( 27 )
احضني لأشعر بالامان....
____________________________
باليوم الثاني صحيت غادة وانفجعت لمن ما لقت هتان مو بالغرفة خرجت من الغرفة تدور عليه وشافته بالصالة تحت...غيرت ملابسها ونزلت صحته وصحت نغم ولبستها عشان يروحوا يودعوا ياسر و حنان..وهم بالسيارة كانت نغم بس تتكلم و غادة ترد عليها وهتان مسرح..غادة منتبه للتغيير اللي حصل لهتان..قلقت لايكون تذكر... لا ايش بيكون مصيري..المهم وصلوا للمطار كان وليد وليال موجودين مع حنان وياسر...
راحت غادة و هتان ونغم بيدهم لناحيتهم وحنان كل ماتشوف هتان يقرب قلبها يدق بسرعه وملامحها انقلبت...وهتان نفس الشي كل ما يقرب كل ما يزيد الاحساس الغريب حاس بشي بينهم بشي ناقص بضياع بفراغ..
المهم سلم ياسر على غادة وعلى نغم اللي كان حيموت عليها وهي بكيت
نغم : خالو لاتروووح..بعديين مين يلعب معايا
ياسر قعد على ركبته ومسكها من خدها : لاتخااافي انا بجي .. نغم تعالي معايا
طالعت نغم بهتان ورحت له : لا ما ابغا .. انا ابغا بابا..
ليال : يا ناسووو..وليد يلا اتعلم من هتان عشان ولدنا يحبك زي كدا
وليد : ما يحتاااج احم احم...اللي يخليك تحبيني يخلي ولدك يحبني
ليال : ومين قلك اني احبك مع نفسك مغرور
وليد : ههههههههههههههههههههه
نادوا على رحلتهم
ياسر : يلا حنو بنتأخر
حنان كانت شاردة وسلمت عليهم اخر مرة سلمت على هتان وجات عينها بعينه...زاد الشوق فيها والخوف والرجفه بيدها...ودعته .. لاخر مرة..لمست يده .. حست بشي غلط...تسلم عليه كأنها غريبه عنه...الله يا الدنيا..الحين كل واحد صار مع شخص ثاني وبنودع بعض بالابتسامة وبرضا...... مشيت مع ياسر نغم جلست تبكي وهتان شالها وصار يسكتها...
طلعوا للطائرة كان ياسر ما يفارق يد حنان كان مبسوووط كان يخطط لاشياء كثيييرة حيسعدها ويغير كل حياتها .. طلعوا للطائرة جلس ياسر جنب الشباك وحنان بعده طالع فيها وابتسم
حنان : ترى الحين بنروح هناك وبينفجعوا اني تزوجت في وقت قصير
ياسر : ههههههه الحب يا ماما ايش يفهمك..
حنان : منجد...!!
طالع فيها وهو وده يسأل لها ياترى شلون بتكون حياتنا...شلون بنعيش عمرنا اخير يا قلبي...اخير يا احلا شي حصلي...ادري انك مانسيتي هتان بس انا راح اخليك تنسيه.....
حنان : ايشبك..وين رحت..
ياسر : لا ولاشي كم باقي عشان نوصل
حنان : يووه اعطيها كمان 4 ساعات
ياسر : يا ربي تدري اني اكثر شي اكرهه بحياتي السفر ..
حنان : تو تو تو انت غريب
ياسر : مادري .. تصدقي ما احب البهدله والتغريب احب الاستقرار راحة .. وهدوء..
حنان : بالعكس السفر يغير من حياتك كثير....يخليك تشوف اشياء جديده تكتشف تغامر.. يعني تشوف الناس تشوف الدنيا ناس جدد تقاليد عادات..اكتشاف
ياسر : ابدا ما اشوفه كذا إلا دوخة وجع راس وبهدله .. يختي اشتري كتاب وقرأي عن عادات الناس..ومدنهم وشوفي صور..
حنان : لا لا انت مرة غريب..
ياسر : هههههههههه وانت اكثر...
صاروا يتحكوا ويتكلموا وكل شي حنان عكس ياسر وياسر عكسها بكل شي بادق التفاصيل وباكبر الامور وباصغر المواضيع...
صاروا يتكلموا من دون توقف...وعناد حنان و عباطت ياسر ماتنتهي..لين وصولوا للمدينة نزلوا واخذوا الشنط وانهو اجراءات الدخول وراحوا للبيت اللي حنان تعرفه..
كان ياسر مفجوع ويتفرج بالمدينه الكبيرة مو مثل مدينته كانت صغيره والناس قليل المدارس والاسواق والمستشفيات والشركات تنعد على الاصابع..وصلوا للبيت اللي ماكان مرة كبير ولاكان صغير كمان كان من دورين وشكله مرة مرتب وانيق فخم...يعني بيت المصممه حنان..
دخل ياسر وعرفته حنان على البيت واول ماوصلوا لغرفة النوم تمدد على السرير والتعب واضح على وجهه..
حنان : لا لا انت منت طبيعي دحين سفر 4 ساعات سوت فيك كدا..
ياسر : مصدع ودايخ بالحيل..
حنان : ههههههه ياسر تستهبل صح..
مارد ياسر عليها ونام..
--------------------
نرجع لوليد وليال بعد ما خرجوا من المطار..وهم بالسيارة..
وليد : ايش صار بموضوع السفر..؟؟؟
ليال : اي سفر
وليد : ليلو نسيتي مو قلت لك ابغا اسافر معاك اخر مرة لوحدنا قبل ماتولدي
ليال : وليد انا مرة حتعب
وليد : مكان قريب ابغا اغير جو طفشت
ليال : طب انا اشوف افكر..
نزل وليد ليال للبيت وراح للعمل ..
دخلت ليال للبيت وصارت تمشي بالحديقة شوي ومعاها احمد..بس كل واحد ساكت
وشوي احمد : ليال...باقلك شي مهم
ليال : ايش..خير
احمد : انا مضطر ارجع لقريتي واترك الشغل
ليال وقفت ..
احمد : ليال انا الحين مطمن عليك مع وليد...وانا كبرت ومحتاج ارتاح..ابغا اعيش اخر
ايامي بقريتي مع بنتي و احفادي..
ليال : طب..!!
احمد : انا باجيكم واتصل فيكم اكيد..
ليال : طب على الاقل استنى لين اولد
احمد : لمن حتولدي انا بجي..
ليال : طب متى تبغا تروح
احمد : بكرة..
