( 19 )
أحلا الليالي.... ليلة العمر
__________________________________________
باليوم الثاني ليال نادت ياسر وحنان و وليد واحمد وقعدتهم بالصالة وقعدت هيا بالنص بالارض واعطت لكل واحد دفتر وقلم..
ليال : كل واحد يتخيل ان بكرة فرحه...ويتكب ايش يحتاج...عشان يمكن في اشياء راح انساها انا..
بالبداية اتريقوا بس بعد شوي لمن شافوا ان ليال اخذه الموضوع بجديه بداو يكتبوا.... صارت الصالة هدووووء وبعد فترة .. قال كل واحد ايش راح يحتاج..مانسيت ليال ولا شي...
ليال : طب المهم دحين في اشياء اساسية لازم نسويها العشاء الدي جي الطاولات و تزين القاعة والإضاءة واكيد فستاني وبدلة وليد والورد .. هذا غير شعري و الميك اب..بس هذي مو مشكلة ...
احمد : انا علي العشاء و الدي جي..
ياسر : انا حوصل الكروت للناس ...
ليال : يووه نسيت اكتبهم...!!!
وليد : ليلو ليلو اهدئ ولا ترتبكي وركزي طيب ملحقين باقي اسبوعين
ليال : اسبوع و 6 ايام..
حنان : طب انت ركزي على فستانك ونفسك وسيبي الباقي علينا..
وليد : منجد...يعني تزين القاعة خليها علي .. مع الورد طبعا اساسا مارح نعمل تزين غير بالورد..
حنان : وانا ايش اسوي...!!!
ياسر : خليك معاي..
حنان : لا خلاص انا بشوف الشركة اللي بتجي وتسوي الطاولات...وهي تزين القاعة ليش تتعبوا نفسكم..
وليد : اذا لقينا شي حلو اكيد احسن..واريح
ليال : طب وفستاني حنان تعالي ساعديني انقيه...
طالع وليد وانقهر ان ليال ماقالتله..
وليد : خلاص وانا باخذ معاي ياسر عشان ننقي البدله..
ليال : طيب يلا قوموا مافي وقت....
اخذت ليال حنان وراحو على السوق عشان يشوفوا فستان واخذ وليد ياسر وراح يشوف بدله و احمد مسك ارقام المطاعم والدي جيهات عشان يرتب الموضوع..
طبعا ليال كانت تدخل كل محل بس مايعجبها شي..تبغا شي غريب جديد حلو شي مافي زيه شي كل الناس يتكلموا عنه....
بالاخير رجعت البيت ومالقت شي حنان دخلت وهي مكسرة وقالت لها اخر مرة تخرج معاها...بس اكيد انها تمزح...راحت حنان ونامت وليال فضلت بالصالة مع احمد تتفاهم
على الاكل لقا مطعم مرة جيد وجاب المنيو عشان تنقي الاكل والعصيرات اما الدي جي فلسا مالقا...وشوي دخل وليد لوحده وكان قد اشترى البدلة..
ليال : اشتريتها خلاص..بدي السرعة
وليد : انا مو ليال...
ليال : يا معفن....مالقيت طيب ايش اسوي....!!!!!؟؟؟؟
وليد : اتحداك انا اعرفك تلاقي مليون فستان عجبك بس يكون في شي غلط ماتعرفي ايش هوا
ليال : ايوا خلاص...المهم تعال نقي معايا الاكل والعصيرات..
جلس وليد جنبها واتفقوا على الاكل وعلى العصيرات اللي بالعشاء والعصيرات اللي بالضيافة...والحلا وكل حاجة تتعلق بالاكل...قام احمد وراح ينام...بس ليال لايمكن تنام يوم
فرحها وكمان تنام مستحيل..مسكت ورقة وقلم وخلت وليد يقعد جنبها..
ليال : يلا نكتب اسماء اللي بنادهيم
وليد : طيب اكتبي ياسر طبعا وحنان و هتان وغادة
ليال : هتان وغادة...!!
