السلام عليكم ورحمة الله وبركاته...
________________________________
شلوونكم تسييييفكم وش الأحوال وشلون جزماتكم هع هه هع
أفااا بس أفاااا
ألحين العيد بيقضي وانا من سنة جدي
أنتظر أحد يعطين حلاوة العيد
أو أحد ينزل على حسابي عيديه
بس شكله ماهنى غير صكت رااس بالكيبورد
عشان كذا لا تكلفون انفسكم
وبما اني رجعت قلت خل ابطحلي مويضيع
بقولكم سالفه من الأشياء ..
انا يوم اني رحت أخر مره القصيم
وكنت واقفه ألا اسمع ذاااتس اللي يقوول لخويه
والله يانت قوطي ببسي بكل محل ...
صراحه أحوليت من الكلمه؟؟؟؟؟؟ ...
وألا أسمع الثاني يقوول
والله يأنت صتيمة >>>>يعني والله ياأنت غبي
وش يقولون ذووولا يتكلمون عربي بس مع بعض الأضافات بدون ترجمه
وقلت القصيم كل شوي مطلعين كلمه جديده
يعني لأطفي أرسال راسي ولا أقلب عيوني
فعشان كذا خل اجمع منى ومناك
هالكلمات المؤلفه الجديد منها والحصري والقديم
وأسدحهن بموضوع ...
عشان العالم تتثقف بالمصطلحات الشبابيه
ولا تفحط بعيونه بغباء ماتدري وش يقولون ذولا زيي
..
فجبت لكم الكلمات اللي يستخدمونه ويهرجون به شباب القصيم وخاصه الحصريات ببريده
من غير الشيبان الكبارين اللي مايعرفونه ولا يدلونه لأنه كلمات جديده مؤلفه
بس قبل ما أسدح الكلمات
ابيكم أذا تذكرتو كلمه ولا تعرفون كلمه من طقت هالمصطلحات
أسدحوه من غير تردد ولا تستحون هع هع
1-والله يا مخه محلبيــــــــة >> غبي ..هذي كلمه توه جديده
2-لا يكثر همقك
3-دن بذاك >> إنقلع بعيداً ..
4-والله من المرش >>والله من الكلك والكذب
5-دردغانة !
6-تقهو بس >>>حين عدم الاقتناع بالكلام اللي يسمعه
7-تبطي عظم
8-سـبيــكة >>> دبشه
9-يجيب الله مطر
10-لعب ارضي<<تقال اذا تكلم احد بالسياسه..أو بأحد كبيير
11-أحسن أحد
12-ياكثرك بعد >>> يعني تراك أزعجتنا
13-شلق بصل !!<< مدري وش مناسبته
14-والله لو تفحط بالخامس <<< يعني معصي
15-طنيبه >>> دبشه
16-يا أكوس واحد >>> يا أزين واحد
17-والله من الدعدعه >>تقال لا شفت واحد يتباهى ويتفيخر بنفسه
18-عطان الخامس <<< يعني أسهجن أي أسفهن
19-ما تبي توت
20-سكبه <<< مدري بس اظن يعني كشخه
21-يلهد >>> يغثّ
22-إسترزق بعيييد >>> تقال في ظروف السياسيّة !!
23-والله من السني <<< والله من التفقيش والكذب
24-دردبـيس !
25-تولم بس << يعني أحلم بس
26-إلى الدفنه << يعني شي كثيير..وممكن تقول ،،،إلى قبل ،،إلى بتله ،، <<المعنى واحد
27-فلته <<< رهــيــــب
28-من ابراهيمه!! << هذي حكيت راسي لين صلعت أبي اعرف معناه عجزت
29-مساطيل ..
30-تنسيم بالدائري << يعني هبال و هستره
31-ياخلف الشنان
23-تلهمد <<< يعني اهجد
34-مصفر عداده
35-لا تكد << لا تهاوش
36-بردقانة <<< غبي
37-مأجر الدور الفوقي <<< يعني مصرقع ..منسم
38-أوكيشن <<< اوكيه
39-اطلع الف >>> تقال لا أهرج عن السياسه
40-والله ياهو كاشت << يعني بعالم ثاني يعني الناس بشارع وهو بشارع
41-كرتون موز
24-منغنغ <<< يعني مخباه مليان
43-والله يا أنا فلووس <<< تقال لا صار الواحد يمدح نفسه
44-بلط البحر <<< يقولونه بمناسبة ان أحد طلب شي مستحيل ويقلون له بلط البحر
45-من قلب >>> يعني كنك تقول..والله ياهو صطره من قلب
46-مضيع بلنتي << تقال بمناسبة أذا شفت أحد يروح ويرجع ولا يدري وين أرضه
47-ياخلفــــهم انت
48-ماسمعت صوت القطار >>> يعني ضف وجهك
49-طاق احوله >>>> مثلا أذا شفت واحد تعرفه يمشي وسوى نفسه ماشافك يعني يتحيول
50-تلايط او مدري تلايص
51-إيه بالحيل
52-قداام <<< مشينا
53-شمينا << بعد تعني مشينا
54-هوووووووولابيك
55-والله ياهو فسحه <<< والله ياهو مخفه أو رقله
56-تعرف أحد يعرف أحد
57-مهايطي <<ويقولون انه مصطلح عند شباب الرياض بس
58-أعرفك انا اصلا <<< تقال لاجى الواحد يبي يصرف ويسوي نفسه مايعرف أحد
59-دونت يكثر << لا يكثر
60-أنت من انت ..همن يردون عليه أنا وين أنا به..
ولا يقول أنا متى..همن يرد عليه انت كم انا <<< يقولونه بستهبال لا صارو طفشانين وفاضين ولا عندهم شي يسوونه
61-ههههههههههه >>>نطق تقال حين يتفقع الواحد من الفطس ضحك
وكذا يبتل توليف الشباب للكلمات والضحك والهستره ...
وفيه كلمات مدري وش تبي
بس أسمع بعضهم كلمات قديمه
بعضهم جديده وتوهم طايحين به ..
والبعض منها واللي مدري وشي أصلا
هي كلمات حصريه
وصراحه وأنا أسمع بعض الكلمات حششت
حسيت نفسي حجازيه مدري وش أبي ما فهمت شي
كل هذا يطلع من وراهم وانا ياغافل هع هع هع..
انتم احسن أحد..
أنتم أكوس ناس هع هع
بس ماتبوون توووت
احلا تحيه ..
رنـــــيـــــم
هووولابيك...يا أكوس ناس هع هع ...كلمات مصطحيه
رد: هووولابيك...يا أكوس ناس هع هع ...كلمات مصطحيه
العرض العادي