ليال ماهي عارفة ايش ترد...حنان وياسر راحوا والحين احمد..!!!
دمعت عيون ليال بس احمد ما سابها تبكي : لاتبكي .. القرية قريبة من هنا .. كلها نص ساعه و اوصل..
ليال : طيب انا ما اقدر امنعك..
ابتسم احمد وباسها براسها ومشي..
صارت ليال تطالع بالحديقة وكان الجو بارد ..
الكل راح بطريقه هتان تزوج غادة وجاتهم نغم والحين ياسر و حنان .. واحمد بيرجع
لقريته عادل وديما تزوجوا وانا وليد ننتظر طفلنا..
تذكرت حسام...وين يكون الحين ..؟؟ ايش اخباره ومي اكيد كبرت..!!!..
تذكرت منى اتصلت فيها على طول..
ليال : الو..
منى : الوو كيفك ..؟؟
ليال : تمام كيفك انت..؟؟
منى : ماشي الحال..
ليال : ايش دحين بتسوي..
منى : ولا شي قاعدة اتفرج تلفزيون
ليال : لا يا بنت اقصد لقيتي محل
منى : ايوا لقيت بس محتاج تزبيطات وماعندي فلوس..
ليال : طب ايش تستني المفروض تنزلي تدوري شغل وتجمعي فلوس عشان تزبطي المحل
منى : طيب شوي بكرة انزل..
ليال : يا منى انت ما تتعلمي من حياتك كوني جدية مرة وحدة اتحملي مسؤولية مرة وحدة بحياتك..
منى : يوووه ليلو انت تكبري المواضيع ترى مرة..
ليال : اللي يشوف حالتك امس ما يصدق انك انت هيا دحين
منى : صح ايش صار مع المحامي..
ليال: اليوم وليد راح على العمل وحيتلكم معاه ونشوف بعدين ايش يصير..
منى : ممم ليلو مرة شكككرأأ..
ليال : العفو .. منو.. تعرفي شي عن حسام..
منى : يوووه حسام من زمان عنه
ليال : ايوا ايش صار معاه..اخر مرة شوفته يمكن قبل اكثر من 3 سنين مادري حتى كم..
منى : انا اخر شي سمعت عنه انه غير كل شي.. عنوانه ورقم جواله وبيته حتى مدرسة اخته مي خرجها منها ونقل على منطقة ثانية ولا عاد سمعت عنه شي..بس في واحد اعرفه مرة صاحبه اكيد انه يعرف اخباره..
ليال : مرة صاحبه..؟؟!! غريبة ماتذكر انه كان عنده احد مرة صاحبه..
منى : لا لا بعد ماتركتيه .. حسام اتغير اتغير مرة...ماتقولي انه هو نفسه..
ليال : امم ..
منى : ليييييييش تسالي اشتقتي له ولا حن قلبلك ليه خلاص طفشتي يعني من وليد..
ليال : لا يختي...ايش جاب وليد لحسام اصلا ما يتقارنو طيب..بس اليوم اتذكرته فحبيت اشوف اخباره..
منى : اهااا قولتيلي..
ليال : ههه يا دمك المهم يلا انا لازم اقفل عندي اشياء كثير لازم اسويها..
منى : ايييييييييش..
ليال : مايخصك..وي
منى : بالله قولي..
ليال : بعدين انا اكلمك واقلك
منى : بكيفيك المهم لو طفشانة وفيكي تخرجي اتصلي بي انا ما عندي شي..
ليال : طيب..
قفلت ليال من منى واتصلت بوليد
ليال : الو..
وليد : الو..
ليال : حبيبي لاتنسى تكلم المحامي على منى..
وليد : يوووه صح ذكرتيني..
ليال : اليوم بتطول ..
وليد : والله حبيبي ماعرف الشغل مرة كثير اليوم شكلي ما برجع اصلا..
ليال : ما حترجع..!!
وليد : حبيبي لا تزعلي بس والله الشغل مرة مرة كثير...عارفة انت الفترة الاخيرة انشغلت بموضوع ياسر وزواجه ولا انتبهت على الشغل والدنيا هنا مقلوبة المهم انا بحاول اخلص وارجع بس إذا ما قدرت لا تزعلي..
ليال : لا عايدي..
وليد : يلا حبيبي لازم اقفل..
ليال : طيب...
قفلت من وليد وتذكرت هرجة السفر وتحمست شوي فتحت النت بس ماعجبها شي نزلت لمكتب السياحه...وهي بالطريق ملاحظة ان في احد من اول الطريق وراها...خافت ولمن ووقفت على جنب السياره مشيت...يعني يمكن صدفة المهم وصلت لمكتب السايحة
الرجل : اهلا وسهلا
ابستمت ليال ..
الرجل : كيف حالك انسة ليال..
ليال : الحمدلله ..
الرجل : من زمان ما تجينا ولا تسافرين..
ليال : انشغلت كثير اخر فترة والحين قررت انا وزوجي نسافر نروق ..
الرجل : هههههههههههه ايه والله الواحد يحتاج بين فترة وفترة يرووق ..
ليال : بس ايش في اماكن حلوة وهاااااادئة وماهي بعيده.,
الرجل : بما انك حامل وتبين مكان هادئ ففي جزيرة .. ماهي بعيده من هنا ,,, تطلعين لها بالقارب طبعا...الجزيرة كلها لك انت وزوجك..واحنا كل يوم بنرسل عمال ينظفون المكان .. الجزيرة كبيرة و حلوة كمناظر وطبيعة وجو..ولاتنسي البحر في كل مكان..
ليال : مره جيد
الرجل : امم كثير عرسان يروحون لها..وتدري يرجوع شي ثاني تحسي الحياة رجعت لوجوههم..
ليال : طب عندك اوراق او اي شي اوريه لزوجي اذا عجبته بكرة نجي نحجز..ونتفاهم على الباقي
الرجل : ايه اكيد تفضلي...
اخذت ليال الاوراق وخرجت من المكتب.....ركبت سيارتها..وهي تمشي شغلت الراديو... وصارت تفكر بموضوع السفر..واحمد اللي بيروح .. تسيب البيت بأمانة مين..؟؟؟ ومنى اللي لساتها بالمشكلة ومحتاجتني...مرة وقتها غلط السفره دي...
فجأة دخلت عليها سيارة من الشارع الثاني ... اهي ماعرفت ايش تسوي من الفجعه لفت على الطريق الناحية الثانية..كانت حتصدم باكثر من سيارة بس ربنا ستر ان ماحصل شي وقفت السيارة على جنب ونزلت تشوف الموضوع...
