عادي طاح الحطب وحلوهـ الحياهـ

.. آכـسآسـے غ ـريب .. · 14-05-2008, 06:21 AM

ـالسلامـ ع ـليكمـ

بعض من مشاهد الحياهـ اللي نشوفها كل يومـ

.. الاول ..
وحدة مزيونة بالحيل ،،وحبيبة ،،

بس تخون !!

وش اسوي بجمالها ؟؟

بياخذها الزمان و تبقى عجوز ..

عادي .. طاح الحطب .. وحلوة الحياة

.. الثاني ..
ملتزم ،،

يصلي كل الفروض ،،

و اذا تعب ،، فوت صلاة الفجر !!

واذا شبع راحت صلاة العصر !!

و عنده دش ،، و يكذب كثير

و اذا صحى الصبح ،، مشط اللحية

عادي .. طاح الحطب .. وحلوة الحياة

.. الثالث ..
غني و ظالم ،،

يطرد المساكين ،، و يستغل الضعوف

مغرور و فاسق ،،

و مجلسه عامر ،،

كلٍ يبهر له ،،

و مع ذلك يجمع حسنات ،، من كثر اللي يسبونه

عادي .. طاح الحطب .. و حلوة الحياة

.. الرابع ..
يكد يدرس و يشتغل ،،

لاجل يبني مستقبله ،،

تزوج و جاب عيال ،، ثم تقاعد ،،

صار يسكن في مكان ،، و أم عياله في مكان ،،

والسبب العيال !!

صار دار المسنين بيتهم ،،

عادي .. طاح الحطب ..و حلوة الحياة

.. الخامس ..
تغازل و تاخذ ارقام ،،

و تطلع مع هذا ،، و تواعد هذاك ،،

و يوم طاح الفاس في الراس ،،
بكت ،،

و راحت تشكي لامها غدر الزمان !!

طبطبت عليها امها وقالت:

ولا يهمك ،، سفرة لمصر ،، وشوية سيولة ،،

و ترجعين بنت ،،

عادي .. طاح الحطب .. و حلوة الحياة

.. السادس ..
مرفوع الكفن أبيض ،،

وصاحبه وسط البياض ،،

بعضهم يبكي ،، و بعضهم عادي

دفنوه ،، و تبكبكوا شوي

و اخر الليل سكارى !!

عادي .. طاح الحطب .. و حلوة الحياة

.. السابع ..
سيارة مسرعة ،،

و تدعس لها واحد ،،

مسكين هندي ،،

و العسكري صديق الطايش ،،

والخطا نصه على الهندي ،،

والباقي على أبو الطايش ،،

و في الليل ،، الطايش يلعب بلوت

عادي .. طاح الحطب .. و حلوة الحياة

.. الثامن ..
قارورة مويه ،،

ما تضره ،، طايحة في السيارة

يناظرها بغضب ،، زعلان منها

و يفتح الشباك ،، ورماها وسط الطريق

واذا اجتمع مع الشباب قال:

متى بنتحضر ؟؟؟؟

عادي .. طاح الحطب .. وحلوة الحياة

.. التاسع ..
اهم شي الثوب نظيف ،، و الشماغ مكوي ،،

و القلم ماركة ،، والساعة تضوي ،،

و الجزمة جلد ،، والسيارة عجب ،،

و تلفونه ما يسكت ،،

إما بنات ،،

أو البنوك تبي فلوسها !!

عادي .. طاح الحطب .. وحلوة الحياة

.. العاشر ..
سطحية ،، و مغرورة

غبية ،، و متكبرة ،، و يا ريتها حلوة

تبي زوج مواصفات ،،

ما يقول لا ،، ويكره الاستراحات ،،

لازم وسيم ،، و انيق ،، و متعلم ،، و دخله ممتاز

و يحب السفر ،،

و بعد سنين ،، تلاقي نفسها في الانترنت

تدور واحد يقبل بها !!

