السلام عليكم ورحمة الله وبركاته
اشكرك اختي الغاليه الورده الذهبيه بارك الله فيك
علي هذه القصص الجميله فيها عبره وعضه وفيها عجايب
لم اقرئها كامله لاني قرأت اكثرها واعبتني ودخلت بين هذي وذيك وهذا
لكن تشمل عدة مواضيع كثيره فيها الحلوه والمره وركزت في بندر و ريما وناصر وعبدالله
وغيرهم
يعطيك العافيه واستمتعت معها لكن اخذت مني الوقت الكثير ولم املها
((ريمـا))فتاة شقيه جدآ ولعابه حيـل وفيها شوية غرور ورفعت خشم وتحب كتابة الشعر والخواطر ومالها هدف معين بالحياة فاشلـه بدراستها أهم شي عندها بالحياة الفرفشه والوناسه
حتى لو كان على حساب غيرها ومن ناحية شكلها طولها( 160) ووزنها (52 )
بيضاء البشره ووجهها دائري وشعره ناعم ولحد أكتافها وقاصته قصة الأناناس وطلع شكلها مره حلو لونه بني غامق وبشرتها ناعمه حيـل وعيونهاوساع خشمها
دلـة سيف شفايفها صغار ومرتزات وورديه ولمن تبتسم يطلعلها غمازات وهم اللي محلينها أكثر وتبلغ من العمر 19 سنه
فمثل ريما وغيرها من الفتيات الذين اعمارهم مابين 19 الى 23 سنه في مرحله المراهقه انا ارها فيتعرضون الى ضغوط وخروج من
الضغوط الداخليه الى الخروج حتي لو كلفها الكثير
يعطيك الف عافيه اختي الغاليه
الحيـــن نتــعرف على البطـل الثاني لهذه القصــه ((بنـدر))
انساان هادىء جدآ وحبوب ورومانســي حيـل مايحب يزعل احد وهو دلوع أمـه يحب يسوي مقالب بأخته لميس أكثر شي ومن ناحية شكـلـه طولـه( 170)
ووزنه (54 )جسمـه عضلي ومشدود ومن ناحية لونه ابيض حيـل لما يطلع للشمس ثواني على طول وجهه ينقلب أحمر لون شعره اسود حيل وفيه خشونه شوي
حواجبـه كثيفه وسوداء وفيه صفه لما يعصب حاجبـه اليمين على طول يطير هههه عيونه وساع ورموشـه سوداء وطويلـه وعيونه لونهم عسلي فاتح وخشمـه طويـل وشفايفه
حمراء وكبار شوي ودايمآ يحط سكسوكـه لأنها لابقه عليه حيـل ويبلغ من العمر 20سنه وعلاقته قريبه حيل من اخوه سطام
والحين نتعرف على البطـل الثاني للقصه ((سطام))
فرفوش يحب الوناسه حيل اربع وعشرين ساعه تلاقيه يضحك وهو اللي كان يظبط المقالب مع اخوه بندر من ناحية شكـله طولـه 160 ووزنـه 58 جسمه عضلي لأنه داخل نادي رياضي
ابيض لكن بياضه جااي على صفار وعيونه عاديه وخشمـه أقرب للأفنس (يعني صغير) وشفايفه ورديات وكبار شوي وعمـره 18 سنه
والبطلـه الثانيـه للقصـه ((لميــس)) انسانه مرحـه وعلاقتها قريبه حيل من أخوانها دايمآ تكون بغرفتهم تضحك معاهم وتستهبل وصارت عربجيه حيل تتكلم مثلهم ومافيها من النعومـه شي ومن
ناحيـة شكلها طولها 160 ووزنه 50 سمـراء شوي لكن سمارها محليها كثير
شعرها لونه اسود مو ناعم لكن مع الاستشوار يصير أنعم من الناعم حواجبها سود ودايمآ تشقرهم وتخليهم ثمانيه وثمانين مثل مانسميهم عيونها كبار ووساع ورموشها كثيفـه وخشمـها واقف وشوي
عريض و شفايفه صغار وورديات وعمرهـا 23 سنـه ولها دور كبير بالقصـه وعلى فكـره ترى بندر وسطام ولميس يصيرون عيال خالة ريمـا
فخروج الفتيات من دخل التفكير العقلي الي التفكير الجسدي في هذه الحضه يتي بندر ويلعب علي بعض البنات فما هوا الحل لهذه الامور
يلست جدام التلفزيوون اتعشى واتابع فلم من افلام القنوات المشفره... وصاح تيلفوني..مسكته وطلع ربيعي عبدالله متصل... عبدالله: وييييييييييينك ياريااااااااااااااااااااال..