بس مالقت احد السيارة اللي دخلت عليها ما كانت موجودة..والسيارة مو بالغلط دخلت...بقصد...
ليال كانت حتموت من الرعب وحست بخوف كبير وصار قلبها يدق..كانت حتموت..وتموت كثير ناس معاها..ايش اللي صار ومين دا..
ماتعرف شي بس تتذكر لون السيارة كانت بيضاء وماقدرت تشوف مين يسوق اذا رجال ولا بنت ولا مين..؟؟!!!
اشترت مويا وهدأت شوي بكفي قريب وبعدين رجعت على البيت..وقلبها لساته يدق اول مادخلت البيت كان وجهها مقلوب وباين التعب عليها جاها احمد بسرعه..وقعدها على الكنبه وجاب لها مويا..
احمد : اشبك .. شكل الحمل بدأ يتعبك..
ليال : لا انا بخير ..
احمد : وليد للان ماجا..حاولت اتصل فيه لكنه مارد..
ليال خافت .. لا يكون اللي اليوم كان يبي يصدمها راح ل وليد..
صارت تدور على الجوال زي المجنونة وتدق علي وليد لكنه مايرد..
احمد : ايش حصل ليال..!!
ليال : ماعرف اصبر
احمد : ........
قفلت ليال بعد مادقت مليون مرة لكن مارد..
احمد : قولي ايش صاير..
ليال : لا ولاشي بس حبيت اشوف اشبه مايرد..
احمد : ليال .. بلاكذب
ليال : يووه تذكرت اصلا وليد قالي انه اليوم مارح يرجع البيت .. عنده شغل كثير..المهم خلينا فيك انت بكرة اكيد بتروح خلاص
احمد : ايوا رتبت شنطتي وحجزت تذكرة القطار
ليال : احمممممد حتوحشنا..
احمد : لاتكبريها كلها نص ساعه وتوصلي..
ليال : طيييب...
قام احمد عشان ينام ويستعد لرحله بكرة لرجوع للقرية والناس والاهل...
اما ليال فطلعت لغرفتها وغيرت ملابسها وخرجت للصالة وفضلت تتذكر السيارة تحاول تتذكر شكل الرجال..طب السيارة اللي كانت ورايا معقولة لها علاقة بالحادث ...
صارت تحاول تتذكر شكل الرجال اللي كان يمشي وراها لكن ماهي قادرة تتذكر اي شي ولاحتى لون بشرته ..
فضلت تنتظر وليد...وقعدت الليل كله وهي تتصل وهو مايرد...ماقدرت تقعد بمكانها و وليد ماتعرف اذا انه بخير ولا لأ..
اخذت نفسها ونزلت تركب السيارة...ومسكتها يد..
فزت من مكانها كان وليد..طالعت بعصبية..
ليال : فجعتني..
وليد : وين رايحه بهالوقت
ليال : فين بكون رايحه غير ادور عليك ... ليش ماترد على جوالك
وليد : يوووووووووه نسيت جوالي بالمكتتتتتب...يااااللله نسيته...
ليال : المهم امشي يلا الجو بارد خلينا ندخل..
اخذ وليد ليال بين يده ودخلوا وهي تفكر اذا تقوله على اللي صار ولا تسكت .. احسن اسكت وما اقول ..وليد راح يقلق ويمكن مايكون في شي مهم يمكن كل شي بالصدفة لكن لو تكررت راح اقول..
دخلوا على البيت وطلعوا على الغرفة وليال مزاجها مقلوب ومحتارة تقول ولا لأ...
لبس وليد وتمدد على السرير..
وليد : تعباااااان
ليال : نفسي يوم واحد تجي وماتقولي تعبااان
وليد : مستحيل..اساسا اللي يتزوجك دايما يكون تعبان انت تهدي الحيل ماحد يستحملك
رمت ليال المخده بوجه وليد
وليد : هههههههههههههه قدها
ليال رمت وحده ثانية
وليد : هههههههههههههههههههههههه خلاااص بس..والله مو عشانك حامل كان وريتك..
ليال : ههههههههههههههههه
وليد : وين رحتي اليوم اتصلت بالبيت وقلي احمد انك خرجتي
ليال : امم رحت على مكتب للسياحه عشان موضوع السفر
وليد : منجد!!!
ليال : يقلك في جزيرة ماهي بعيده من هنا كم ساعه بالبوت .. نحجز الجزيرة كلها لنا لو تشوف الصور اللي اعطاني هيا جنااااان حلوة بمعني الكلمة والمكان هادي وفي طبيعه كثييير ممكن نتسلق الجبال وممكن نسبح وحاطين بوتات واشياء مرة جيدة
وليد : ههههههههههههههههههههههه
ليال : دحين ايش يضحك
وليد : نسيتي انك حامل..
ليال : يووووه اسمع اصلا انا ما ابغا دحين اصبر .. لان احمد لعلمك راح يسافر ويترك الشغل
وليد : وي ليش..
ليال : يقول انه كبر وبيرجع للقرية ما يبغا يشتغل
وليد : ومتى بيسافر
ليال : بكرة
وليد : ليش بسرعه كدا كان قعد على الاقل لين تولدي
ليال : ماعرف وخلاص حجز بالقطار بكرة الصباح .. يعني لو سافرنا مين بيهتم بالبيت ولسا موضوع منى..
وليد : كلمت المحامي وقال بكرة لازم تجي منى عشان يفهم منها مزبوط لان في اشياء لو اثبتتها راح تخرج من الموضووع بسهولة..
ليال : طيب تمام متى تجي..
وليد : يعني ع الساعة 11 يكون هو فاضي..
ليال : خلاص تمام..انا بكرة اتصل فيها..
وليد : طيب طفي النووور ابغا انام مرة تعبان
ضحكت ليال وقفلت النور ونامت بحضن وليد...ارتاحت من اول ماشافته بخير وحست بااامااان جنبه ونسيت الخوف كله...ماعرف ايش اسوي لو ماكنت انت بحياتي كنت حضيع حموت من الخوف حبيبي الله لايحرمني منك يا اكبر نعمه بحياتي..
باليوم الثاني...صحيت ليال مع وليد عشان يوصلوا احمد ويودعوه...وهم بمحطة القطار كان احمد لابس ملابس خفيفه واكيييد ادوات الصيد حقه معاه اساسا قريته معروفة بالصيد..
