( 9 )
واخيرا نطقت بها..ولكن...
__________________________________________________ ______
اما ليال من ما خرج حسام واهي بتموت من القهر...حست انها زودتها شوي.. ماكان لازم تقول كذا...يعني اسلوبها حسته كان فظ...ندمت ندم مو طبيعي...
ولا شعوريا لقت نفسها تتصل بوليد..
وليد حس ان صوت ليال فيه شي..
وليد : خير ليال..
ليال : ابغا اشوفك انت فاضي..
وليد ايوا فاضي..وين اشوفك..
ليال : خلاص روح على المطعم..وانا بلحقك الحين..
وليد : خلاص اوكي..
قفلوا وبعد ساعة تقريبا تقابلوا بالمطعم...
وليد طالع في ليال ...
وليد : خلاص ايش في حكي..
ليال : حسام..
وليد : اشبه حسام..
ليال : وليد حسام يحبني من اول وانا اعرف ذا الشي .. انا كنت اعتبره مثل اخويا لكن اهو لا...وانا كنت عارفة بكذا بس كنت أطنش انو لسا احنا صغار واتوقعت ان حبه لي حب مؤقت ومصيره ينسى..ماتوقعت انه راح يحبني الين اليوم..
سكتت شوي وبصوت حزين ..
يعني انا عارفة ان حسام مسكين .. ومايستاهل اللي صارله يعني هو عاش طفولة صعبه وحياه مو سهلة ابد.. وحسام اتعقد من الناس ومن كل اللي حوله صار حسام يكره كل الناس ولا يشوف بالدنيا احد إلا انا ومي.....
حسام جاني اليوم..وقالي انه يحبني وانه حيتزوجني وان انا لازم اوافق لاني إتماديت بزيادة في علاقتي مع هتان وخرابيييييط مالها اخر..هذا حسام مو شي جديد لو اتكلم مع نفسي يعصب ويقلب الدنيا ولا يقعدها .. انا عشان كنت اسكت له ولا ارد عليه لانه كان يحزني من اللي صارله لكن ذي المرة زودها مادري كيف عصبت ورحت رديت عليه وفهمته ان انا لاحبيته ولا شي وانه هو مرة زودها ولازم ينسى ويعتبرني اخته وصحبته يمكن كنت قاسية عليه شوي بس هو مرة زودها..
خرج من عندي حتى من دون ما اخلص كلامي ولا رد علي ولا شي..خرج وهو مرة زعلان وانا اعرف حسام ولا عاد حيكلمني ثاني راح يعتبر اني انا رفضته واهنته..بس هو مرة زودها وكان لازم يجي ذا اليوم..
دمعت عيون ليال..
وليد : لا لا لاتبكي ارجووك ..
ابتسمت ليال : بس حسام غالي علي ما كنت ابغا ازعله بس هو اللي خلاني اقول اللي قلته...احاول افهمه بحركاتي لكن مايفهم ايش اعمل..
وليد : حسام راح يتفهم بس هو محتاج وقت عشان ينسى..وانت اللي سويتيه صح يمكن اللي سمعه منك راح يخليه يصحا وما يكره كل الناس ويفتح عقدته...وانت اتركيه الحين حق اسبوعين وارجعي اتصل عليه.. وزوريه.. وهو اكيد راح يلاقي في يوم من الايام الانسانة اللي تحبه ويحبها...
لانه هو حبك لانك انتي الوحيدة اللي كنت قدامه اعتبرك امه واخته وماعرف يعبر لك عن شكره ليك إلا بالحب يعني حبه ليك كان حب مؤقت ومصيره الحين او بعدين ينسى ويحب وحدة ثانية بس هو محتاج ان يلاقيها..ارجوك اهدئ اللي سويتيه مو غلط....ابدا ..
مد يده لها ومسح دموعها : اااه من دي الدموع اللي صاير اشوفها كثير .. بس انا عندي ليك خبر راح يفرحك ..
ليال : قوول ..
وليد : لقيت حل لمشكلة هتان..
ليال : منجد..
وليد : هو عنده صورة لحنان مو..
ليال : ايه..
وليد : خلينا نجيبها ليه..يمكن لو شافها راح يتذكرها..
سكتت ليال عجبتها الفكرة كثير.. : ايوا والله صح..
وليد : بس في مشكلة..
ليال : ايش..
وليد : كيف نجيبها..
ليال : يووووه كيف نسيت..مادري..
وليد : ما عليك خلينا نروح لبيته يمكن نلاقي الباب مفتوح...
خرج وليد وليال من المطعم بسرعه لبيت هتان حتى انهم ما أكلوا شي.. راحوا لبيت هتان مشي..لان وليد جا المرة ذي بتكسي و سيارة ليال ماحتجي بدري...
وهم مستعجلين فاضطروا يروحو مشي....كان وليد يمشي بسرعة وليال تحاول تلحقه.. وطول الطريق تتمنى انها تلاقي الباب مفتوح وياخذوا الصورة و هتان يتذكر حنان وترتاح..كان موضوع هتان عامل لها مشكلة وهم كبير على قلبها..
وصلوا لعند باب بيت هتان كل واحد فيهم مو قادر يتكلم .. ليال تكت على الجدار جنب الباب وصارت تتنفس من التعب..
ولاهي قادرة تتنطق بكلمة..وليد وقف قدام الباب وتكا على ركبه وصار يتنفس بقوة واخذ نفس بسرعه وقرب من الباب عشان يفتحوا..حاول يفتح.. بس طلع مقفل... طالع في ليال والتعب في وجهه..ليال مو قادرة تتكلم..تعبانة جيعانة وعطشانة..
وليد طالع حوله وشاف بيت ياسر ومسك بيد ليال بسرعه وراح لياسر..
وليد : انا جيعان وعطشان وبرتاح شوي...مافي غير بيت ياسر
ليال : ياوليد عييييب لازم نكلمهم قبل ما نجي عندهم فجاة
وليد : ولا نكلمهم ولا شي سيبني انا اتصرف الحين.....وبعدين انا لمن اكون جيعان ماعرف لا عيب ولا لازم ولامايصير..
دق الباب وفتح ياسر ..
ياسر : االللله واكبببر ايش في خير ليش جاي فجاة لا احم ولادستور..
وليد : هذا بدل ماتقول اهلا وسهلا والله نورتونا...
ياسر : وكمان ليال لا لا اذا كذا اهليين ومرحبتين
وليد : طيب ياخي دخلنا..
فتح ياسر الباب ليهم ودخلوا على الصالة..بيت ياسر ما كان كبير .. بس مرتب..قعدوا على الكنبة..
وليد : حطلنا غداء وابغا مويا بسرعة مرة عطشاااااااااان..
ياسر : طيب ولا تزعل بس اقول لغادة تحط الغداء..
راح ياسر وبس خرج من الغرفة ليال طالعت في وليد بعصبية : الله يفشلك يعني كان لازم تجي اليوم بتكسي..
وليد : خربت السيارة طيب وكنت مستعجل عشان اشوفك قمت اخذت تاكسي طب انت ياختي ضروري تعطي سيارتك لاحمد عشان ينظفها اليوم...
ليال : طب كنا استنينا لين ماخلص احمد وجابها بعدين نحرك..حتى كان يمدينا ناكل شي بدل ما يصير ذا وضعنا..
وليد : مادري عنك فزيتي فجأة وقمتي بسرعة .. وانا معاك..ماقدرت افكر بشي..
ليال : ههههه الحين اللوم كله علي..تخيل انهم عملوا غداء على قدهم..
وليد رجع راسه على الجدار وصرخ : ااااه عطشاااااااااااان...
دخل ياسر : طيب ياخي فضحتنا هي المويا ... كانك جاي من الصحراء..
اخذ وليد المويا من يد ياسر وشربها كلها..
وليد وهو يمد يده لياسر : بالله جيبلي كمان..
ياسر: اقول انت شكلك خلصت المويا ببيتكم وجاي تخلصها عندنا..
ليال : هههههههههههههههههههههههههههههه
وليد : لا ياشيخ..