ناصر: والله اليوم الا راقد توني ناش ويالس اتعشى....وين انته؟ عبدالله: في الشقة يالسين نحن والربع.... ناصر: هههههههه ماشي بنات الليله..؟!!.. ضحك عبدالله بخبث..
عبدالله: ههههههههه لالا..مب كل يوم العيد عاد... ظحكت وياه..لكن من دون نفس...حسيت بشعور غريب...قريب من...الاشمئزاز ولوعة الجبد من نفسي..
صعب علي تفسيرة ذيج الساعه.. عبدالله: شحقه ماتينا... ناصر: والله اني مصدع عبود ولا فيني ..شكلي بتعشى وبخلص هالفلم وبرد ارقد... عبدالله: ياريال راقد طول اليوم..
شفيك شي يعورك... ناصر: لا بس مادري...احس اني ابا ارقد... عبدالله: خلاص على راحتك..يعني مابتينا... ناصر: لا مب ياي.... استانسوا انتوا بدوني...
عبدالله: هممممم على راحتك.... اشوفك باجر عيل.. ناصر: اذا عشنا... قلت هالكلمه ..بدون احساس..لكنها كانت مثل الصفعه القويه على ويهي.... " اذا عشنا"...
قلبي وعقلي الباطن يدري زين مازين اني ما اظمن اني اقوم من نومي باجر... يمكن اموت في اي لحظة..!!!... خفت ...الا مت من الخوووف من هالفكره....
يمكن ما اعيش باجر..!!!! عيل متى بكفر عن ذنووبي..؟!!! متى بتوب من اللي اسويه..؟!!!! قلت بدون حاسية لعبدالله.... ناصر: مع السلامه عبود...
وسكرت التيلفون قبل مايرد علي ... وصدى ذيج الفكره تدور وتدور فراسي...وحسيت فعلا بدووره في الراس... خلصت اكل... اما الفلم..ما اندمجت فيه الصراحه...
سكرت التلفزيون...وطلعت من الشقه..وانا احس بظيج فنفسي... طنشت سيارتي الكاشخه اللي واقفه تحت المبنى....ومشيت ومشيت...في شوارع شبه فاظيه...
اشوف واراقب السايقين اللي يتخققون بالسرعه...مثلي...متهورين...بعد مثلي... طنشتهم وكملت مشي...وانا احس انه اخر يوم بحياتي...خايف...
شو بسوي..شو الحل..؟!!!.. خطواتي قادتني لمسيد عدال البنايه تقريبا....مديت ايدي..وحطيتها عليه....حسيت انه غير عن كل المباني...سحبت ايدي بسرعه...حسيت اني ادنسه والوث المسيد بايدي... فكرت اتوظا وادخل اصلي ركعتين...من زمان ماصليت....واخاف اني ...نسيت كيف يصلون...!!!! لكني تراجعت عن الفكره ..يوم تذكرت بان هالمسجد مسجد شيعه.....وانا...انا مب شيعي...انا سني.... انسحبت... ورجعت مره ثانيه للشقه...شقتي اللي مترووسه ملوثات للنفس... تجاهلت الزقره الملحه الي كانت تزقرني اياها ذيج الغرشه الخضرا...كانها حبيبه تستقبلني باذرع مفتوحه..!! تجاهلتها..مالي نفس... ورحت غرفتي..وشبريتي..ورقدت... حسيت بالمرض...نفسي اكثر منه جسدي... والرقاد افضل طريقة للهرب... عشان جي رقدت...ورقدت....لين الصبح.... ------------------------------------- اليوم : الثلاثاء... المكان: العين.. في غرفة منى..اخت ناصر.. الوقت: الثانية والنصف ..صباحا..(بعد منتصف الليل)... ------------------------------------- (منى).... اووف...ملانه... هذي حالتي في الاجازات....يعفس رقادي فوق تحت.. سوري...نسيت اعرفكم بنفسي... اسمي منى سلطان... آخر العنقود...ويسموني "الدحّــانه"...مثل ماعرفتوا...ادرس في الجامعه... لكني بصراحه انغصبت عالجامعه...انا امبوني بغيت التقنية لانه ميولي جذي..بس اهلي وخصوصا امي..ماطاعت...اون الجامعه مستواها اعلى ومادري اشو من هالخريط..بالتالي انغصبت عليها... لكني تعودت عليها ...شو بايدي يعني اسويه..!!! لكني حالي في الاجازه...ورقادي اخترب...رقدت الساعه 5 العصر..ونشيت 12 في الليل...وحصلت اهل البيت رقود..وانا السويحره متفيزره اروحي... طلعت من غرفتي ونزلت تحت...دخلت المطبخ التحضيري وسويت لي سندويش جبن وعصير..وسخنت السندويشة في الماكروويف...ورجعت اركب فوق...