ليال : يلا احمد تعالنا..اول ما اولد لازم تجي
احمد :ا كييييد..
وليد مسك ادوات الصيد وصار يتسهبل فيها : لازم يعني تاخذها معاك كان حطيتها مع الشنط
احمد : لا هذي ادواتي مستحيل اتركها انا اشيلها بيدي قدام عيني
ليال : ههههههههههههههه ياللله دحين مين يصطاد لنا..؟؟!!
احمد : ولا يهمك ارسلك السمك اللي اصيده واول ماتفكري تطلعي رحلة بالبوت اتصلي بي اجي
ليال : واللله
احمد : ليال اشبك القرية قريبة مارح اسافر بعيد..
نادوا لرحلة القطار وشال احمد اشياءه وودعهم وليال دمعت عينها و احمد ماقدر يمشي غير لمن هدد وليد اذا زعل ليال بيجي يقتله..وراح..فضلت ليال واقفه بمكانها وهي تاشرله بيدها لين اختفى القطار من قدامها وصارت تبكي و وليد يحضنها ويضحك ..
وليد : ليال ترى القرية قريبة يعني باي يوم اوديك انا ..
ليال : برضو سافر..
وليد : ههههههههههههههه طيب امشي بس..
اخذها وليد وركبوا السيارة..
وليد : وين تروحي ارجعك البيت ولا وين
ليال : ايوا اساسا انا ومنى متفقين اليوم ننزل السوق وبعدها تجي على الشركة عشان المحامي..
وليد : بدأنا اسواق .. انت حامل لازم تنتبهي وماترهقي نفسك
ليال : طيب بس بلا فلسفه على فكرة نبغا نخرج يوم مع عادل وديما..
وليد : ليش هما هنا
ليال : ايوا مو جو لفرح ياسر و حنان
وليد : ومارجعوا ..؟؟
ليال : ماعرف بس اعتقد لا لان ابو ديما مريض..
وليد : اوووف..سلامات.......
ليال : ممم افكر نروح لأبوها المستشفى..
وليد : و حنان وياسر..كلمتيهم
ليال : امم .. مبسوطين..ياسر لقا شغل وهي بدأت في تصميم مجموعات جديده..
وليد : الله يوفقهم..
وصلوا للبيت ونزلت ليال ركبت سيارتها وراحت لمنى اخذتها وراحوا يفطروا وبعدها راحوا على الشركة دخلت ليال و منى الكل يسلم عليها واللي اول مرة يعرف انها حامل واللي باركلها..المهم جاهم المحامي..
المحامي : اهلا وسهلا..كيفك حالك انسة ليال..
ليال : الحمدلله تمام..
المحامي : ماشاءالله ولد ولا بنت..
ليال : ولد
المحامي :مبرووووك ان شاء الله يطلع مثل جدك ولا ابوه
ليال : يارب
المحامي : هههههه يلا الله يباركلك فيه..
ليال : امين المهم هذي منى اكيد كلمك وليد عنها
المحامي : اهلا وسهلا ..
منى : اهلا فيك..
المحامي : طيب تفضلوا على المكتب نقعد احسن..
ليال : لا انا بستنا هنا انت ومنى روحوا احسن تاخذوا راحتكم
المحامي : ع راحتك تفضلي..
دخلت منى والمحامي للمكتب..
المحامي : ايوا انسة منى..
منى : ناديني منى بلاش انسة..
المحامي : هههههه طيب دحين ابغا اعرف منك القصة بالتفصيل..
منى : من وين ابدا..
المحامي : البداية انت تزوجتيه في الاول مو..
منى : ايوا
المحامي : وتطلقي..
منى : ايوا
المحامي : طلب منك مبلغ عشان يطلقك وانت دفعتي
منى : امم
المحامي : طيب عندك ورقة على التلسيم..
منى : ايوا..
المحامي : ولمن رجعتيله..في ورقة او اي شي تثبت انك رجعتيله..
منى : لا .. كل ما اقله كان يأجلها .. واختفى من دون اي اثبات للرجوع
المحامي: تمااااااااام...طب لمن طلقلك المرة الاولى انت اللي دفعتي الديون اللي عليه..
منى : ايوا
المحامي : بعد ما طلقك جاتك اي فواتير او اوراق او احد يطالبك بفلوس
منى : لا لا كلها كانت قبل ما يطلقني..
المحامي : طب ابغاك ترسلين لي ورقة الطلاق .. وان شاء الله بتنحل..مدامك تطلقتي ومافي شي يثبت انك زوجته او رجعتيله فهم مالهم اي حق انهم يطالبونك تدفعين عنه
منى : بجد..
المحامي: ايوا..مشكلتك بسيطة ترى .. بس محتاجه وقت ..
منى : شكككررا..
المحامي: لا لاشكر ع واجب..
منى : طب ارسلك الورقة كيف بالفاكس ولا كيف..
المحامي : لو تجين احسن..
ابتسمت منى : خلاص اوكي..
خرجت منى من المكتب مع المحامي ولقت ليال و وليد واقفين يتكلموا
وليد : ها كيف تمام..
المحامي : لا لا ان شاء الله سهلة..
ليال : طب كويس..
منى : ايوا والله مرة شكر تعبتكم معايا
ليال : بلا هبل ها ..
وليد : منجد عاملة فيها
منى : طيب يلا نمشي عشان الموعد..
وليد : موعد ايش..
ليال : نسيت اليوم عندي موعد مراجعه مع الدكتور..
وليد : يوووووووووووه نسيت حبيبي معلييييش
ليال : لا وي عايدي بلا هبل وبعد الدكتور بنروح ع السوق انا ومنى
وليد : اهااااااااا طيييب اجل انا اليوم ما حرجع ع البيت بدري مرة الشغل كثير اوكي لا تزعلي
ليال : لا لا ايش اللي ازعل اصلا منى بتكون معيا انا بس اخاف لو كنت لوحدي
منى : أمّــا ..
وليد : ههههههههههههههه انت ما شفتي
ليال : ولييييد
وليد : طيب خلاص
منى : ايييش اتكلم
وليد : لا لا خلاص بعدين تبكي علينا واحنا مو ناقصين
ليال : ني ني ني..
وليد : ههههههههههههههههه
منى : طب ليال ما كأنوا تأخرنا
ليال : ايوا يلا يدوبك مع السلامة حبيبي
وليد : مع السلامة اسمعي انتبهي على نفسك ها..