وطالع في ليال : وانت أشوفها عجبتك ..
ليال : والله انت يا وليد... عيب عليك..
وليد : ياسر اقعد اقعد اقلك .. ماتعرف فين هتان يحط المفتاح حق بيتهم..
ياسر : ايه تصدق اهو يستأذن مني ..ولا ماتدري انا الحارس حقه
وليد : ياخي بلا مصاخه من جدي اتكلم انت بس تتريق ..
ياسر : طب ايش ذا السؤال بذمتك انت..يعني ايش اللي يدريني..وبعدين ايش تبغا انت وياها بالمفتاح تبو تصرقوا منه ولا اييييييش..؟؟
ليال : لاااااااااااااا بس عشان نبغا صورة من عنده..
ياسر : صوره ايش..
وليد : يييه حكايه طويلة .. المهم باختصار هتان فقد الذاكرة ونبغا صورة لخطيبته عشان
يمكن لو شافها يفتكرها ويفتكر كل شي...
ياسر : اهاااااا ..
دخلت عليهم غادة وسلمت على ليال و وليد ..
غادة : يالله من زمان عنك .. ماتوقعت اشوفك مرة ثاني..
ليال : منجد...شفتي الدنيا صغيرة..
غادة : اتفضلوا الغداء جاهز..
قعدوا على الطاولة...
وليد : ييييمممممييي شكل الاكل لذيذ
ياسر : والله بالعافييية ياعمي اول مرة تجي تتغدا عندي..
غادة : والله نورتونا دايما انا وياسر لوحدنا..
وليد طالع في غادة : يالله... الله يكون في عونك..
ياسر : هههههههههههههه مع نفسك ترى انت ببيتي ها ههههههههههه الحين اقلك اطلع..
ليال : ههههههه بالله قولها..
وليد : وانتي كمان المهم خلونا ناكل الحين..
غادة : ايش عندكم .. سامعه اصواتكم وابغا اعرف بس كنت مشغوولة..
ياسر: ملقووووفة ياستي الهرجة ومافيها انهم يبغون يدخلون على بيت هتان عشان يجيبوا صوره لخطيبته حنان يمكن لو شافها يفتكر كل شي..
غادة انفجعت...اول ماسمعت اسم هتان..حست قلبها وقف...ايش افيه هتان..اهي مانسيته..من السفينه واهي معجبه فيه وفي هدوءه.. ايش صار معاه...ومين حنان وخطيبته.....
غادة : استني .. هتان اشبه اصلا
وليد : يوه يا غادة انت ماتعرفي من اول .. هتان بالمستشفى واحد ضربه وفقد الذاكرة..
غادة : مين ..؟؟
ليال : ماحنا عارفين..
غادة : ومين حنان..
ليال : حنان ذي خطيبته انا اعرفها وفكرت ان لو شاف صورتها راح يتذكر فجينا لبيته عشان نجيبها.. لقينا الباب مقفل ومحنا عارفين كيف ندخل..
غادة تغيرت ملامحها...كل تفكيرها لا ما ياخذوا الصورة..خلاص هتان نسي ولازم يصير لها..هذا قدرها..اهو لها..نسيها خلاص مو لازم يتذكر .. غادة صارت مسرحة طول الوقت ولاهي معاهم..
ياسر : طب وليد ليش ما تعل دروا حولين البيت..يعني عند الباب اكيد حاط مفتاح هناك..
ليال : لا مافيا ادور اكتر .. خلاص نروح ونسأله بنفسه..
ياسر: كان من البداية
وليد : ههههههههههه والله احنا بس جاتنا الفكرة اتحمسنا ولاعاد شفنا طريقنا على بيت هتان على طول...اقلك جينا مشي بس اسكت
ليال طالعت في وليد : طب خلاص نخرج من هنا ونروح نزوره اساسا مارحت له اليوم...ونساله على المفتاح ونشوف الوقت اذا لسا بدري رجعنا لهنا اذا متاخر خلاص نرجع البيت وبكره نجي وناخذ الصورة..
وليد : انا اتوقع ماحيمدينا .. اذا دحين الساعة 5 على بال مايجي السواق ونروح ونزوره وكل ذا .. 8 نخرج من عنده ونجي على هنا صارت 9 ناخذ الصورة ونرجعله 10 نخرج من عنده نروح على البيت 12 .. وانا بكرة عندي دوام من 7 مايكفيني النوم..
ليال : ياويلي عليييييييييييك طب ناخذ المفتاح بس ونرجع البيت وبكرة ناخذ الصورة ونروح له..
وليد : اذا كذا طيب..
ليال وقفت طالعت في غادة لقتها مسرحة والحزن في عيونها : غادة مرة شكرا على الاكل..
غادة انتبهت لنفسها ابتسمت : العفو..
وقفت غادة كمان ..
ياسر : بالعافيه والله..
خرجت ليال من الغرفة عشان تروح للحمام وغادة معاها عشان توريها وين الحمام...
ياسر بس شاف ليال خرجت من الغرفة نط لعند وليد وبصوت واطي وحماس : تعااااااااااااال هنا اييش اييش ذا انت وليال صار شي..
وليد : هههههههههههههههههههههههههه اشيااااااااء .. ماحتصدق ابدا..
ياسر: احلااااااااااا ولاتتصل ولاتقول ولا شي..
وليد : ياخي من الفرحة ماجا على بالي..
ياسر : طبعا بدأنا اصلا ننسا الاصحاب..عنجد من لقي احبابه نسي اصحابه..
وليد : ياخي بطل هبل ..
ياسر: طب حكيني..
وليد : بعدين بعدين دحين لو جات فجاة وسكتنا راح تحس بحاجة بكرة بالدوام احسن..
ياسر : على قووولك والقووول قوووولك..
دخلت ليال وغادة...
وليد : انا شبعت كمان..ليال اتصلي بالسواق
ليال : السواق برة
وليد : خلاص بس اغسل يدي ونخرج..
ليال : طيب..
غادة : ايش ذا اجلسوا شوي..
ليال : لا مرة ثانيه عشان لسا رايحين لهتان وانا بدأت انعس..
غادة بس سمعت اسم هتان كانت بتموت نفسها تروح معاهم بس ماتقدر..كل اللي تقدر تسويه انها توصل له سلامها..
غادة : سلميلي عليه..
ليال : خليه يتذكر اول..
غادة زعلتها الجملة...كان نفسها تروح وتشوفه من بعيد..
خرج وليد مع ليال وركبوا السيارة وراحوا على المستشفى على طول ..
واول مادخلوا المستشفى مسكت ليال وليد
ليال : اسمع قبل ماندخل خلينا نمر على الدكتور نشوف متى حيخرج هتان من المستشفى ونفهم منه وكل شي..
وليد : طيب
دخلوا على الدكتور
ليال سلمت على الدكتور..وقعدت
ليال : متى بيخرج هتان..
الدكتور : والله هو اتحسن يعني يمكن بعد بكرة يكون اكيد خرج..
ليال : طب كويس .. بس عادي يداوم ولا كيف
الدكتوور : لالا لا مرة لا .. ومحتاج للراحة واهم من ذا كله مايضايق .. لانه راح يضر بصحته كثير..... يعني لاتحاولوا انكم تفكروه بالماضي
ليال : بس لازم يفتكر..
الدكتور : مشكلة الذاكرة مشكلة نفسية ابدا مالها دخل بصحته ..هو كان متخوف من شي وقلقان كثير .. فمع اللي صار له خلاص نسي كل شي.. يعني انتوا فكروه لمحوا له اذا قالكم خلاص او حسيتي اضايق اسكتي..وغيري الموضوع..
ليال : ماتقدروا تخرجوه بكرة..
الدكتور : على حسب
ليال : خلاص طيب شكرا..
خرج وليد وليال ..
وليد : طب دحين ايش حنسوي ..
ليال : في ايش..
وليد : فكل شي....فين يروح قلك يبغا له راحة يعني لازم يكون عند احد ثاني..
ليال : يجي عندي..