وليد : عيب يا ليال لو مانديناهم
ليال : بس حنان..
وليد : مادري بس عيب لو مانيدناهم...
ليال : طيب مين كمان ... منى و عادل..
وليد : انا اكتبي لي مازن و فواز
فضلوا يكتبوا كل الاسماء الناس القريبة والبعيده كانت ليال تبغا الكل يفرح لها..ويفرح معاها..
وبعد ماخلصوا كل الاسماء طالعت ليال بوليد وبتردد..
ليال : واهلك..ابوك امك اخوانك
وليد : مادري فكرت فيها كثير
ليال : لازم نقولهم انت ايش حتخسر قول واللي يصير يصير يعني هما اكيد راح يعرفوا...
وليد : طيب اكتبيهم..بس مو انا اللي بودي الكروت..
ليال : طيب بس اهم شي تقولهم
وليد : مانتي ناوية تنامي ..
ليال : لا لا بفتح النت اشوف اذا في تصاميم لفساتين فرح وان مالقيت بكلم المصمم اللي دايما يصمم لي فساتيني..
وليد : طب انا اقلك هيا ريحي نفسك وقومي نامي وبكرة اتصلي بالمصمم لانك انت عنيدة وفي براسك فستان معين تبيه خلاص ليش تعب نفسك وتدوري
ليال : يمكن الاقي احلا من اللي انا ابغاه
وليد : براحتك شوفي انا خرجت خرجة وحدة واشتريت البدلة
ليال : وينها ماشفتها
وليد : بكرة بتجي..
ليال : كيف شكلها
وليد : ليلو بكرة بتجي .. روقي لاتتوتري..كل شي بيكون كويس وحلو طيب يلا قومي ونامي
ليال : لا لا روح انت انا ورايا اشياء...
قام وليد واخذت ليال الاب توب وجلس على الكنبة وهي تدور على فساتين.. سهرت لين اخر الليل وبالاخر استسلمت للنوم بالكنبة
بالصباح صحي احمد وهو طالع وشاف ليال وهي نايمة والاب توب مفتوح... حزن عليها وبنفس الوقت فرح ... راح وصحها عشان تقوم على السرير بس هي رفضت انها تروح
على غرفتها لسا وراها اشياء كثيييير....
احمد عصب منها ومشي...فضلت على النت تدور فساتين لين صحي..وليد واول مالقاها لسا صاحية عصب..
وليد : انت للان مانمتي مجنونة ولا ايش
ليال : لا نمت شوي ودوبي صحيت...
وليد : يا ليال انت حتجي على يوم الفرح وانتي تعبانه..
ليال : تخيل بعد بكرة ببدا الدوام يعني الوقت راح يقل ..
وليد : لياااال انا موجود و ياسر وحنان واحمد كلنا بنساعدك اشبك
ليال : لا لا لازم بنفسي ماقدر..ما طمئن
وليد : طب قومي ونامي وبطلي هبل
ليال : لا ما ابغا سيبني انا اعرف متى انام
جا احمد..
احمد : وليد قولها تقوم تنام
وليد : مو انا قاعد الكمها وماهي راضيه
احمد : لاتسمع لكلامها انا صحيت ولقيتها نامية على الاب توب ..
وليد : ليلو بسرعة قومي روحي على السرير
ليال : ما ابغا..
وليد : والله حزعل...
ليال : وليد لاتستهبل ها فرحي
وليد : كانو بكرة .... لسا قدامك اسبوعين
ليال : اسبوع و 5 ايام..
وليد : ههههههههه ليال انت تستهبلي اكيد..
ليال : انت اللي تستهبل .. هذا فرحي
وليد : وفرحي انا كمان بس ما عملت زيك
ليال : انت لقيت بدلة وخلصت وارتحت انا لسا
وليد : انتي اللي ماتبي تلاقي انا قلتلك ريحي نفسك واتصلي على المصمم وريحينا..