منى : لاتوصي لاتوصي
ليال : هههههههههههههههه
خرجت ليال ومنى من الشركة بعد ما انزاح هم كبير من قلب منى و ليال خلاص ارتاحت من هم الديون والولد بتنحل
دخلوا لعند الدكتور..
ليال : اهلا دكتور
الدكتور : كيف حالك اليوووم
ليال : الحمدلله ماشي
الدكتور : انت عارفة ما بقي كثير على الولادة
ليال : ههههههههههه الله يستر مرة خايفه
الدكتور :لا ان شاء الله بتكون سهلة اذا استمرتي الشهر اللي باقي بنفس الشهور اللي راحت انا اضمنلك انها بتكون سهلة
نامت ليال على السرير...ومنى واقفة معاها ولمن جا الطفل على الشاشة وهو شبه مكتمل كان الدكتور يوري ليال اعضاء الطفل يعونه ورجوله وراسه و يده ومنى تشوف وتتخيل نفسها بعد كم شهر وطفلها .... ايام الحمل احلا ايام بالنسبه للأم...مارح تنسى احساس العظيم والحنان تحس به اي أم بشكل لا إرادي..
كان شعور ليال وهي تشوف طفلها مكتمل ينتظر كم اسبوع او ايام عشان يخرج للحياة .. ما بقي كثير قريب بتشوفه قدامها وتمسكه ماكانت تعرف بايش تحس حنان كبير وحب لشخص ماتعرفه لطفلها .. جزء منها .. تبغا اليوم يجي بسرعه بس تشوفه .. تحسه ..
تحبه حب بريء حب حنون حب فطري شخص تحبه وتضحي بروحها عشانه وهي ماشافته ولا سمعته ولا تعرفه كانت فرحتها واضحه على وجهها كانت هي ومنى يطالعون ويعلقون على شكله والضحك مايتوقف..والدكتور مبسوط معاهم اساسا قال ل ليال انا اول مرة تجيني حالة مثلك...كانت تسمع نبض قلبه وحتموت وتشوفه..اتمنت وليد يكون معاها المهم خرجوا من غرفة الدكتور وفرحتها ماتنوصف
وفي السيارة
منى : ياناااااااااااسوووو لا لا لا ماتتصوري قد ايش نفسي اشوف كيف شكله
ليال : ههههههههههههههههه
منى :يلا يلا لازم نشتريله اشيااااااااء عاد ولد ليال دا وأول ولد يعني انواع الدلع
ليال : هههههههههههههه منجدددد
منى : ايش ايش حتسميه يلا لازم نفكر
ليال : ممم مادري ... وليد يبغا بيدر ومرة يقول نواف ومادري ايش بعدين
منى : لا لا لا شوفي شي ثاني كدا شي فله
ليال : انا ابغا ماجد
منى : اها بس عارفة حلو لو تغيروا..
ليال : مادري نفسي اسميه على اسم جدي..ابغاه يطلع مثله
منى : انت عارفة سميه اسم جديد في العائلة و الثاني لو جاك ولد سميه ماجد
ليال : انت شايفه كدا..
منى : ايييوا مرة
ليال : مم طيب عايدي بس ايش اسميه..؟؟
منى : مادري ايش رايك نشتري الكتاب ونقعد عليه
ليال : والله فكرة بس خلينا نخلص من السوق أول بعدين...
دخلوا اول محل منى سالت ليال ايش ناقصك ليال مالقت في شي ناقص .. كل شي لازم و مو لازم اشترته اساسا هي و وليد ماقصروا..المهم منى قعدت تاخذ كل شي قدامها ..
وكانت ليال بس تبغا تشتري كل شي للطفل تبغاه ما ينقصه شي كل اللي يحتاجه يلاقيه .. ما يتمنى اي شي غير يكون موجود بس ياشر.. فاخت كل شي قدامها مهم ولا لأ حلو ولا لأ..المهم كل شي يكون موجود
انتهوا من السوق وراحوا للبيت واشتروا الكتاب..وهم بالبيت ومتونسين على الكتاب..
منى : اسمعي قلتي لي اشتريتي الغرفة صح..
ليال : يوه من اول
منى : ممم طيب والملابس كلها
ليال : اكيد
منى : مافي شي ناقص
ليال : مافي مستحيل اخلي شي ناقص
منى : ياعيني انتبهي لا يغار وليد منه..
ليال : تخيلي يغار من ولدنا ماتوقع
منى : اشبك وليد مرة مرة يحبك و لمن يجي الطفل بس يبغا يكون معاك وينام عليكي وانت عاد امه يعني إلأ ما يجي مرات تطنشي وليد عشان الطفل مرة حيزعل فاهمة قصدي
ليال : ههههههههههههههههههههههههه ياويلي والله حضحك تدري حاسة حياتنا حتتغير مرة حنكون حياة متزوجين منجد
منى : لا مو شرط
ليال : مادري
منى : هيا حتتغير حتغيير اكيد بس انت وشاطرتك ساعتها لا تتلهي بالطفل مرة كثير انتبهي انو تنسي وليد
ليال : لا لا لااااااااا مرة لا..
منى : في بنات مجانين بعد ما يجيهم اولاد على طول ينشغلوا وتصير حياتهم ملل روتين و
ليال : ما تخيل نفسي كدا ابدا لا...
منى : يالله مرة شعور حلو ولد وزوجك وحياة
ابستمت ليال : لا تزعلي اكيد حيجيك اللي يعوضك عن كل شي ويعتني بيك وبولدك وبكل شي
طالعت منى للارض : انا ما ابي احد خلاص انا حعتني بنفسي وبولدي وحعيش معاه وحيكون لي كل دنيتي وما اهتم بغيره ولا انشغل عنه وحعمل قد ما اقدر وححاول قد ما اقدر اني اوفر له احلا عيشة..
ليال : منوووو لا تتكلمي زي كدا ليش لو جاك واحد طيب وحنون ويحبك خلاص
منى : لا لا لا انا ما ابغا
ليال : طب سيبينا من دا الموضوع وقليلي .. تبي بنت ولا ولد
منى : ما دري كلو واحد لو ولد ولا بنت حفرح بجد للاثنين
دق جوال ليال..
ليال : الوو..
.... : الو
ليال : مين..
.... : انا ياسر
ليال : ياسررررررررررررر اهلين ايش دا فينكم نتصل ما حد يرد دايما
ياسر : ههههههههههههههه وانتو مقفل
ليال : مقفل..؟؟!!