وليد : طب خلاااااااااااص انحلت اذا كدا لمن نجيب اغارضه من بيته ناخذ الصورة لانو بصراحة مستحي اقله نبغا مفتاح البيت .. احسها عيب شوي..
سكت وليد شوي..
ليال : اشبك..
وليد : ماسمعتي الدكتور..قال لانفكره بالماضي..
ليال : لا عاد .. مو كل شي يقوله الدكتور نسويه...حرام يا وليد لازم يتذكر..
وليد : طب احنا نعمل زي ماقال الدكتور لو قال اسكتو نسكت..
ليال : طيب انا حاسة وعندي امل كبير انه لو شاف الصورة حيفتكر..
دخلت ليال و وليد لعند هتان..
طالع هتان ل وليد بنظرات غضب
ليال : الدكتور قال انك بكرة حتخرج .. بس حتجي لعندي عشان محتاج لراحة..
هتان بعصبية : لا عندك لا..
ليال قربت من السرير: ليش ..؟؟؟
هتان سكت شوي وكانه يدور سبب .. وفجاة تكلم بتوتر : مادري مادري احس لمن اشوفك بشعور غريب احس افتكر اشياء بس مادري اايش هي..
قلب هتان وجهه للناحية الثانية .. وصار يتنفس بسرعة ويحط يده على راسه..
قربت ليال منه ومسكت بيده : انا اقلك افكرك بمين .. افكرك بحنان .. حنان اللي تحبها وتحبك...انا اشبهها وانت قلت لي وقلتلي انك اتعرفت علي بس عشاني افكرك بيها..
هتان دف يدها عنه وبعصبية وضياع في عيونه : انتي ايش تبي مني...كل ما اشوفك احس باشياء غريبة ولمن تخرجي ارتاح ..
علا صوته : تفهمي ايش يعني ارتاح ..
ليال عصبت وعلت اهي كمان صوتها وتأشر بيدها من الشباك على المدينة : حنان .. حنان تنتظرك.. حنان .. مايفكر دا الاسم باحد..
صرخ هتان : لاااا لااا اخرجي ما ابغا اشوفك..
وليد أدخل في دي اللحظة لمن شاف انفعال هتان الزايد حس ان حيصير شي بهتان شكله كان غريب تعب ضياع وخوف ودخلت الممرضة كمان عشان تهدي في هتان..وليال صارت تعلي صوتها وتخبص بالكلام وتنسى نفسها..
مسكها من يدها وخرجها من الغرفة
خرجت ليال من غرفة هتان .. ومعصبة وفاقده اعصابها
وليد ماتكلم بكلمة معصب من تصرف ليال ومفجوع من هتان .. مشي وليد من دون ما يطالع في ليال ولا يتكلم معاها واهي ماتبي تتكلم مزاجها منقلب .. كل واحد يمشي في ناحية ركبوا السيارة والكل ساكت وصلت ليال وليد ولا حتى طالعت فيه عشان تودعه...
كانت تطالع من الشباك ورجعت على البيت على طول..دخلت الغرفة ورمت نفهسا على السرير مو مصدقة اللي صار اليوم .. تحس هتان يستهبل..ولا ايش..كيف ينسى مو قادرة تستوعب انه فقد الذاكرة .. ايش الخرابيط دي...
وليد بعد ساعة تقريبا اتصل فيها يشوف ايش صار معاها ويطمن عليها بس ليال ما ردت ما كانت تبي تكلم احد ما تبي تشوف احد..تبي تسوتعب اللي صار دا..وبعد ما دق 8 مس كول .. ارسل مسج ..
(( ليال انا ما اعرف ان كنت نمتي او بتشوفي رقمي وماتردي... عالعموم كنت بطمن عليك وبكرة حاب اعزمك على الغداء ابغاك ضروري يريت ماتطنشيني .. وتجي )))
ليال شافت المسج ارتاحت شوي..حست بأمل .. كلام وليد خفف عنها الحزن .. مع ان كلامه عايدي وماله اي دخل بموضوع هتان بس ماتدري ليش اي كلمة يقولها وليد ترتاح .. ارتاحت لانه مهتم فيها ويسال عنها..حبته اكثر واكثر على حنانه وعلى طيبة قلبه...
عجبها تصرفه .. انه سكت طول الطريق لو غيره كان أزعجها بالاسئلة .. حست انه يفهمها..يكملها...حست انها ماتقدر تعيش من دونه...
نامت واهي مو حاسة بنفسها...وفي اليوم الثاني..دخل احمد عشان يصحي ليال بس اهي مارضيت تصحا..وترجته يسبها تنام لانها كنت مرة تعبانة..
احمد خرج من الغرفة وسابها تصحا بالوقت اللي تبيه..ليال قبل ماتنام حطت منبه الجوال على الساعة 2 الظهر عشان تصحا وتروح للمطعم..ولمن دق المنبه ماكانت بوعيها قفلته وصحيت 3 ..
مفجوعة...طالعت الساعة لقتها 3 قامت من السرير بسرعه وغسلت وجهها وغيرت ملابسها وخرجت من الغرفة جري..احمد شافها وانفجع لايكون صار شي...كانت تجري بالدرج واهي تلبس الحلق الالماس..وتحط العطر..وتزبط نفسها وركبت السيارة بسرعة وقالت للسواق يتحرك بسرعة على المطعم..
مسكت جوالها مافي اي مس كول.. من وليد خافت يكون زعل..اكيد من اول ينتظرها وأمس طنشته..صارت تحط الميك اب في السيارة وتزبط نفسها...كانت تبي تتصل بس مافي وقت...دخلت المطعم...
ولقته قاعد في الطاولة والطفش بعيونه واهو يطالع الساعة ويحرك رجله من القلق...راحت ناحيته واهي تبتسم وليد انتبه لريحة عطرها وطالع على طول وابتسم..ووقف يسلم عليها..
ليال : معليش اتاخرت..
وليد : لا لا عااادي والله..
جا القرسون ودف الكرسي على ورا عشان تقعد ليال ...
المطعم كان مرة فخم والديكور مرة غريب كانو حاطين موسيقى هادئة...
ليال طالعت في وليد ورجعت حطت عينها على الطاولة وابتسمت بندم..
وليد ماحب يفتح الموضوع الحين فتكلم بسرعة..
وليد : خلاص طلبتلك..
ابتسمت ليال وطالعته بغرور : ليش
وليد : بدل ماتقولي شكرا...يكفي قاعد هنا لي ساعة ونص طفشت واستحيت انو لوحدي قاعد..ولا طلبت شي والقرسون هلكني رايح جاي قمت طلبت..
ليال : كنت طلبت عصير ..
وليد : ههه طلبت عصير وطلبت قهوة وكل كل اللي تبغيه..وبعدين يلا جربي ذوقي بالاكل..ولا مو..
ليال : هههههههه طيب الله يستر..
وليد : ليلو..
رفعت ليال عينها على وليد واهي مستحيه منه عشان تصرفها امس..
وليد : ما كان له داعي انفعالك مع هتان امس..ولا عصبيتك ولا تصرفاتك كلها..
ليال : عارفة والله عارفة بس ايش اسوي عصبني لمن صرخ..انا يا وليد مو قدرة استوعب كيف ينسى ..
وليد : ليال هتان نسي خلاص استوعبتي ولا لأ...ماتفرق .. ..
ليال : ......
جا وليد يتكلم..بس قاطعه القرسون وجاب الطلبات..ذاقت ليال الطلب..ماكان بطال بالعكس عجبها
وليد : ها كيف
ليال : لا كويس..مرة جيد..
وليد ضحك بغرور : اكيد انا اللي طالبه
ليال : وجع لا تضحك زي كذا..تفكرين بالسفينه وعباطتك .. تقهرني..
وليد : ههههههههههههههههههههه طيب خلينا الحين نتفاهم في موضوع هتان...انا أمس فكرت .. هتان لايمكن يجي عندك....انت تذكريه بحنان ولو جا عندك راح يتعب أكثر بدل ما يرتاح..ومالقيت اي حل غير انه يروح لعند ياسر..