ليال : اووووووف..
وليد : يلا اتصلي..
استسلمت ليال لكلام وليد واتصلت على الصمم واخذت منه موعد عشان يجي البيت وياخذ المواصفات اللي تبيها ليال وتتفاهم معاه بالتفصيل..
المهم مارضي وليد انه يخرج من القصر غير لمن تروح ليال وتنام وهي طبعا بعد ما اخذت موعد من المصمم قامت تنام بس بالها مشغووول مرة.. لازم كل شي يكون مرتب لازم كل
شي يطلع حلو هذي ليلة العمر..
المهم نامت وصحيت على موعد المصمم..قامت اساسا مفجوعة خافت لا يروح الموعد .. بس كويس احمد صحاها قبل الموعد بساعة عبال ماتصحصح وترتب افكارها..كان وليد
جالس بالصالة مع حنان وياسر وكل واحد معاه جواله و وأوراق وعروض واقلام وآلة حاسبة وحالتهم حالة..ليال ما مداها تقعد معاهم لان المصمم وصل نزلت مع حنان .. و وليد
طبعا انقهر بالبداية بس خلاص يعني هو فكر لقا انه لو نزل معاها مارح يفيدها لانه ما يفهم بالفساتين ولا بتفكير البنات
المهم نزلت ليال وتفاهمت مع المصمم بعد طلوع الروح طفشته لين ما فهمته اللي تبغاه وهو فهم مزبوط وراح يبدأ يشتغل على الفستان من اليوم..وحيحاول يخلصلها ياه باسرع
وقت...طلعت ليال وحنان بعد ما خلصوا من الفستان ..
وليد : اخييييييييرا ازغرط..
ليال : ههههههههههه
حنان : المصمم كان بيشد شعره
وليد : ما استبعد..
ليال : خلاص بلا تريقه قولي ايش سويت ... وين البدله..؟؟
وليد : بالغرفة ..
ليال : طيب ايش صار معاكم..ياسر لقيت كروت حلوة
ياسر : ايوا لقيت 5 انت اختاري واحد منهم..
شافت ليال ولقت واحد مرة عجبها وخلاص راح يطبوعها..
وقامت وجابت الورقة لاسماء الناس واعطتها ل ياسر عشان يوصلهم الكروت اول ما يخلص طباعتها مافي وقت ..
ليال : طيب والشركة اللي ترتب الطاولات
حنان : في واحد يعملك الطاولات والاضاءة وكل شي واشياء مرة حلوة وغريبة يعني يغير القاعة كلها ..
ليال : مرة كويس طيب..
حنان : بس مرة غالي
ليال : عادي لو ايش ما كان..
حنان : يعني اتفق معاه
ليال : ايوا بس ابغا الاوان تكون off whit
حنان : لاتخافي مرة اشياءه حلوة
ليال : طيب متى بتكلميه
حنان : اليوم
ليال : ايوا لازم يبدأو لان هذا اكثر شي ياخذ وقت
وليد : ليال ممكن تهدأي وتجلسي
ليال : وليد مرة خايفة افرض الفستان ماطلع حلو ولا الطاولات جات بايخة..
وليد : ليااال ممكن تسكتي وتهدأي
جلست ليال وهي شوي وتبكي
ليال : خلاص بطلت ما ابغا اتزوج
وليد : هههههههههههههههههههههه
ليال : بكرة لازم نروح على الفيلا ونشوفها..وكمان لازم الخدم ينظفوها مرة كويس
وليد : طيب راح يسير كل دا ممكن تهدأي بس...
ماقدرت ليال تهدأ ليلة العمر اصعب ليلة واحلا ليلة كانت تبي كل شي يكون ممتاز....فضلوا ذيك الليلة سهرانين بين العروض و التليفونات والشركات والارقام..ليال ماحطت حد لاي
شي كانت مستعده تدفع اي مبلغ لكن وليد ماحب دا الشي وكان يحاول يكلمها ... المهم انتهت طاقتهم لهذا اليوم وراح ياسر على بيته وراحت حنان تنام اما ليال و وليد فكملوا
شوي وبالاخر غصب وليد ليال انها تقوم وتنام...مو بكيفها..