ياسر : ايوا جوال وليد مرة مقفل
ليال : وليد ناسي جواله دايما بالمكتب
ياسر : المهم كيفكم وكيف الطفل
ليال : تماااام الحمدلله كلنا كويسين انتو كيف..
ياسر : الحمدلله اليوم بدأت حنان شغل عندها بعد شهرين عرض أزياء
ليال : ايوا قالتلي..
ياسر : حاولوا تجوا
ليال : ان شاء الله اذا قدرنا بس ذكرني انت
ياسر : تجي مع الطفل..ايش حتسميه
ليال : مادري لسا اشتريت اليوم كتاب عشان ادور
ياسر : سميه ياسر
ليال : هههههههههههههههههههههه انا ابغا اسميه ماجد
ياسر : ايوا صح سميه ماجد..
ليال : ماعرف بفكر المهم كيف شغلك قالت لي حنان لقيت شغل
ياسر : تمام بدات داوم وماشي الحال..
ليال : جنبك حنان
ياسر : لا هي مرة مشغولة دي الايام زي ما قلتلك مرة ما تقعد بالبيت
ليال : واي .. وانت قاعد لوحدك كيف هناك بتدأت تتأقلم معاهم ولا كيف
ياسر : ماشي شوي شوي يعني الشغل تمام بس تدري الغربه تفضل غربه
ليال : منجد مجربتها
ياسر : خلاص لو رجع وليد من شغله خليه يكلمني على دا الرقم ضروري
ليال : خلاص طيب...
ياسر : توصي على شي
ليال :لا بس انتبه على حنااان..
ياسر : هههههههه لاتوصي...في عيوني..
ليال : خلاص يلا سلملي عليها اوكي وحاولوا ترجعوا اول ما تفضوا..
ياسر :خلاص لمن تولدي اتصلي بينا احنا حندق كل شوي بس يعني لو..
ليال : هههههههه اكيييد اكيد لا تخاف يلا مع السلامة
ياسر : مع السلامة..
قفلت ليال من ياسر ومنى كانت قرات نص الكتاب
ليال : ايش لقيتي شي..
منى : لا...بدور لك على اسم مرة حلو وجديد وغريب ومعناه حلو والمشكلة كل الاسماء هنا معروفة..
ليال : طيب هاتي اشوف معاكي...
ومشي الوقت بين منى وليال بين الطفل والمخططات اللي تبغا تسويها مع وليد والطفل وبدأو بعدها بترتيب الاشياء اللي اشتروها
واتصلت ليال على ديما و عادل بس ماحد رد..لانهم كانوا بالمستشفى...والد ديما تعب مرة ودخل على المستشفى وكان محتاج لجراحة خطيرة ومافي دكتور يقدر يسويها غير عادل...ودخل عادل لغرفة العمليات وماخرج منها وديما قاعده على اعصابها ..
وبعد 6 ساعات خرج عادل وهو مبسوط واول ما شافت ديما ملامح عادل اللي تريح جريت وحضنته
عادل : الحمدلله ديما نجحت العملية
ديما : عادل .. انا مو مصدقة الحمدلله ..
اخذ عادل ديما على الغرفة اللي فيها ابوها.واستنو كثير لين ما فاق .. واول ما فاق
ديما : الحمد لله على السلامة ابوي
والد ديما ابتسم وطالع بعادل..
عادل : الحمدلله على السلامة
ديما : ابوي عادل هو اللي سوالك العملية
والد ديما مسك بيد عادل وابتسم : شكرا...اعذرني يا ولدي على اللي سويته معاك..
عادل : لا عادي انت مثل ابوي ومستحيل ازعل منك ومايحتاج تعتذر..
طالع عادل بديما واخذها لبرة الغرفة عشان يتركوا ابوها ينام .. واول ماخرجوا جاهم اتصال من ليال..
عادل : ايوا ليال
ليال : كيف حالك ليش ماترد لا انت ولا ديما
عادل : كنت مشغول بس ابو ديما مرض
ليال : ايوا سمعت بدا الشي كيف حاله الحين
عادل : الحمدلله بخير
ليال : طب انتو فاضين بكرة انا و وليد ومنى نبغا نتغدا او نتعشا معاكم
عادل : خلاص طيب خلوها عشاء احسن
ليال : طيب خلاص يلا مع السلامة
وفي نص الليل دخل وليد وكانت منى و ليال بالصالة
قامت ليال تسلم على وليد اليوم كله ما شافته .. وكانت يده ورا ظهره وهو مبتسم بخبث..
ليال : ايش عندك..؟؟
وليد : أختاري يد..
ليال : ممممممم اليمين لا لا اليسار..
وليد : يلا ..
منى : اختاري اليسااااار
ليال : خلاص يسار لا يمين..
وليد : يا عبطك .. اختاري
ليال : خلاص يسار..
خرج وليد يده وهو ماسك صندوق بيده الاثنين يعني لو اختارت يمين ولا يسار صح..
ليال : مادري مين العبيط...
اخذت الصندق : ايش دا هدية لي..
وليد : افتحيها ..
فتحت الصندوق وسكتت وهي مبتسمه ومبسوطة ..
منى : ايييييييش
خرجت ليال لبس لكابتن طيار حق الطفل .. يعني يلبسه لو صار عمره سنتين ..
ليال : ههههههههههههههه وليد مرة حلو هههههههههههه ياويلي بيجنا ولد قد
كدا...صغييير شوف قد ايش طول اليد هههههههههههههههههه
مشي وليد وجلس على الكنبه : حبيبي هذا ل ولدنا عشاااااان
طالعت ليال بوليد وهي ماسكه اللبس ومبتسمه : اهمم
وليد : أبغاه يطلع طيار ويسفرنا لكل مكان
ليال : ههههههههههههههههههههههههههههه
قامت منى ونطت لعند ليال واخذت اللبس وهي تقلبه : يا ناسو مرة مرة مرة
حلوووووووووووو هههههههههههههههه ايش دا صغير كانوا حق لعبة...
وليد : يلا ماني قادر بسرعة ابغا دحين .. يجي الطفل..
ليال : خلاااص مابقي شي.. المهم ترى ياسر دق عليا..