ليال : لا وي عيب ياسر ماله اي دخل بالموضع لانتبعه معانا..
وليد : لا ماعليك ياسر طيب وكريم وهو صاحبي ولو ماساعدني دحين متى يساعدني..وغير كل دا هتان جاره... ومافي غيره هو و غادة بالبيت يعني مافي اطفال يزعجون هتان ولا شي وغادة طيبه وراح تهتم بهتان..
ليال : على طاري غادة ما لاحظة انها تغيرت لمن عرفت الخبر
وليد : ايه لاحظت..بس ذا شي طبيعي غادة مرة حساسة وتتأثر باي شي..
ليال : طيب اسفة على دا الكلام بس ان ياسر ما حيقدر يتكفل بمصاريف هتان..
وليد : ولا يهمك المصاريف كلها علي..
ليال : لا علي انا...انت كمان مالك دخل..انك تدفع..
وليد : بطلي هبل ليلو انتي كذا تحسسيني انو بيننا رسميات...
ابتسمت ليال : طب بالنص..
وليد : بالنص بالنص انا عارفك عبيييييطة..ولا راح تقتنعي
ليال : ههههههه عبيطة ... قول عنيدة..
وليد : لا لا عبيطة مو بس عنيدة..يعني هتان ماهو فاكر تعباطي إلا وإلا يفتكر
ليال : طييييب حرام حنان..
وليد : يا ليال يا حبيبيتي اسمعيني اسمعي بعقلك.....هتان نسي كل شي..وانت تقولي ان لهم 5 سنين مفترقين وغير ذا كله ماعمره كلمها في الخمس سنين ..
يعني يمكن تكون اتزوجت يمكن تكون نسيته يمكن ويمكن كثير اشياء يا ليال هتان لمن نسي كان خير ليه لانه تعب صدقيني تعب 5 سنين بعيد عن اهله ولا يدري شي عنهم عشانها وانا متاكد مهما جمع فلوس ومهما أشتغل ابوها لا يمكن يزوجها له..حتى لو مين صار..بيفضل في باله انه الفقير اللي يشتغل عنده..
واحد عقله تعبان واحد متكبر مريض ..لو تقولي له وتعيدي وتزيدي مارح يفهم..فخلاص لاتعندي وخليه يعيش حياته الجديده بهدوء هو مازال شاب ..
كانت ليال تطالع بوليد واهي ماتدري تسمع كلام وليد وتسكت عن حكاية هتان .. ولا تحاول اكثر واكثر وتخليه يتذكر....
وليد : انا عارف كلامي مو عاجبك لكن صدقيني هو الصح..
ليال : وليد انت قاعد تخبصصصصصصصصصصصص في الكلام ايش اللي خليه ينسى .. والبنت اللي تستناه والله الفراق مو سهل..خصوصا لمن تكون حياتك صعبه واللي تحبه هو اللي انقذك من العذاب اللي تعيش فيه ويبعد عنك ..!!
لمن تحب تحس انك حطيت كل املك في الشخص اللي تحبه وانك راح تعيش من جديد .. لمن تحب تنولد من جديد .. يا وليد صعب النسيان والله صعب ..المشكلة ان الحب في ذي الايام صاير عادي وصار اي واحد يقول انا حبيت ؟..
لكن الحب ليه ناسه واهله..لمن واحد يحب ويسنى بسرعة هذا لاعرف الحب ولاجربه..لمن واحد يحب ويخون حبيبه لمن واحد يحب ويقسى ويجرح حبيبه..كيف يكون حب..
اذا انت تحبه والله لو يعملك اييش انك ماتقسى عليه ولا بكلمه اساسا لمن تحب بجد انت نفسك تتغير .. تصير شخص ثاني لانك حسيت بأحد حسيت قد ايش قيمة الانسان اللي قدامك وانه لو راح منك انت حتموت...
فما تبغا تزعله ولا تجرحه عشان لا يروح تصير تبغى ترضيه لو غاب عنك سنيــــــــن راح تفضل عمرك كله تنتظر .. كيف تعيش من دونه وهو الحياة بالنسبة ليك...وليد..انا حاسة بحنان....
النسيان مو سهل انا جدي راح عني وهو كان بالنسبة ليا حبيبي وعمري وحياتي كلها..انا بضحك معاكم وعايشه عادي مو عشان شي عشان عارفه انو هذي رغبته .. لاني لو بينت حزني راح انعزل عن الناس كلها لكن وقتها جدي مارح يكون راضي ولامرتاح...
لو ايش صار عمري مارح انساه...انا كل ليله بابكي دم واتمناه يرجع وعارفة انه ماحيرجع بس عندي امل ..انه يرجع كيف مادري وهذا هو شعور حنان..وانا أقول جدي يعني أهون من حبيبي وزوجي ... بيننا اشيــــاااااااااء ما احد يعرفها الا انا وهو..
حزننا واحد فرحنا واحد دمعنا وضحكنا واحد شخص من غير ما اتكلم يفهمني يحس فيني .. شخص احس معاه بالامان والحنان .. وليد الحب شي كبير شي نااااااااادر بالزمن ذا..لان كل الناس صاروا يحبوا لكن حب كذاب حب حق مصخرة وحق هبالات..ناس فاضيه تشوف مين حلو وتتفاخر فيه قدام الناس بانها تحبه...
وحده تقعد من واحد لواحد وتقلك احب..ناس فاضيين تافهيين حياتهم مالها قيمة يقوموا يشوفوا لهم اي واحد عشان يقولوا انهم يحبوا ويعملوا قصص لحياتهم عشان يحكوها للناس.. هذا حب... ..... اللي بين هتان وحنان شي ثاني ..
واحد ضحا بيحاااته كلها براحته باهله اتبهدل انهان قدام كل الناس وجا على هنا وتغرب وعاش وحيد صعب انك تنام وتصحا وتلاقي نفسك لوحدك لا احد يصبح عليك ولا احد يمسي عليك .. كله عشانها
..مين يعمل كذا بالزمن دا قولي مين...؟؟؟وتقولي ينسى
سكت وليد وبصوت خافت وقوي: انا..انا يا ليال مستعد ابيع الدنيا كلها عشان اشوفك...
ابتسمت ليال وهي تتنهد : يا وليد انت وهتان اللي خلتوني احس ان الدنيا لسا فيها حب..بجد حب...
وليد : طيب حبيبي اهدئ وخلينا نغير الموضوع ونتفاهم بعدين
ليال : هههههه طيب...
وليد : بسألك سؤال
ليال : ايش..
وليد : انتي ايش سويتي فيني...سحرتيني..ولا ايش..والله والله ما اكذب ماعرف ايش صار فيا بهدلتيني وغيرتي حياتي كلها ..
تدري لو يخيروني بينك وبين الدنيا دي كلها اختارك انتي وبس .. اصلا نفسي نفسي نفسي يحطونا في غرفة لوحدنا ما ابغا شي ما ابغا غيرررررك ..لين ما امووووت..
ليال تجرأت دي المرة حست بحب عميق بقلبها..ماتدري عن نفسها حست ان قلبها يتكلم من دون ماتحس واهي تحرك الملعقة بالاكل وتخبص الاكل في بعض..وتطالع فيه وبصوت رقيق : انت لورحت مني انا ما اعرف ايش حيصير ليا حموت على طول...
انت اللي ريحتني من بعد ما مات جدي..انت اللي حسيت انك مليت الفراغ اللي بداخلي..جيت وانقذتني من الهم ومن كل شي معاك احس نفسي قوية وما اخاف من مين كان..احس اني مستعده اعمل المستحيل اصير مبسووووووطة مبسوووطة واحس بكل اللي حولي..قبل لاتجي حتى الاكل ما احس بطعمه ولاحاجة..
طالعت فيه بنظرات غريبة واهي تبتسم : تتذكر السفينه...
وليد : هههههههههههه لاتفكريني..
ليال : يالله ليش ما اعترفت لك من وقتها وارتحت كنت استناك تتكلم..او تلمح..
