فعله كانت سلبية لأنه

عطى الأرض حق عمه مع إنه ملكه ..وشوي وشوي ضيعت الطيبة

الزايدة حميد ....

شرات حميد وايد والمشكلة إن الفئة الثانية من الناس يستغلونهم

استغلال تام .....طبعا هالطيبة البعض راح يسميها سذاجة لكن انا

أسميها استغلال ناس على حساب ناس ..

سؤالي : كيف نساعد هالناس شرات حميد وغيره إلي الطيبة ماليه

قلوبهم وكيف في نفس الوقت ننبه الناس إلي الطمع عماهم وقاموا

يستغلون ذولا الناس إن إلي قاعدين يسوونه غلط في حقهم وحق

الناس وحق المجتمع بحد ذاته ؟؟

أتريا مداخلاتكم ..

[راقيه النور]

للطيبه حدود ليس ان تكون طيب الكل يقول عنك ساذج

وليس ان تكون قاسي بل ان تكون طيب بحدود لكي تكسب احترام الاخرين ومحبتهم


غاااااااليتي شاكره لك مووضووع جدا رائع

الله يعطيك الف الف عااااافيه

لك مني اجمل تحيه

تقبلي مروري

اختك " راقيه النور "

[××FBI××]

اشكركك على موضوعك المميز..


الطيبه شيء جميل ...ولكن الطيبه قد تصل لحدوود السذاجه والغفاله..

ان الطيب دايم يتغيفل عن حقوقه بسبب انه انسان لا يحب المشاكل

او بالأصح أنسان ينظر لنفسه انه يساعد الأخرين ..ولكنها للأسف يساعدهم على حسابه يعني بسذاجه

أما الناس اللي تستغل هذي النوعيه من الناس الطيبه...

لا يمكن معالجتهم لأن أبو طبيع مايجووز عن طبعه

ولكن لو يجدون من يردعهم من قبل الناس الطيبه ...

كان ممكن أختلف هذا كله

بس هذا الزمن كذا ولازم ان أحنا نتفادى هذي الفئه من الناس المستغله


ولكي أصدق تحيه

[حدودي الصمت]

الطيب الزائد غلط
ويمكن الى الطيبه ان ناتي المصيبه
والمصيبة تاتي بالحرام وبعض الاحيان بالحلال

مشكوره حبيبتي

[احلى غلا]

الطيبة شيء راائع ولكن الطيب المفروض انه
ما يكون ساذج ومغفل بحجة ان هذي طيبه
لا الطيبه شي ..
والسذااجه شي ثااني..
وانعداام الشخصيه شي ثااني بعد..
وحمييد مغفل ومنعدم شخصيه..
وضروري اقرب الناس له حبايبه ويضبطوون فيه هالشي..
>>اقصد الناس اللي شراات(مثل) حميد..^_^
عيوون..
الموضوع راائع بروعة طرحك له..
يعطييك العاافيه..
وننتظر جديدك ..
الله يسعدك..
دمت بود..

[أحس اني غريب]

مشكوووره اختي على الموضوع الاكثر من رائع ولكن اكتفي بهذا القول :

ان لم تكن ذئباً اكلتك الذئاب

تقبلي مروري
اخوك :
مع نفسي وأحس اني غريب