وليد : منجد ..!!!!!! كل ما ادق عليه مايرد او ما يوصل ماني قادر اوصله
ليال : ايوا وهو يقول يتصل بجوالك مقفل
وليد : ههههههههه عشان الشغل...المهم ايش أخبارهم
ليال : ماشي تمام لقا شغل يقول مرة كويس الشغل وحنان بعد شهرين عندها عرض ازياء يبغانا نجيهم
وليد : يووووه شهرين يحلها الف حلال وقتها وبعدين لاتنسي حتكوني اكيد ولدتي مادري اذا حنقدر ما اعتقد..
ليال : يالله وليد حتتتغير كل حياتنا وحنسير مشغولين وحالتنا حالة
وليد : ههههههههههههههههههههه الله يستر مرة متحمس
منى : ههههههههههههههههههههههههههه متحمس ايش مبارة هي .. وليد حتيسر أب...
وليد : مرة يحمس طيب...تعتقدي بكون اب كويس..!!
ليال : اكيييييد واحلا اب..
منى حست انها غلللط : طب انا ابغا اروح انام...مرة نعسانه
وليد بفجعه : حتنامي عندنا..؟؟!
منى : ايييوا على قلبلك قاعدة...
وليد : ههههههههههههههههههههههههههه لا لا مرة ما ابغاك مرة..
منى : مو بكيفك انت تحمد ربك انو انا اتنازلت ورضيت اجي..
وليد : لا بصراحة لازم تقعدي عشان تهتمي بليال تعرفي اخر شهر ..
منى : ايوا اجل قاعده حب فيك ..
ليال : يووووووووووووووه ايش سكتكم دحين انتو الاثنين خلاص منو روحي نامي
منى : ايوا يا سيتي رايحة وسايبتلك الجو..
ليال : هههههههههههههههههههههههههههههه يا بببببننننننتتتت يلا روحي..
ابتسمت منى بتريقه وراحت..
سرح وليد شوي
ليال : حبيبي بايش تفكر
وليد : بفكر كيف راح اكون أب ..عمري ما حكون زي ابوي حكون دايما معاه وحسمعه وحهتم فيه وحدرسه في اغلا واحسن المدارس حخليه يدخل اي شي يبيه وبس يكبر راح اشتري له اغلا سيارة تدري لو يطلع طيار مو بس اتحققت كل احلامي كنت طول عمري احلم ببنت زيك حلوة وطيبة وحنونة وبنفس الوقت واعية وفاهمة ولقيتك واتزوجتك ومبسوط معاك وكمان حيجينا ولد يعني يالله ليال انا مرة مبسووووط..
كانت ليال تطالع فيه وتبتسم وتسمع لاحلامه وعيونها ترد عليه .. وتنهدت بقوه وحطت راسها على صدر وليد..
ضمها وليد : ليال ما عرف كيف أشكرك لانك دخلتي بحياتي وغيرتي كل شي فيني خليتي لحياتي معنى .. خليتيني اشوف الحياة خليتيني احس بالدنيا والناس احس اني عايش ومسؤول عنك وعن طفلنا عمري ما حسيبك وهذا وعد اني بعمري وروحي أحميك انت وطفلنا واسعدك وابعد عنك كل شر...
ليال : حبيبي كان نفسي جدي يكون معانا بدي الحظة
وليد : اهو معانا...
ليال : تدري انا خايفة..
وليد : من ايش
ليال : خايفة لو نقصر بحق الطفل او نظلمه معانا..خايفه ما يكون سعيد
وليد : مستحييييل...
ليال : لاتتركني انا بدونك ما حعرف اعمل شي..ماحعرف اربيه ولا حعرف اتصرف..
وليد : انت اشبك انا مستحيل اتركك ابدا..لو ايش صار
ليال : طب مارح تقول لأهلك اني حامل
انقلبت ملامح وليد
ليال : وليد هذول بيفضلوا اهلك رضيت أو ما رضيت ولازم يعرفوا
وليد : ليال هذا الموضوع اتركيه علي انا اعرف اتصرف..
ليال : طيب لاتعصب...
وليد : حبيبي قومي ننام انا مرة نعسان
ليال : وليد..بطلت ترسم
وليد : انتي شايفه عندي وقت
ليال : لا لازم ترسم ابغا افتحلك معرض ثاني
وليد : لاااااا انا ماصدقت افتكيت من المعرض الاول والصحافة والكلام الفاضي انا ما احب
دي الاشياء والشهرة والتصوير واسئلة .. خليني ارسم لنفسي
ليال : طب انت حتى لنفسك ماترسم
وليد : ماني لاقي وقت
ليال : هذا عذرك كل شي ماني لاقي وقت دحين ايش عندك ليش ماترسم
وليد : الرسم مو بس كدا يلا قوم ارسم...و أرسم .. لازم يكون لي مزاج ومروق وعندي فكرة ارسمها انا كل لوحاتي لازم لها معنى ...
ليال : طب دحين روق وجيب المزاج وفكر بمعننننى زي ما تقول ..
وليد : تعباااان
ليال : وليييييييييييييييييد لو سمعت منك كلمة تعبان والله....ماعرف ايش حعمل .. حرميك من الشباك
وليد : هههههههههههههههههههههههههههه طب ايش اسوي من جد تعبان
ليال : مالي دخل لاتقولي هيا
وليد : طب تعبااان
ليال : وليد اسكت لاتقولها
وليد : لا انت استخفيتي
ليال : قول اللي تقوله بس كلمة تعبان ابدا لاتقولها..
وليد : طب قومي ننام عشان مرة تعبا .. ههههههههههههه قصدي نعساااان
ليال وقفت وهي تطالع بغرور ومشيت قبله : ايوا كدا..
راحوا ناموا وباليوم الثاني خرجت منى من بدري عشان تودي الاوراق اللي طلبها المحامي .. و وليد طبعا على العمل اما ليال ففضلت بالبيت اتصلت ب احمد واطمنت عليه كان بخير ومبسووط وباين من صوته اصلا وخلاها تكلم بنته واحفاده وارسلها صور ليه وهو راكب الحصان ويصطاد سمك وهو يشوي مع احفاده وصور كثيرة مرة جيدة...
جلست ليال لين الساعه 8 وبعدها خرجت على المطعم اللي اتفقوا انهم يقابلوا فيه عادل وديما .. و وليد كان هناك من قبل مع منى وعادل وديما بعد..
قصر ليال كان كبير وبعيد عن المدينة نفسها مو بعيد كثير لكن مو بنص المدينة لا خارج عنها بكم شارع..ونادرا ما يكون هناك اشخاص او سيارات لان مافي شي غير اشجار والقصر..