عادي .. طاح الحطب .. و حلوة الحياة

.. الحادي عشر ..
فتح الكمبيوتر ،،

و دخل للمنتدى ،، و كلامه ما يتعدى ان الموضوع روعة و رهيب ،،

و هو ما قراه و لا يعرف كاتبه ،،

بس يبي يزيد المواضيع موضوع ،،

ويزيد همومنا هم ،،

علشان يصير صاحب الألف موضوع ،،

و يتميز ،،

والمشكلة انه يتميز ،،

عادي .. طاح الحطب .. و حلوة الحياة

.. الأخير ..
الكذب اثم ،، ومع ذلك نستخدمه

و ندري ان هذا حرام ،، و مع ذلك نجربه

نتذكر السهرة و الفرح و السفر ،،

و ننسى الجالسين على كتوفنا ،،

و نتناسى ان معهم كتاب يسجل افعالنا و نياتنا ،،

كل شي محسوب ،،

حتى النظر ،،

نسينا ان ورانا يوم ،، علاماته قربت

ومع ذلك كلنا ناسين ،،

أن بقيت على حالك تتناسى ،، لازم تعرف

إن ذاك اليوم مهوب عادي !!

وانت الحطب !!

و ما به حياة !!

~

تحيتي للشاعر عبدالرحمن بن مساعد على هذهـ الكلمات الرائعه
دمتمـ بكل خير ،،

مخاوي القصيد · 14-05-2008, 08:58 AM

الله الله عليك على هالنقل

الاكثر من رائع

فعلا كثير ماسمعتها ولم امل منها

رائعه جدا

صح السانك الامير

ولاهنت على النقل

وتقبل مني كل الاحترام والتقدير

بنت الشيخ · 14-05-2008, 01:53 PM

مشكور على الموقع

المستحيله · 14-05-2008, 02:40 PM

كلمات صحيحه فعلا و جميله المعنى
و هذه هى الحياه فعلا
مشكور اخى على طرحك المميز الرائع

**بوب كورن** · 14-05-2008, 02:50 PM

تسلم ايدك وايد من كتب ونقل ,,وعساك على القوة ,,,

**بوب كورن** · 14-05-2008, 03:00 PM

تسلم ايدك وايد من كتب ونقل ,,وعساك على القوة ,,,

soso hoki · 14-05-2008, 07:15 PM

قارورة مويه ،،

ما تضره ،، طايحة في السيارة

يناظرها بغضب ،، زعلان منها

و يفتح الشباك ،، ورماها وسط الطريق

واذا اجتمع مع الشباب قال:

متى بنتحضر ؟؟؟؟

عادي .. طاح الحطب .. وحلوة الحياة

****************************

والله دي موجوده عندنا في اكثر الحيان

وانا بقول مثل مايقول الشاعر

عادي طاح الحطب وحلوه الحياه

صحت لسان شاعركم العزيز

مواقف واقعيه ترجمها لنا شاعركم الجميل

تحيتي لكِ يالمسافر على نقلك الرائع

وتحيه ايضا لشاعرك الرائع .

**غموض انثى** · 14-05-2008, 11:33 PM

الله يعطيك العافيه على النقل المميز

عيون بوظبي · 15-05-2008, 06:01 AM

رووعهـ رووعهـ

صرااحهـ نقلـ ولاا أحلى

يااربـ مااننحرمـ منـ جديدكـ

وربيـ يعطييكـ العاافيهـ

تقبلـ مروريـ البسيييطـ

والسمووحهـ أخوويـ

**اوراق مبعثرة** · 15-05-2008, 07:32 AM

.. السابع ..
سيارة مسرعة ،،

و تدعس لها واحد ،،

مسكين هندي ،،

و العسكري صديق الطايش ،،

والخطا نصه على الهندي ،،

والباقي على أبو الطايش ،،

و في الليل ،، الطايش يلعب بلوت

عادي .. طاح الحطب .. و حلوة الحياة

آه يالقهر..
الله يعطيك العافيهـ موضوع مميز,,
تقبل مروري..

قمـــر,,

~~ عادي ~~ طاح الحطب ~~ وحلوهـ الحياهـ ~~

الراي العام

عادي طاح الحطب وحلوهـ الحياهـ