وباليوم الثاني راح وليد على الشركة واخذت ليال حنان معاها وراحو على الفيلا عشان يشوفوها .. وكمان الرجال اللي حيعمل الطاولات راح يجي عشان يشوف الفيلا ويقلهم
افكاره...
الرجال اول ماشاف الفيلا مرة عجبته وجاته افكار كثيرة يقدر يسويها...
سأل ليال من وين بتنزف..اهي ورته الدرج وكذا بس اهو جاته فكرة احلا...
قالها انه يعملها جسر من الشاطئ لوسط البحر واهي تجي بالبوت وتنزل على الجسر مع وليد وتنزف....طبعا ليال مررررررررة عجبتها دي الفكرة وقالتله يبدأ يشتغل...
الرجال راح على المحل عشان يجهز الاشياء اللي بيحتاجها والناس اللي حيشتغلوا ومن بكرة بيبدأ....تفاهمت معاه على ألوان الورد والطاولات والمناديل وكل شي موجود على
الطاولة... وسابت الباقي على حنان يعني مسؤولية حنان انها تتابع العمل مع الرجال..لان ليال راح تبدأ الجامعه من بكرة والصباح راح تكون مشغولة...
وبعد ما رجعوا البيت احمد كان قد لقي دي جي كويس واتفق معاهم على الاغاني وكل شي..وقالوا انو هما راح يتكفلوا بالإضاءات..اللي تناسب الاغاني والموسيقا....وحدد
معاهم يوم عشان يجو ويركبوا الاضاءات...ارتاحت ليال ان كل شي ماشي تمام وبنفس الوقت اتوترت...لان اكيد بما ان كل شي تمام دحين اكيد بتتخبص في اليوم الفرح...
وليد : حبيبي للان ما شفتي البدله
ليال : يووووه صح...
دخلت ليال عشان تشوف البدله ولقت البدله ولوحة رسمها وليد ل ليال.. كانت مرة حلوة اللوحة...طالعت ليال ب وليد...
ليال : حبيبي مرة شكرا انت ماترسم غير انا...ارسم اي شي ثاني
وليد : انا ما احب ارسم غير كدا..
ليال : ههههههههههههههه
راحت ليال للبدله...كانت مرة حلوة ومرة انيق ومرتبه..ماتوقعت انها بتكون كدا..
ليال : مرة حلوة
وليد : منجد
ليال : يب يب..وليد..ماتوقعت ان ذوقك حلو كدا..
وليد : هههههههههه منجدك..
ليال : ههههههههههههههههههههه لا لا امزح....
وليد : طيب يلا روحي على غرفتك ابغا انام
ليال طالعت بوليد بنص عيون : والله يعني دحين صاير تبغا غرفة لوحدك
وليد : سيبيني اودع العزوبية ..
ليال :ههههههههههههههههههه
وليد : كلها اسبوعين ولايمكن انام لوحدي...
ليال : طيب ودعها زي ماتبغا...
خرجت ليال وهي مقهورة من وليد واللي قاله .. طيب بكيفه بس مصيره يجي..
دخلت غرفتها وصارت تحاول تدق على منى عشان تقولها بس منى ماردت..
اتصلت على هاشم نفس الشي...كانت تبي تدق على عادل بس ان الوقت متاخر واهي مرة مرة مرة تعبانة وبكرة وراها دوام فنامت...وصحيت باليوم الثاني عشان تروح
للدوام...نزلت بسرعه لانها تاخرت وركبت السيارة لقت ورقة مكتوب فيها (( حبيبي اتمنى لك دوام سعييييد : ) وليد .... )) وكان معاها وردة..مرة انبسطت حركت السيارة
بسرعه وراحت على الدوام..