وليد : تصدقي ان انا كمان كنت استناك تتكلمي..
ليال :كذاااب..
وليد فرصع عيونه : يا بنت والله اني كنت انتظرك تتكلمي..
ليال : كان قدامك مليون الف فرصة وانا كان باين علي..طيب..
وليد : انا كنت خايف..
ليال : انت اصلا غريب ساعات كنت احس انك كنت تحبني..مثلا لمن طحت بالباسكت..
الخوف بعيونك وتصرفك و ردة فعلك مرة حسيت انك تحبني..
وليد : اووف ذاك الوقت ماتتصوري قد ايش خفت عليك..حسيت انا السبب وماعرفت ايش اسوي..
ليال : ههههههههههههههههههههههههه كل ماتذكر شكلك .. يالله لو تشوف وجهك كيف انقلب..
وليد : الله لا يعيد ذيك اللحظة...خفت تموتي
ليال : ههههههههههههههههههههه من طيحه اموت..
وليد : مادري عنك كيف تألمتي..
ليال : هههههههههههههههه.. ماتتصور العذاب اللي عشت فيه بعد ما رحت...الايام اللي بعد الرحلة..كنت كل يوم اتعذب وابكي ندم اني سبتك تروح....كل الي ابيه اعرف اخبارك...
وليد مسك يدها :اوعدك.. ما حسيبك لو يصير اللي يصير..انت ليا وانا ليك ..
ابتسمت ليال .. وطالعت في يد وليد ولمحت الساعة...وفزت في مكانها..
ليال : ههههيييي متى بنروح لعند هتان نسيته
وليد : هههههههه مادري لمن نخرج من هنا نروح..
ليال : طب لازم نروح دحين...بتجي انت اصلا معايا ولا مشغول
وليد : لا لا فااااااضي..
ليال تبتسم بصوت تتريق فيه على وليد : معااك سيارة ولا تجي معايا..
وليد : عجيتك اشوف..
ليال : ههههههه طبعا وليد معاي بالسيارة..وما تعجبني..
وليد : لا دي المرة خليني انا اللي افرح وتمشي السواق حقك وتجي معايا وانا اللي اوصلك على بيتك بعد ما نخلص..
ليال : خلاص طيب ..
طلب وليد الحساب ودفع وخرجوا ليال اتصلت بالسواق وقالت له يمشي .. ركبت السيارة وحركوا على المستشفى...وبالطريق ليال فتحت موضوع الدراسة مع وليد حست انها تبي رأيه..
ليال : ولييد ما قلت لي ايش اعمل الحين..
وليد : في ايش..
ليال : ادرس ولا امسك شركات جدي..انا تعبت مع ذا المدير مرة دمه ثقيل وكل يوم يجي لعندي ويفهمني الاشياء ويعطيني اشياء اوقعها وحوووسة..
وليد : ليال انت واثقة فيا..
ليال : طبعا..
وليد : طب انا مستعد امسك لك الشركات ..
ليال انصدمت.. هيا ما كنت تقصد دا الشي .. وبنفس الوقت هذا اللي كانت تتمناه .. حتى انها قالت هتان والحين صار اللي تبغاه..ارتبكت وبتوتر: بس انت حتتعب يعني تشتغل بشركتي وتروح على شغلك كيف
وليد : اساسا انا شتغل بشركة ابوي .. اقله انا ابغا اعتمد على نفسي واشتغل بشركة ثانية عشان احس اني منجد اشتغل مو استهبل..
ليال : طيب بس تاخذ راتب وكل حاجة..
وليد : حزعل منك كدا..
ليال : لا وليد...ماعليييييييييييييييييييييييش كل شي راح ارضا عليه بس لازم تاخذ حقك..
وليد ما رد سكت
ليال : ولييد ارجوك..
وليد ابتسم : خلاص اذا دا راح يرضيكي..
ابتسمت ليال..: خلاص يعني انقل اوراقي على الجامعه اللي هنا..
وليد : ايوا وتدخلي هندسة وانتي مرتااااااااااااااااحة..
ليال ما لقت اي كلمة تقدر تشكر بيها وليد كل الكلام كان قليل بالنسبة للي سواه معاها..ريحها من هم كبير كان شاغل بالها..
وصلوا للمستشفى ودخلوا على غرفة هتان .. وقبل ما يدخلوا مسك وليد ليال عند الباب
وليد : ليال ارجوك اللي صار امس لايتكرر اليوم
صار يطالع بعيونها بجديه
وليد : ليلو ارجوك
ليال : طيب طيب بحاول امسك نفسي...
باسها في خدها .. وابتسم..
ودخل اهو اول على الغرفة و وراه ليال..
هتان لمن شاف الباب انفتح على طول طالع..لقى وليد ابتسم عادي واول ما شاف ليال دار وجهه للناحية الثانية وتنهد
وليد انتبه ان هتان اضايق فتكلم على طول : احنا جايين نقلك انو انت بكرة راح تخرج والدكتور قال انك محتاج لراحة..
قاطع هتان صوت وليد بغضب : انا ماني رايح لعندها..
وليد تكلم بسرعه عشان يهدأ هتان : لا لا ما حتروح لعند ليال انا اعرف صاحبي عايش بالبيت اللي قدامك...حتقعد عنده...هو عنده اخته راح تعتني فيك..
هتان :.................
وليد : ايش قلت..
هتان سكت وكانه يفكر.. ورد بعصبيه : ماعرف افكر..
ليال كانت ماسكة نفسها من اول وفجاة تكلمت بعصبية وبسرعه : مافي تفكر خلاص حتروح..لانو مين حيعتني بيك .. يريت حنان كانت موجودة..
نظر اليها هتان بحقد : لاتجيبي دا لاسم قدامي.....
ليال كانت تبي ترد على هتان بس وليد طالع فيها وتكلم بسرعة وغير الموضوع..
وليد : طب اعطينا مفتاح البيت عشان ننقل اشياءك لبيت ياسر ..
طالع هتان في وليد و أشر على الطاولة اللي فيها المفاتيح وجواله وكل اغراضه.. وليد اخذ المفاتيح ومسك بيد ليال وطالع في هتان : خلاص بكرة بعد العصر نجي ناخذك يلا مع السلامه
خرج وليد وليال وقبل لا يخرجوا واهم عند الباب...
هتان : ياريت ليال ماتجي معاكم
وليد مسك ضحكته : طيب
خرج وليد وليال من غرفة هتان وليال معصبة على الاخر..
وبس قفل وليد الباب مسك ليال من كتفها...وبصوت خفيف عشان لا يسمع هتان او اي احد..
وليد : يعني لازم تفتحي موضوع حنان..
ليال : ما اقدر امسك نفسي .. بس اشوفه ما اقدر استوعب انه مو متذكر..
وليد : المهم ماعلينا بكرة مارح تجي طيب,,
ليال معصببببة : والله كويس اني تحملت وسكت لكنت رديت عليه رد اشرشح شكله قال ايه ما ابغاها تجي.. عمى في شكلك..!!!!!!
وليد : هههههههههههههههههههههههههههه والله وعصبتي لا لا يا سيتي انتي جيتك غاليه فهو ما يبغا يتعبك..
ليال : اهاااااا قلتلي..طيب كثر خيره..
مشي وليد وليال معاه للسياره...ركبوا السيارة طالع وليد بالساعة
وليد : ليلو ترى لسا بدري لانرجع الحين..
ليال : طيب بس فين نروح..
وليد : عندي ليك مكان امس رحت له باليل .. وقلت لازم تجي ليال على هنا لازم..
ليال :ههههههه منجد...!!.يلا طيب..
حرك وليد السيارة بحماس وبسرعه مو طبيبعه للمكان...وطبعا طول الطريق واهم يتذكروا السفينه والمواقف اللي هناك وكل واحد يحكي الثاني ايش كان يتمنى في لحظات لقاءهم على السفينه..لين ما وصلوا للمكان..
