مصيوول وهو في عز النوم والساعة بليل إلا فجأه رن التلفون طبعا تلفوننا شايل ابوي منة كل الأرقام موب مخلي الا رقمين التسعة والثمانية يعني مالك الا تدق على الشرطة ولا الدفاع المدني وغيرة مافية المهم اني رفعت السماعه واقووول نعم الا وذااك الصوت اللي يرد الروح صوووت بنت واخوكم اذا سمع صوت بنت اوووجعه بطنة وانةااع الا سهاااال وقالت الوووووووانا مااعااد عرفت وش اقول انشلت براطمي ال ال ال الووووووو قالت مينمعاي قلت معاك انا(الصراحة جواب يدل على ذكائك)وهي اللي تضحك وانااا قلبي احسة موب طبيعي قالبهاااسااامري واستنزل عندي الكبد والبنكرياس انوااع الربكة وقاالتلي سوسو موجودة قلت لها ماينفع حوحو قالت مين حوحو قلت هذا اسم الدلع حق الحماار اللي هو اناوضحكت للمرة الثانية على التوالي وقالت يؤيؤ شكلي غلطانة طيب اسفةقلت لها لاعااادي لاشكر على واااجب(دايم اسمعهاوتعجبني واستنا فرصة عشان اقولها)وقفلت السماعة تصدقوون مدري وش اللي صار فيني حسيت بقشعريرة في جسمي وان افرازات الخشم عندي زادت وان ودي اروح انبطح في الحوش واكتب قصيدة هجائية لايكوون هذا الحب اللي يقووولوون (نعنابوالحب اللي تعرفة يالضفدع عاد انا ماني متعوود على البنات لان مشاء الله بيتنا خمسطعشر رجااال هم اناواخواني وابوي وامي(الله يخلف على ابوك واميمتك هذا وانت اكبر اخواانكعلية العوض ومنه العوض
)المهم يعني انا واخواني ماشفنااا بنت ابد وهذا اللي سبب لنا عقدة تسمىالعقدة الفسيولوجية(من وين جت ذي)المهم اني قررت اني اتعرررف على بنااات بس فيه مشكلةوحدةاللي هي اني ماعندي اسلوب ابد (يعني وقفت على الاسلوب نعن ابوووك انت عندك الف مشكله مو مشكله بس واهمها مشكلة وجهك اللي كنه لوحة انتبة امامك نقطة تفتيش الوكااد اني مالقيت قدامي الا واااحد من العيال اسمة عبدووووش معروووف ان البناتمايعوووقوون معاه وانا اللي اخذ مفتاح السيارة واروووح لمة الوكاد اني رحتلعبدوووش وعلمته بوضعي واني امنيتي في الحياة اتعررف على بنت قبل ماامووت (اخس يالشايب)فقال لي بسيطةاذا بغيت البنت تحبك حسسها انها احسن وحدة في العااالم قلتله يعني كيف يعنياقولها انها احسن من ماردونا وهو اللي يرفسني برجلهفي بطني وقاال ليانت ثووور وش دخل مااااردوناا يالغبي انااقصدي انك تحسسهابانوثتها وان مافيه بنتغيرها في العالم قلت له برضه مافهمت يعني تبيني اذبح كل البنات وخليهالحالهاوهو اللي يمووه علي برجله ويمحطني بيده على جبهتي وقال لي شوف انت حماار ماينفع معك الا الدروس العلميهويطلع جوااله ويدق وقال لي شووفانا هالحين باكلم وحده وتعلم قلت له طيب وكلم وقاال هلاحياتي هلا عمري هلا روحي انا لؤي حبيبك ومجننونك (الحمد لله على نعمة العقل نعن ابووك وين لؤيمعه والله لو اشوفك في احسن الا حوالبعد ماعطيك الاجعفر قال ايش قال لؤي وقام يقولها احبك مووت انا بدونك مثل البيت بدون حااارة مثل التلفوون بدوون حرارة مثل السواق بدون سيارة انا البنزين وانتي الشرارة اناا الرومانسية وانتي الا ثارة(قسم بالله بغيت اضمه وابووسه يوووم سمعت كلامة حسيت بشعور غريب نعن ابليسة