طبعا حنان صحيت وراحت على الفيلا عشان تشوف ايش صار بالنسبة للطاولات واحمد راح للمطعم و للدي جي...
كل شي كان تمااااام زي ماتبغا..رجعت من الجامعه وراحت على الفيلا على طول لقت انهم بدأو يشتغلوا بالاشياء..كانت مرتبكة وتمشي زي المجنونة بين الاشياء وتتاكد من كل
شي..من الاوان من الورد من كل كل كل شي واقل شي...
جا وليد ولقا ليال ضايعه بوصت الاصوات والناس وهي تتفاهم مع احد على حاجة .. جاها .. وسلم عليها
وليد : كيف كانت الجامعه
ليال : كويسة ماشي حالها
وليد : طب متى بترجعي البيت ماصرت اشوفك ولاتقعدي بالبيت مرة
ليال : شويا باقي كم هرجة لازم اشوفها
وليد : ليال خلاص سيبي دي الاشياء على حنان..
ليال : .......
وليد مسك بيدها وجرها..
وليد : لو مارجعتي البيت والله حزعل
تنهدت ليال ورضيت ترجع بس مو عشان وليد عشان بالبيت في اشياء لازم تسويها
رجعت ودخلت لاحمد على طول عشان تشوف ايش حصل بموضوع الاكل..
طمنها احمد وقال انه ذاق الاكل وكان كله لذيذ .. والدي جي كمان رتب معاهم كل شي موسيقى الكيك والاكل وموسيقى الرقص والزفة وانوار الدي جي..وكل حاجة..
قعدت بالصالة ولقت ان مافي شي تسويه...ماهي قادرة تقعد على بعضها مسكت الجوال واتصلت بياسر..
ليال : الو ياسر
ياسر : ايوا ليال
ليال : ايش صار بالكروت
ياسر : خلاص بكرة بتنطبع وراح ابدأ اوزعها
ليال : طيب طيب..خلاص يلا مع السلامة
قفلت من ياسر وحاولت تتصل بمنى بس برضوا ما بترد..
ولا هاشم...
وليد وقف معصب بوسط الصالة
وليد : ليال ممكن تهدأي وتسيبي كل شي وتنامي
ليال : وليد ممكن انت تفهمني وتسيبني على راحتي
وليد : دحين كل اللي سويتيه وما سبتك على راحتك
ليال : .............
وليد : ليال ردي عليا
ليال : وليد مافي وقت سيبني اشوف الاشيا
كانت ماسكة مجلات وارواق وبتحسب اشياء..
عصب وليد وراح لغرفته...اما حنان فرجعت متاخر شوي ولقت ليال لسا صاحية...
سلمت عليها وقالتلها ايش عملوا اليوم وراحت تنام لان وراها بكرة كمان نفس الشي.....
ليال فضلت كدا لين نص اليل وبالاخر حست بتعب وماهي قادرة تشوف شي ولا تستوعب شي...قامت عشان تنام لان ماله داعي العناد...
باليوم الثاني بالقوة قامت وراحت على الدوام .... كانت تعبانه وماهي قادرة تسوعب شي بس خلصت من الدوام راحت على الفيلا على طول كان باين على وجهها التعب..
حنان : ليال روحي البيت ونامي وبعدين تعالي
ليال : لا لا لا...
دق جوال ليال..
ليال : الو.......طيب خلاص متى .... بكرة الساعة 8 طيب مع السلامة
قفلت ليال وطالعت بمنى : بكرة اول بروفا للفستان الساعة 8..
حنان : طب كويس روحي ونامي..
ليال : لا لا وريني ايش عملوا بالورد اللي على الطاولات غيروا الاوان..
حنان : ايوا وزبطو كل شي زي ماتبي..