نزلوا من السيارة كان المكان فاضي..مافيه ولا احد ولا مخلوق..كان المكان بعيد عن المدينة.....القمر مكتمل..والجو هادئ وصوت الامواج عاليه..وليد راح على طريق الجبل..وكان في ناحية فيها منحدر للبحر...
مسك بيد ليال وصار ينزل اهو قبلها ويمكسها عشان لاتطيح لين ماوصلوا شوي قريب للبحر..فوق الصخر والامواج تلمس رجولهم وقف وليد ليال مزبوط ووقف اهو جنبها ..
وليد وهو يأشر بيده على المكان وبصوت مفتخر بنفسه : هاا ايش رايك بذمتك مو مكان ولا في الاحلام
ليال : ههههههههه وليد انت ايش قصتك مع دي الامكان الغريبة كيف تلاقيها...
وليد : ههههههههههههه ايش تبي من واحد فاضي مثلي اجلس ادور بالسيارة واكتشف الامكان...
ليال : ياللله على الفضاوة
وليد : احلا شي لمن تكتشفي الغابات تخيلي نجلس انا واصحابي نرتب لرحلة في الغابات وشوفي لك ايش نلاقي وايش يصير ..
ليال : انا اتذكر رحت رحلة مع جدي واصحابه مرة.....وكاانت البياااخة ..يعني لابعد درجة بايخة كل شي مرتب ومنظم مافي اكشن يعني ابدا ماحسيت اني في غابة وحتى البيت اللي نزلنا فيه كان مرة راقي وفخم يعني انا ابغا كوخ او حتى خيمة...
وليد : ههههههههههههههه تعالي معايا يوم لازم نسافر لرحلة ..معاي ابدا لاتضمني انك تعيشي او حتى لو عشتي انك ترجعي زي ما رحتي لازم فيك جروح او اي شي..
ليال : هههههههههههههههههههههههههه لا لا انا قلت اكشن مو يعني ابغا اموت..ولا اتشوه..
وليد : هههههههههههههههههه تدري ان احلا شي الرسم في الغابات...شي ثااااني .. الطبيعة هناك غير عن التلفزيون او الصور...شي ثاني...
ليال : وليد ارسمني..
وليد ارتبك تذكر انه بيرسم لها لوحة بس انه يبيها مفاجئة : لا لا انا ماعرف ارسم الناس بس الطبيعه..
ليال : ههههههههههههههه صدقتك...
طالع وليد بعيوون ليال وهو ساكت يالله ما احلا هالضحكة .... كان يطالعها ويحاول انه يحفظ ملامحها كان شكلها و الهوا يلعب بشعرها .. والضوء القمر على وجهها كانت كالملاك بعيونه....
ليال حست بان وليد سرح فيها ارتبكت وخافت...
ليال وهي تضربه في كتفه ( بشويش طبعا ) : فين رحت...وليد..
وليد قرب منها وبعد خصلة شعرها اللي كانت مغطية عيونها .. يبي يشوفها اليوم يبي يحفظها...ليال دقات قلبها زادت...وليد وقف وراها وقرب من اذنها وهمس لها ..
وليد : احبك.....وباسها في خدها..
ليال حست نفسها طارت من الدنيا ماهي بالعالم...المكان هادئ و وليد يقولها احبك...تبي ترد عليه بس ماهي قادرة حاسة ان كل الكلام ما يوفي شي..مافي اي كلمة تقدر تقولها وتوفي حق وليد...
طالعت ليال في عيون وليد واهو مقرب راسه من كتفها من وراها...
وليد : ليلو ما جا الوقت اللي تقولي لي..
ليال ابتسمت : احبك..
ماخلصت ليال هالكلمة إلا و وليد باسها......
وليد بعد راسه عنها ورجع على ورا وهو ضامها لصدره : ااااااه يا ليال.. ماتخيلت ان ذي اللحظة تجي اللي اكون فيها معاك وتقوليلي احبك....الكلمة غاليه على قلبي كثير...
ماتتصوري قد ايش تعبت من بعدك..انتهت رحلة السفينة ومن بعدها ..
حسيت ان ضايع..ابغاك .. كل تفكيري فينك..واول ما شفتك رجعتي .. حسيت هذا قدري..انت لي.. وقتها كل تفكيري اني مارح اخليك تروحي..
ليال حطت راسها على صدره وغمضت عيونها : عمري ما حتركك...
وليد : وعد...انك ما تسيبني..ليلو انا ماقدر اعيش بدونك
ليال : ولا انا ... انت ماتعرف ايش صار فيا...صرت مجنونة فيك انام واصحا على حسك..ابغا اكون معاك ما ابغا تعدي لحظة من دونك احسك توحشني توحشني توحشني كثييييييييييير..
وليد : انا صرت احلم بيك...
ليال : هههههه
وليد : ليال منجد صرت ألخبط كمان في الاسماء انادي كل الناس ليال..
طالعت ليال بعيون وليد واهي تلعب بخصل شعره ... وليد غمض عيونه وحط راسه على راسها وساد الصمت بينهم.. وصوت الموج كل ماله يعلا...
وليد : ليلو لا تروحي..انت جنـتي..انت دنيتي كلها...
ليال : انا ليييييييك لاتخاف انا معاك وليك دايما..
حضنها اكتر :اااااااه والله خايف خلاص ابغا اعيش معاك اليوم قبل بكرة ابغا انام وانا مرتاح ان انت ليا وماحتروح مني ثاني..
ليال : طب انت ارتاح..وليد انا ماحتركك انا محتاجتك معاي..
وليد : ياريت...
ليال بعدت عن وليد وشافت الساعة ..
ليال :طب يلا نرجع البيت
وليد : لااااااااااااااااااااااااا
ليال : والله الوقت اتاخر وانت وراك دوام
وليد : طز طز والله لحظة معاك تسوى الدنيا ومافيها
ليال ابتسمت : طيب بس انت وراك دوام...انت عارف ان لو سبتني على راحتي ماحرجع لو سنين بقعد هنا معاك..
سكت وطالع البحر..وابتسم : طيب...
ومسك بيدها عشان تطلع...
واهو وراها..لين وصلو للسيارة...فتح وليد باب السايرة ل ليال وركبت ليال السيارة .. دق جوال وليد .. رد عليه وقفل الباب بسرعه وكانت ملامحه معصبة شوي...خافت ليال لا يكون صار شي ..وقف قدام السيارة وعطاها ظهره وقعد يمكن 5 دقايق وبعدين دخل للسيارة كانت ليال تبي تسأله بس حست ان مالها حق الحين تساله..
وليد اول مادخل بعد من وجهه ملامح الزعل والعصبيه وابتسم ل ليال...
ليال ابتسمت له بقلق...كان نفسها تسأله بس مالها دخل...
وليد شغل المسجل ومشي وهو مبسووط على الاخر ويرقص مع الاغاني ويستهبل بملامح وجهه مع كلمات الاغاني..وليال ماتت ضحك عليه وعلى هبله... ماكنت تتوقعه كدا عفوي بريء وطيييب وحنون...اول مرة شافته كانت تحس انه مغرور هو صح انه كان طيب بس مو زي ما اهي شايفته الحين..
وصلوا لبيت ليال .. وقف عند الباب ليال فتحت الباب تبي تطلع...
وليد مسك يدها.. ليال طالعت..
ابتسم وليد : ليال..شكرا..
ليال ابتسمت : على ايش..
وليد : بعدين بتعرفي على ايش بس مرة شكرا..
ليال : العفو ...
سكتت ليال وكانها اتذكرت شي..
وليد : شنو..
ليال : ايش رايك تدخل البيت ..
وليد سكت
ليال : وليد لو سمحت بس شوي..
وليد يبي يقعد مع ليال اصلا.... فما قدر يرد طلبها خرج وساب سيارته عند الباب..ودخل معاها...ليال طلعت لفوق..وخلته يقعد في الصالة وستأذنت منه بس تغير ملابسها وتجي...
دخلت غرفتها وجريت للدولاب وطلعت لبس ولبسته واخذت الجاكيت معاها حق وليد وحطته في كيس وحطت في الجيب الميدالية...وكتبت في ورقة..
( مــن أول وانا في انتظار..... ما خيبت ظني فيك... احبك )
وخرجت واهي جاية للصالة سمعت وليد يتكلم ... غصب عنها وقفت وسمعت..
كان صوته معصب وكانه في شي مو جيد بيصير...
وليد : نعم اهو انا بسـمـعِـك ............................ ايش اساسا مين انتي عشان تتحكمي فيني.........اسمعي اسمعي انا دحين في اجتماع بعدين اكلمك واتفاهم معاكي...... سلااام.....
قفل وليد وليال كانت شايفته من بعيد اهو ما يقدر يشوفها وليد قفل وملامحه تغيرت .. كلها وحط يده على راسه وغمض عيونه وكانه يفكر بشي مهم....
ليال تلخبطت الدنيا في راسها مين اللي قاعد يكلمها...وليش يقولها انه في اجتماع..مين دي .. وليش شايل همها كذا....
ترددت اذا تدخل وتعطيه الكيس ولا ترجعه بوقت ثاني احسن لانها متوترة مرة...بس ماهي دارية لقت نفسها دخلت الغرفة بس ملامحها مقلوبة تحاول انها تضحك وماتبين له شي بس ماهي قادرة.. قعدت جنبه واهي تفكر في المكالمة الغريبة ..
ومين تكون تبي تسال بس ماتقدر..ايش بيقول عنها وقفت تسمع مكالمته وتراقبه..ومستحيل يكون بالصدفة لان المكالمة كانت طويلة ..
وليد كان يسمع كلام البنت واغلب الوقت ساكت وملامحه تتغير بين الحزن والحيرة وبين الغضب والانفعال...
ليال تطالعه واهي خايفة خايفة لا يكون مخبي شي...
وليد انتبه لتغير ليال..وشاف الكيس في يدها..كان وليد يتكلم وليال ماهي معاه..
وليد قرب من ليال : ليلو اشبك
ليال انتبهت لنفسها : لا لا مافي شي..
وليد : لا ملامحك متغيرة ابدا منتي مثل ما كنتي
ليال ابتسمت عشان تبين له انها طبيبعه : وليد مافيني شي اشبك..
وليد يطالع بعيونها : اكيييد
ليال شالت عيونها من عيونه وطالعت بالكيس واهي تقربه ليه : اكيد..تفضل..
وليد : ايش دا..
ليال : افتحه..
وليد : لا لا ماحاخذ منك شي
ليال : هههههههههههه لا لا دا شي حقك...
وليد جلس يفكر شي حقي...
اخذ الكيس وفتحه ولقى الجاكيت ابتسم وطلعه طاح من الجاكيت الميدالية .. قامت ليال وشالتها عشان تعطيه واهو بنفس الوقت نزل عشان ياخذها جات يدهاا على يده...وليد طالع بعيونها.....كانت عيونه تتكلم .. كل الحب في عيونه..
ليال ارتبكت .. عندها كل شي ممكن يصير غير دي المواقف..ماعرفت ايش تسوي بسرعه ابتسمت ومسكت الميدالية واعطته هيا..
وليد طالع بالميدالية وتذكر الموقف في المطعم نفس الميداليه ما ينسها لانها عجبته مرة ..
وكان نفسه ياخذها..خصوصا انها كانت حق ليال..ماكان يعرف انها له...
وليد ابتسم مفجوع مبسوط متوتر مرتبك...طالع ليال واهو يضحك...
ليال : عجبتك
وليد مات ضحك : ليلو انت عارفة اني لمن شفتك طيحتها عجبتني مرة كنت حاخذها وماحعطيك هيا
ليال : انت اهبل....انا بالعنية رميتها..ابغاك تاخذها بس انت مادري عنك.
وليد : لو تشوفي شكلك كيف كان هههههههههههههههههههههه
ليال : انت كنت تخوف ..
وليد : هههههههههههههههههههههههههه
ليال : ولييييد خلاص لا تذكرني .. انا والمواقف المحرجة معاك مرة كانت كثييرة .. كنت كل يوم ما انام إلا وانا ميتة ضحك على نفسي..
وليد : كنتي مجنونة وجنناك اهو اللي جذبني ليكي..
ليال : طيب قولي ليش ما تكلمت
وليد : كل ما ابغا اتكلم واقلك اني احبك يصير شي..
بالذات ذيك الليلة خلاااص كانت في لساني..سكت وليد وكانه تذكر شي ورجع يطالع بليال..
وليد : ليلو بسالك سوال
ليال : تفضل...
وليد : في مرة بالصباح انا طلعت بالمكان اللي وديتك فيه فوق .. وشفتك جيتي وكنت تلعبي باسكت بول وتبكي.........ممكن اعرف ليش كنت تبكي..
ليال سكتت شوي وابتسمت
وليد : اذا فيها احراج ماله داعي اعرف
ليال : لا لا .. عادي بس وقتها تذكرت جدي ...
وليد : امممم ..
ليال تبغاه يقرأ الورقة بس ايش تقله...
وليد دق جواله شاف الرقم وتغيرت ملامح وجهه...ليال خلاص عصبت تموت وتعرف ايش حكاية الرقم ذا...اهي ماتدري اذا كل مرة نفس الرقم ولا يمكن هذا شي ثاني بس تبي تعرف..
وليد قفل الجوال وطالع بالساعة
وليد : ليلو انا امشي الحين الوقت تاخر ولازم ارجع البيت..
ليال : خلاص طيب..
وقفت ليال عشان توصله للباب واهي طول الوقت تفكر بالرقم دا...كانت ساكته لين ما وصلوا للباب فتحت ليال الباب .. وجا وليد خارج ورجع راسه وباسها..
وليد وبصوت حنون : تصحبي على خير..
ابتسمت ليال مجاملة ل وليد : وانت من اهله...
ركب وليد السيارة ومشي .. وقفت ليال على الباب لين ماخرج وليد من باب القصر الكبير.....وانقفل الباب..دخلت وطلعت على غرفتها على طول تبغى تنااااام...
تمددت على السرير .. بس بالها ما توقف...طول الوقت واهي تفكر بالرقم... وتتذكر ملامح وليد كيف تغيرت كل مرة يتكلم بالجوال...ومين البنت دي اللي تتحكم فيه...تكون امه...او يمكن اخته ليش اشغل بالي...يمكن موضوع عادي.. لا بس الاسلوب ما كان عادي....مصير كل شي يبان .. لو ان الموضوع فيه إنّ راح يباااان كل شي...
غمضت عيونها وحاولت تنام......
أما وليد دخل البيت كالعادة البيت هدوء مخيف وظلام .. راح للجناح على طول ودخل...حس نفسه يبي يرسم ... اليوم كان شكلها حلو.....شغل الاستريو على اعلى صوت وراح لغرفة الرسم الخاصة في غرفته..
وشال الغطاء من على اللوحة وبدأ يكمل الرسمة صار يتذكر ملامحها اليوم .. قعد الليل كله واهو يرسم ليال لوحة ورا لوحة.. كل مرة ملامح..
مرة واهي مبسوطة...مرة واهي تتامل .. مرة واهي مرتبكه ... مرة واهي تضحك...مرة بلامح وجهها البريئة..
تذكر عيونها يوم جات بعيونه وكيف كانت حلوة وسحرته...اخذ لوحة ورسم عيونها
صار بعالم ثاني...عالم كله ليال...اللوحات كلها ليال بكل مكان ليال .. حس نفسه شوي وبيتجنن...كل اللي يدور براسه ليال ليال ليال..ومافي غير ليال...
تذكر موضوع اللي وعد ليال بيه..انه يشتغل بالشركات الخاصة فيها..خرج بسرعه من غرفته رغم ان الوقت متاخر بس ما كان في باله غير ليال مايدري عن شي راح لمكتب ابوه كان النور مفتوح والباب مردود...دق وليد الباب
عامر ( اب وليد ) : تفضل
دخل وليد بهدوء كان مزاجه مروق ومبسوط دخل بأدب واحترام مو عوايد وليد..دخل واهو يبتسم وجلس على الكرسي اللي جنب المكتب .. عامر ولا طالع في وليد كان بيدخن ويطالع في اوراق على المكتب وبيقرأهم...