لو يكلم جدار كان ذااب المهم انه خلص والتفت لي وقاال يالله دورك باعطيك رقم بنت وكلمها وقول لها نفس الكلام اللي قلته قلت له بكل خجل طب وهوو اللي دق على البنت ويعطيني الجواال عشاان اكلمها وانا اللي اقوول الووووو يوم سمعت صوتها ضاعت علومي ونسيت كل الكلام وقلت لها بابا فين وماحسيت الااابذيك الجزمة اللي لا زقة في مقاافاي وقال لي قوول نفس الكلام يالثووور وانا اللي اقولها هلا حياتي هلا روحي هلا تعااالي وقالت طيب وبعدين قلت لها انا بدونك مثل الكيبوورد بدون فاارة مثل التقاطع بدون اشاارة مثل الحمار بدون حماره مثل السلطة بدوون خياارة انا محترف وانتي نظام الإعارة انا الولاعة وانتي السجاره انا الددسن وانتي الغماره انا الصرصور وانتي البيارة انا طوووط طووط طووط قفلت الخط في وجهي قال عبدووش وشفيك قلت له لا ابد الخط مشغووول (مايعرف يصرف ابد)ومادريت الاعبدووش مطلع لوح كله مساامير ودبجني فيه لين قلت للعنز ياخاله المهم اني رجعت للبيت ودماني تصب وماليه وجهي من كثر الطق اللي جااني من عبدووش لدرجة ان اللي يشوفني ماا يعرفني طاالع كني مساابقة من صاااحب الصووورة اللي يحطونها في المجلات ونا اللي ادخل البيت بشوي شوي عشان مايشوفني احد واطلع لغرفتي واسكر الباب واناام وفي عز نووومي دق جرس التلفوون
ايه يوم يرن التلفون المهم وارفع السماعه الا هي نفس البنت اللي كلمتني اول مره قلت نعم قاالت سوسو موجوده قلت شوفي بيتنا كله شباب ومافيه احد اسمه بحرف السين انا واخواني كلنا اسمنا خاالد الا ومافيه الا اخوي الصغير فهد هو اللي اسمه ناايف وناااديه عبد الرحمن(وش عنده عاادل امام)والبنت كرتها ضحكه وقالت ماشاء الله دمك خفيف(هي تحسبني استهبل مادرت اني دلخ من جد)وقلت لها شكراا(مسوي مؤدب)وسألتني البنت وش تسوي اللحين قلت لها نايم قاالت يؤيؤ تنام في الليل انت قلت اجل متى انام قالت لا انا انااام في النهار واسهررر في الليل قلت لها ليش الأخت بووومه قاالت لاابس الليل وقت الرومانسيه انت تعرف الرومانسيه قلت لهااا لاوالله ماعرف بناات انااااا (مسوي فاااهم)وسألتني انت وش اسمك قلت لهامصيوول قالت وش معناه قلت لها هذا اسم كلب كان عند جدي وسماااني ابووي عليه لأني اشبهه وسألتها وانتي وش اسمك قااالت داااليدااا قلت لها ابي اعرف اسمك مو عيارتك قالت هذا اسمي (هذولي البنات تسألها وش اسمك تقول رهف ولا شوووق ولا افنان ولووو عذري بس مو جنبها) سوييت فيهااسلوب وقلت لها اني حبيت وحده بس انتهى هالحب لان اللي حبيتها خانتني قالت لي من حبيت قلت لها حبيت عنز جيرانا بس خانتني مع تيس سوري عشاان لهقذله المهم ان البنت قالتلي اووكي اكلمك بعدين لان امي تناديني قلت مو مشكله وتطورت العلاقه بينا وصرنا نكلم بعض كل يوووم وانااا انقلب حاالي ولاحظوا اهلي اني تغيرت يعنينكوون جاالسين على الغدا ولا العشاء وانا مااآكل وسارح وانغف وبعض المرات انسى اصبعي دااخل خشمي ولاحظوا اهلي اني صررت مؤدب واقرااا وااجد وانا اقراا عشان اعرف كلام جديد في الحب تلقاني اقرا كتب الشعر والحب والطبخ(لاتستغربووون لان كتب الطبخ اتعلم منها كلام حلو مثل ياعسل ياحليب ياقشطه ياكريم كراميل)وبرضه صرت ادخل كتب ممنوعه للبيت مثل اول سنه زوااج ماذا تفعل في ليله الدخله بس المشكله انها ضااعت هالكتب مني وصرت اررروح عند بيارة جااارنا اللي طافحه واقعد افكر واتامل وارمي حصى وسط البيارة(مسوي رومانسي مثل اللي يجلسون عند البحر ويرموون حصى المهم ان في ليله من الملاااليل قالت البنت مصيووول اوصفلي شكلك ياوالله البلشه وش اقولها هذي اللحين اقووولها اني قرررد اعترف لها بالحقيقهالمره واقولها اني جداار مالي ملامح الوكااداني قلت في نفسي ياااولد خلني اسوي مثل كل الشباب ونصب عليها يعني تلقى الواااحدمن الشباب شييييين واذا شفته ماتدري هو رايح ولا جاااي لان وجههمااله معالم ولو تشوف وجهه تحسبه وااحد معطيك مقفاهيعني مفروووض يحط لووحه على وجهه يكتب تررررى هذا وجهي عشااان الناس مايلخبطوون بين وجهه وقفاه وانا مثلكم واردى بعد انا اذا قابلت احد يجلس ساااعه محتااار وين وجهي من قفااي وما يعرف الا اذا لقى الووورقه لان فينيورقه مثل اللي تجي في الفنايل والسراويل عشاان تعرف وررررى وقداام المهم اني قلت لها انا عيوووني مثل عيون جوااد وطولي مثل طول طلال الرشيد وخشمي مثل خشم خالد عبد الرحمن وملحي مثل ملح راشد الماجد ومهضوووم كثير مثل رااامي عياااش(والله ماناقص الا ملحن معاهم ويصير اوبريت)الوكااد ان البنت شكلها خقت معي وقاامت تشاااهق من الفرحه وسألتها اناا اوصفيلي شكلك قااالت ماااقدر اوصفلك لما تشووفني بتعررررف لان مااالي شبيه(اخس يابريتني)ونا اللي افك خشتي وسعابيلي تقوطر كني كلب شااايف عظمه وقلت لها يعني بشوفك قالت اكيد اناا بكره بالروووح شاليهات اليمامه اللي بطريق الخرج الرياض ونتقابل هناك قلت لها هذيك للعوائل بس قالت عاد دبر نفسك قلت اوكي مو مشكله بس كيف اعرفك قالت بينا جوال اذا وصلت كلمني ونا اعلمك وين تلقااني قلت لها خلاص الوعد هناااك المهم اني انا توهقت وش لون ادخل الشاليهات وهي للعوائل وقلت مالي الا عبدووووش اتصل عليه واتفااهم معااه ودقيت عليه ورد علي وقال نعم وش تبي يالغبي وعلمته بالسالفه من سلسل اللين طقاق عليكم(تراني اقصد من طقطق لين السلام عليكم بس مدلخ شوي) وقااال لي والله صعبه وش بتسوي قلت له وش رايك تلبس عبايه وتسوي نفسك حرررمه وتروح معي على انك زوجتي وهوو اللي يتغيررر وجهه وقاالانا ولد ابوووي قلت له بالله توك تدري حسبتك ولد ابوي انا قال تستهبل يالزبال انااسوي نفسي حرمه ياويلي ويلاه خيل الخيل خياااااااااالهاااا قلت له يارجال كلك تبن لأدوس في بطنك جاالسين في مضاارب الباديه احنا قال لي لا يامصيول هذا ماقدر عليه وشاقووول للجماعه قلت له ومن قالك انا بنحضر عرس حنا بنرووح الشاليهات وانت ماااراح تكشف وجهك ابد قاال طيب ليش ماتسوي نفسك حرمه وانااااالرجال قلت ياخوي ماقدر لاني لارجال نافع ولاحره نافع وبعدين حتى لوغطيت وجهي بيكشفوني اني ماني حرمه من ريحت فمي اللي كنها ريحت
__________________
قصه خطيييييييييره بالهجه السعوديه
رد: قصه خطيييييييييره بالهجه السعوديه
العرض العادي