ولاحظت من تحت الباب غرفة يوسف اخوي "مدمن الكمبيوتر"... انه بعده واعي... تقربت ودقيت الباب شوي شوي...بعد ثواني انفتح الباب...وطلع لي ويه يوسف الهادي...وعقد حياته يوم شافني.. يوسف: صح النووووم....!! توج نشيتي..! دخلت الغرفه... ولاحظت يوسف يطالع سندويشتي باهتمام... يوسف: اللــــــــه...مشكوره...والله يوعان... مد ايده وشل سندويشتي وقسم له نصها... وعطاني النص الثاني... منى: شو تسوي مستر؟.. مشى يوسف عني ويلس على مكتبه جدام حبيب قلبه... يوسف: اعابل برنامج....وانتي ليش ماكملتي رقادج..؟؟ منى: من العصر راقده يوسف كم برقد؟ بخيس... خلص يوسف سندويشته بسرعه...وشكله ماشبع... منى: تباني اسويلك وحده غير... يوسف: ياريت..وهاتيلي عصير مثلج بعد.... حطيت عصيري وسندويشتي عالطاوله ورديت نزلت عشان اسويله أي شي... ماصدقت يقولي ابا...يوسف وايد مهمل صحته...وصار ظعيف...وهو مب حلو عليه الضعف... بعد ماخلصت من السندويش والعصير طلعت من المطبخ..ورديت ركبت عنده فوق...دخلت الغرفه فجاه ..وما انتبهت ان يوسف حاط سماعة تيلفونه...ما انتبهت انه يرمس في التيلفون..!!! قلت بصوت عالي.. وبلهجة لبنانية... منى: واحد صاندوييييش جبنييييي وعصير برتآآآآآآآآن...تفضل خيوووووووووو.. لاحظت عيون يوسف المعصبه... استغربت..وفجأة مد ايده وسحب السماعه من اذنه وهو منزعج من الضحكه العالية اللي ارتفعت من الطرف الثاني بالسماعه...وماقدر الا انه يضحك مع ربيعه هو بعد... يوسف: الله يخسك جذي يظحكون... انحرجت..واحترق ويهي..حطيت له الاكل عالمكتب عداله...وشليت اكلي ويلست عالشبريه...احاول ادارك مشاعري... هذا منوه من ربع يوسف؟؟..لايكون ذاك نفسه ..؟؟...اللي سلم على امايه يوم العيد..وطلعت انا الحبيبه جدامه بدون مادري..!!. يالفضيحه... قعدت اكل سندويشتي واشرب عصيري لين ماخلص يوسف رمسته ويا ربيعه...وعقب ماخلص وخوز السماعه عن اذنيه..اطالعني بنظره... يوسف: ثاني مره ركزي مب تيني مثل الخبايل وانا ارمس ويا ربعي...زين جي فضحيتنا عند الريال.؟! منى: والله مادريبك انك ترمس في التيلفون...يعني متعمده انا اسمع ربيعك صوتي وخبالي وافضح عمري... يوسف: ادريبج مب متعمده بس الحرمه المفروض ماتهجم جي عالغرف...اول دخلي بهدوء وشوفي شو يالس انا اسوي قبل ماتفكرين تسوين اللي فبالج...عشان ما تتورطين... منى: ان شاء الله يدي... وسكت..وسكت هو بعد.. ترددت بالسؤال...لكن فيني فضول...بتم اهويس ان ماعرفت منو هذا... منى: آآآه يوسف..!...منو من ربعك هذا..؟؟ قال بدون اهتمام...
يوسف: خالد... حسيت ان بطني انعصر... خالد هو نفسه اللي شافني يوم العيد... سمعت يوسف يظحك بخفه...وكمل كلامه من دون ما اسئله... يوسف:
مات من الضحك عليج...صقع هب صقعه صم لي اذني.... ابتسمت انا باحراج.... منى: زين كسبنا اجر ونسنا حد في هالدنيا...برايك بسير اطالع التلفزيون في الصالة... يوسف: لا تنزلين الصاله التحتانية تحشرين قوم ابويه....اطالعي في هالصالة الفوقانية... منى: هي ادري..اصلا مافيني انزل تحت...... طلعت عنه وتوجهت للصاله وانا مب قادره انسى موقف خالد.... ---------------------------- ----------------------------------- ----------------------------------- الجزء الثاني ---------------------------------واليم يلي الثاني اذا كانت حقيقه لا اقول الى لا حول ولا قوه الى بالله
اشكرك اختي الورده الذهبيه
علي هذه القصص المؤثره والله يستر علي بنات المسلمين
تقبلي كل الاحترام من اخوك الجــــــنوبـــــــي
رد: تفتيش بنات كليه انظروا ماذا وجدو عند الطالبه؟؟
رد: تفتيش بنات كليه انظروا ماذا وجدو عند الطالبه؟؟
العرض العادي