المهم خرجت من بيتها ولين مادخلت للمدينة و وراها سيارة.. خافت وصارت تضيع الطريق لفت كل لفة تقابلها واكثر شي تخاف منه لمن توقف بإشارة حاولت انها تشوف ملامح الشخص بس ماكان باين ظلام...
حاولت تاخذ الرقم لكن مع التوتر والقلق ماهي قادرة تركز وشوي اختفت السيارة .. .. واخذت ليال طريقها للمطعم ..كان قلبها يدق بسرعه واول مانزلت من السيارة قعدت تطالع حولها ان كان السيارة لسا وراها ولا لأ..
بس ماكن في احد..
دخلت على المطعم ولقتهم كان وجهها مقلووب باين عليها ويدها ترجف..
سلمت عليهم كلهم
وليد : خلاص طلبتلك
ليال : مين قلك..
وليد : وي بدل ماتقولي شكرا
ليال : طب شكرررا..
منى : عادل كيف الشغل معاك
عادل : مااشي..
ديما : نفكر ننقل لهنا
ليال : منجد..!! كويس
ديما : امم ابوي الحمدلله عرف انه غلطان اتجاه عادل واعتذر له وطلب مني اننا ننقل على هنا وراح يشتري لنا فيلا ويقول انه يبي يفتح لعادل مستشفى خاصة بس عادل ما يبغا
وليد : ليش..احسن لك
عادل : لا ما يحتاج..
جا الاكل وكان ياكلوا ويتحكوا عن كل شي ليال قعدت تفكر بحالهم
ديما و وليد... المفروض انهم يكونوا لبعض...لو انهم تزوجوا بيكونوا سعيدين زي ما وليد سعيد معايا وديما مع عادل...؟؟؟
القرار اللي قرره اب وليد و اب ديما .. بزواج العمل .. كان راح يحرم الاثنين من انهم يلتقوا بالشخص اللي يحبوه بالشخص الي يتمنوه..ديما و وليد .. قدروا ينجو من هذا القرار بس للأسف في كثيييير من اللي صاروا ضحية لهقرار من دون ما يعملوا شي....!!!
المهم خلصوا عشاء و ودعوا عادل وديما لانهم كانوا بيسافروا باليوم الثاني وبيرجعوا الاسبوع اللي بعده عبال ما ينقل عادل ...
خرجت ليال واخذت منى معاها و وليد راح بسيارته رجع للعمل..
و وقت ماخرجوا خرج معاهم شخص ما كان باين ملامحه لانه كان لابس نظارة شمسة باليل و كاب .. بس باين انه طويل ونحيف..ولونه عادي...وهو من اول بالمطعم وهو يطالع فيهم ويراقبهم وليال كانت طوال الوقت بجو متوتر بسبب هالشخص ماتدري ان كان صدفة ولا السيارة والحادث ومرة ثاني سيارة ثانيه وهذا الشخص مرتبطين ببعض...
المهم اول ماخرجوا من المطعم الشخص الغريب خرج معاهم وركب سيارته ولحق بليال ليال انتبهت له من اول وفضلت تلفلف بالمدينة..
منى : ليال طريق بيتك مو من هنا
ليال : ................. وهي تطالع بالمرايا وتسوق بسرعة تبي تضيعه
منى : لياال فهميني ايش في
ليال : مافي شي...
منى طالعت ورا لان ليال كانت نظراتها مخيفة
منى : ايش السيارة دي من اول ورانا ولا ايش
ليال : ماعرف
منى : وقفي على جنب لين يمشي وارجعي
سوت ليال زي ماقالت منى والسيارة بالفعل مشيت وليال رجعت الطريق وراحت على القصر بسرعه وقلبها يدق بسرعه وماهي عارفة ايش تسوي ..
دخلوا البيت وليال ماتكلمت ولا شي وقعدوا بالصالة
ليال : منى لاتقولي ل وليد اي شي
منى : ليش قولي له احسن
ليال : لا لو قتيله راح يقلق ويكبر الموضوع يمكن الهرجة مافيها شي واحنا فهمناها غلط
منى : على راحتك...
راحت منى تنام اما ليال ففضلت بغرفتها حاولت تنام لكن ماهي قادرة خايفه ماهي حاسة بالامان..خايفة لا يدخل الرجال البيت كيف ماتدري مع ان في حارس إلا حراااس لكن الخوف مازال بقلبها ... اساسا هما اكثر من شخص وغير كل دا كل مرة سيارة..معقولة كل اللي صار ومايكون وراه شي..
يمكن اكون على قولت وليد اقلق بسرعه..
يمكن الحادث بالصدفة والسيارتين ماكانت تقصد انها تلحقني ..!!
لا بس انا كنت اضيعهم والف كل اللفات وهما معايا..صدفة اني اختار الطريق اللي هما يبوه..؟؟
بس مين .. وليش يلحقني انا ايش سويت..؟؟!!!
صارت ليال تتذكر ان كانت غلطة بحق احد ولا اخذت شي من احد..ولا ايش الهرجة .. طب على الاقل يجي ويتكلم معايا مو يلاحقيني ويعيشني برعب..
وليد وينك تعال..!!!
بس لا ما ابغا اقوله يقوم يقلق على الفاضي حرام..خليه هو اليي فيه مكفيه الشغل واهله وياسر ومواضيع كثيرة .. خليني احل المشكلة دي مع نفسي احسن..
فضلت ليال تنتظر على السرير وهي مغمضة عيونها تحاول من اول انها تنام لكن للاسف ماهي قادرة..
دخل وليد بوقت مرة متاخر دخل بهدوووء حتى ان ليال ما انتبهت لدخلته وغير ملابسه بهدوء أكثر وتمدد على السرير ليال انفجعت اساس هيا ميته رعب وماحست بدخلته
وليد : حبيبي اسف .. صحيتك
ليال : لا عادي اصلا انا ما نمت .. بس ماحسيت بدخلتك
وليد : مم .. ليش مانمتي..
ليال : مو راضي يجيني نوم
وليد : اكيد كيف تنامي وانا مو موجود..
ابتسمت ليال ببرود : امم...صح كلامك
استغرب وليد اسلوبها واستسلامها .. دايما تقعد تعاند..
المهم تمدد وليد وراحت ليال بحضنه تبي تحس بالامان ..
وبس حطت راسها على صدره نامت باستسلام زي الاطفال..كانت نعسانة وميته نعااس وتعب بس الخوف طير كل شي..واول ما جا وليد ألامان بالنسبه لها راحت بسبات عميييييق..