فضلت ليال بالفيلا لين وقت متأخر حتى حنان رجعت البيت و ليال فضلت .. ولمن رجعت البيت لقت وليد قاعد بالصالة وبيستناها...
دخلت ليال وسلمت على وليد ببرود وهي بالها مشغول بالحفل...كان باين على وجهها التعب ..
وليد كان مضايق من ليال لانها ماصارت تعطيه وجه وطول الوقت مشغولة ..
وليد : ليال...كيف حالك..
ليال : كويسة ..
وليد : ممكن تسيبي اللي بيدك وتقعدي شوي معايا
ليال : وليييد...الفرح مابقي عليه كثير ولا شي خلص ولا شي مزبوط
وليد : انت اللي ماتبيغيه يكون مزبوط
ليال : وليد بلا هبل
وليد : طب انت مو ملاحظة اني ماتصلت عليك اليوم ولا سألت ..
ليال : ايوا لاحظت
وليد : طب ماتسألي ماتقلقي..
ليال : لا عارفة انك بخير..
وليد : .............
قام وليد وهو معصب وليال كانت بتتفرج في المجلات ..
راحت ليال ونامت وباليوم الثاني قامت على الجامعه ومن الجامعه مرت على الفيلا شوي واخذت حنان وراحت لبروفا الفستان..
كان الفستان زي ماتبغا بالزبط بس باقي شوية تعديلات في المقاس يبغاله يضيق اكثر...رجعت على البيت..
وليد : كيف كان الفستان
حنان : لاتسالها احسن لك...
وليد : ليش
ليال : معفن ومو زي ما ابغا كل شي مخبص ومرة مقرف وماني عارفة ايش اسوي
حنان : الله الله دا كله عشان بس سواه شوي واسع
ليال : لا طبعا ماشفتي كيف كان الموديل من تحت
حنان : حلو وي ..
ليال : مادري انا مرة خايفة افرض خبصه بعدين
وليد : ليال .... الفستان حلو ولا لأ..؟؟
ليال : إلا حلو...بس...
وليد : بس ايش .. خلاص بلا قلق..
ليال : ....................
قامت وهي شوي وتبكي ودخلت غرفتها تنام هي كان كل شي عاجبها بس خايفة وتعرفوا الواحد لمن يكون قلقان كيف يصير...!!
عدت الايام وليال على دا الحال من البيت للجامعه ومن الجامعه على الفيلا ومن الفيلا على السرير....ياسر وزع الكروت كلها ولكل الناس...والكل اتصلوا عشان يباروكوا لها ..
حتى هتان وغادة ماعدا منى لابترد ولا احد عارف هي فين .. ووصل ياسر بنفسه كروت الفرح ل ابو وام وليد..طبعا الاب عصب وشق الكرت ورماه ... وباليوم قبل الفرح ...
دخلت ليال للفيلا كان كل شي مزبوووط زي ماتبغا .. الورد كان ألوانه مع البحر مرررة حلو والجسر اللي قال عليه الرجال زبط وكان منظره مرة غريب وجديد والبوت زبطوه
وزينوه بشكل مرة رومنسي...الاضاءة والاكل والطاولات والوان المنديل وكل حاجة كانت تمام التمام....كان وليد مع ليال ..
وليد : خلاص كل شي كويس كل شي تمام ..
ليال : هههههههههههههههه
وليد : قلق من ربنا انتي .. ارتحتي كدا ولا في شي ناقص
ليال : لا لا خلاص...
وليد : طب فستانك كيف..؟؟
ليال : مررررررة تمام مع انو
وليد : ليااااااااال حتخليني اشد شعري...خلاص ارتاحي كل شي كويس
ليال : طب بدلتك كيف..
وليد : مالك دخل فيني ممكن...!!! ويلا امشي نروح على البيت تروحي تنااااااامي وماتقومي غير بكرة
ليال : حرام عليك الساعة 5 لسا
وليد : مالي دخل...لو شفتك اتحركتي من السرير ياويلك..
ليال : ههههههههههههه طيب...