وليد استنى يمكن دحين يخلص ابوه ويكلمه بس ابوه ولا كأنه في انسان جالس قدامه...
وليد : ابوي...ابغاك بموضوع
عامرطالع بوليد بقرف وهو يأشر له بيده : خير ايش في....انت منت شايف اني مشغول..
وليد سكت ومسك نفسه .. بدأ مزاجه ينقلب وليد يكره ان احدد
يقلل من قيمته ( زي ليال ) : طيب ابغاك بموضوع ضروري
عامر بطفش : قول خلصني..
وليد : عندي طلبين وابغاك ماترفضهم
عامر : ....................
وليد : انا ابغا اخرج من الشركة
عامر بعصبية : ليش .. ايش عندك فين بتروح اصلا
وليد : في شركة حق وحدة اعرفها راح اتوظف فيها مدير امسك لها الشركات عشان جدها مات صاحب الشركات ومحتاجة لاحد..
عامر بقرف : وايش دخلك انت اساسا فين شافتك عشان تختارك
وليد بدأ يفقد اعصابه ابوه كل شوي يزيد في اسلوبه ويعلي صوته والموضوع ما يحتاج كل دا مسك نفسه : اعرفها....
عامر : طيب وايش الشركة
وليد : L . M . S
عامر وقف من مكانه اول ما سمع اسم الشركة وصار يصرخ كانه
مجنون ورمى الورق بالطاولة بعصبية : نععععععععم .. وانت مالقيت تتوفظ إلا في شركة ماجد ... هذي الشركة هي اللي تخسرنا قاعدة وانا ماصدقت ماجد يموت وافتك تجي تتوظف فيها والله لو تنطبق السما على الارض منت متوظف
وليد فقد اعصابه وقف من مكانه وصار اهو يصرخ بعد بوجه ابوه : وانا ايش يدخلني بمشاكلك معاه انا حتوفظ فيها انا ابغا احس اني اشتغل منجد .. واساسا شغلك انا مايعجبني كله نصب واحتيال وانا ما ارتاح فيه يعني حخرج لو ايش ماصار
مشي وليد لناحية الباب وجا بيخرج قام دار وجهه وبصوت تحدي : ولعلمك كمان انا حتزوج البنت هذي واسمها ليال وماجد اللي مو عاجبك يصير جدها..
عامر مشي ل ناحية وليد واهو يعلي صوته وباستحقار : لو اتزوجتها وعصيتني مالك عندي اي حق.. تروح ولاترجع من عندها..ولا انت ولدي ولا اعرفك ولا تفرق معايا رحت ولا جيت حالك حال اي خدام عندي..
وليد وقف وسند ظهره واهو ياشر بيده : اشبها تفرق معايا....يكفي تتحكم في حياتنا.. تحسبني مثل اخواني تزوجني على كيفك عشان تمشي مصالحك مع الناس لا انا مو زيهم وعمري ماحكون زيهم
لاتفرق معاي فلوسك ولا نسبك ولا شي انا لو ابتزوج راح اتزوج بكيفي ولو بخرج من الشركة بخرج منها بكيفي ورجع بكيفي ماحخليك تتحكم فيا انا مو لعبة عندك صح انت ابويا على عيني وعلى راسي وانا ولدك ترى مو لعبه عندك.....تذكر دا الشي
خرج وليد من الغرفة واهو متنكد وملامحه اتغيرت ومزاجه انقلب 180 درجة قفل الباب بقوة وراه وراح ناحية جناحه .. امه سمعت الاصوات وراحت جري ورا وليد .. امه كانت ما يهمها شي غير الفلوس .. ما يهمها لا زوجها ولا اولادها ولا شي....كل اللي يهمها الفلوس والسمعه والفشخرة بين الناس...
وليد : نعم ايش تبي انتي كمان
ريم ( ام وليد ) : استحي انا امك
وليد : دخيييلك من ام .. بلإسم بس ام .. لا انتي دارية عننا ولا شي حتى اخواني من يوم ماتزوجي ولا سالتي عن اولادهم ولا عن زوجاتهم..
ريم ما كان عاجبها اسلوب العصبية دا بس عادي مو اول مرة لان وليد ما كان يعمل لها اي حساب.. امه كلمه تجيبها وكلمة توديها : انت ايش فيك فاير كدا .. وبعدين انا بكيفي انا بعييش حياتي ايش يدخلني فيكم انا صح امكم لكن انتو تتحمولو مسؤولية نفسكم وتدبروا حالكم
وليد رفع يده كانه يستسلم وبحماس وعصبية : خلااااااااااص انحلت المشكلة يريت العجوز اللي بالغرفة هناك يسمعك مالكم دخل مين اتزووج ولا فين اشتغل..انا حر نفسي انا ادبر حالي زي ما حضرتك قلتي قبل شوي
ريم : انت الكلام معاك ماله فايده انا رايحة انام
وليد : ايوا احسن لك..
دخل وليد لغرفته والدنيا انقلبت في راسه....قعد على السرير .. كان صوت الاغاني عالي...جلس على السرير...وحط يده على راسه وقعد يفكر...
مافي اي حل..ابوه لا يمكن يتنازل او يوافق ابوه اناني ولا يحس تنهد بقوة وتمدد على السرير ورمى يده باستسلام واهو يفكر ب ليال...غصب عنه عينه دمعت..
ليال ممكن تروح مني..انا اعرف ابوي..ممكن يسوي اي شي..بس ما اتزوجها ماعرف ايش حيسوي...اااااااه ابغا ليال ما ابغى غيرها..
ايش اللي بيصير كان كل شي ماشي تمام ايش اللي صار فجاة.. بس انا ماحتركها لو ابيع الكون كله عشانها.. ما حقدر اعيش بدونها.. اخذت كل شي فيني سحرتني ملكتني ايش اسوي بدونها غيرتني وغيرت كل شي فيني...
دق جواله شاف الرقم وعصب ورمى الجوال بقوة بالارض وصار يبكي شوي ومسح دموعه..وليد مفجوع من نفسه اول مرة يبكي...اول مرة يحس بالقهر..اول مرة يحس بالخوف.. مسح دموعه ما يبي يبكي البكاء ضعف ..
بس غصب عنه دموعه نزلت منه...
كان نفسه يتصل على ليال..بس ما يبي يكلمها واهو بدي الحالة .. خايف ومضايق وراحته عندها...بس ما يبي يقلقها او يضايقها و يشغلها معاه..غمض عيونه وحاول يهدء ويتذكر ليال...
صار يكلم نفسه كأنه يكلمها .. حس انه مجنون بس ارتاااح..ارتاح كثير يوم تكلم معاها حتى لو في خياله.....
غمض عيونه ونام ... نامت عيونه بس ابد ما نام قلبه...نام وليد واهو متمدد على السرير وضام رجله على صدره زي الطفل والدمعه على خده والخوف ما راح من قلبه......
صحي باليوم التاني مفجوع..اشلون نام..مايدري..قام ولا لقى نفسه على ذيك الوضعيه....تمدد كويس على السرير .. تذكر ليلة امس وكلام ابوه .. ايش حيصير الحين ... ايش مصيره مع ليال...
ايش يقولها..وايش يسوي شاف الساعة كانت الساعة 6 الصباح...لسا الشمس ما طلعت .. صار جالس بالسرير حس بخنقه .. حس انه يبي يخرج ..
يبي يتنفس.. يبي يشوف ليال.. بس الوقت بدري ولو راح الحين راح تقلق...وتحس انه في شي .. صار جالس غمض عيونه شوي ورجع نام.....
كان تعبان وقلقان .. الحل الوحيد اهو النوم عشان يرتاح ويوقف تفكير و يهرب من الدنيا....
رد: بقايا حياتي روايه رومنسييييه من تاليفي جريه
رد: بقايا حياتي روايه رومنسييييه من تاليفي جريه