راحو على القصر...دخلت ليال على غرفتها وهي متوترة خايفة مرتبكة.. بكرة كيف بيكون......خايفة لا يتخبص اي شي لو ماجا حق الدي جي لو ماطلعت حلوة الاغاني لو
انقطع الفستان لو انكسر الصندل...لو و لو و لو...لين ماتعبت من التفكير ونامت وماصحيت غير اليوم الثاني..
اول مافتحت عينها قامت واستحمت وبدأت تتجهز..
حنان كانت مع ليال طول الوقت طبعا المصمم جا للقصر ومعاه الفستان وهو صمم لها الصندل .. وجا كمان مصمم المجوهرات الخاص فيها وصمم لها مجوهرات للفستان بكيفها..بدأت تتجهز والميك اب وشعرها وكل حاجة..
حنان راحت تلبس هي كمان .. لبست فستان اشترته مع ياسر باخر يوم.. وحطت ميك اب خفييييف مرة ماكان لها نفس تحط اي شي اساسا ماكان لها نفس تنزل .. بس عشان
ليال..كانت تضحك معاهم وكل حاجة لكن مو من قلبها كانت بس تجامل وباليل دايما تبكي بس محد يدري بها الشي عمرها ماحتنسى هتان او تقدر تضحك او تعيش من بعده..
المهم وليد بدأ القلق يجيه وصار مرتبك وخايف لبس البدلة وهو مو عارف يعمل شي..
ياسر فضل معاه ويساعده وكل حاجة...راح ياسر و حنان للفيلا مع احمد عشان يستقبلوا الناس..بدأو الناس يجو شوي شوي...لين اتملت الفيلا...
وبالاخر وصلت ليال و وليد...وليد ما شاف ليال اليوم كله وليال كمان وكل واحد جاء بسيارة لوحده...وصل وليد قبل ليال وفضل ينتظر بالبوت .. واول مادخلت ليال...وليد ماكان مصدق عيونه...كان واقف عادي واول ماشفها صار زي الاهبل .. ليال ابتسمت ومشيت له..
وليد مو قادر يشيل عيونه من عيونها...مو قادر يصدق ليال مرة تغير شكلها احلوت كثيييييير وتغيرت وكل شي تغير بعيونه زاد حبه لها وتعلقه فيها ..
المهم ليال مرة ماكانت هنا كانت خايفة ومتوترة...
الضيوف كانو قاعدين وبيشربوا العصير وبيتكلموا ولا احد منتبه وشوي جا البوت من البحر وليال و وليد في المقدمة واقفين كان شكلهم مرة مرة مرة حلو..الكل انفجع وانبسط
وصاروا يصرخوا ويصفقوا .. وصار ( مجدي ) يعمل حركات بالبوت واكشنات كان الجو مرة جيييد ومناسب لفرح طبعا هذا كله حصل بالصباح...
وقف البوت قدام الجسر ونزل وليد اول ومسك بيد ليال عشان تنزل ... وقفوا على الجسر كان كله ورود ومرة شكلهم حلو .. بدأ الدي جي وكانت اول اغنية رومنسية..مسك وليد
بيد ليال وصاروا يرقصوا .. بنص البحر...الكل عجبتهم الفكرة .. كانت غريبة وجديدة...ومرة رومنسية..
وليد ماكان هنا كان مبسووط وطاير بمكان ثاني...المهم خلصوا رقصتهم ولبسها الخاتم وجو ماشيين عشان يروحو للشاطئ فجاة وليد مد يده وشال ليال..
ليال انفجعت وصرخت...وصارت تضحك ماتت ضحك .. ماتوقعت كدا وهو مجنون كان مبسوط طاير فرحان..الكل صرخلهم وصفقلهم..المهم وصلو للشاطئ ونزلها وبدأ الدي جي
صارو الناس يرقصوا وسلموا عليهم...جلست ليال و وليد...وهم بيتكلموا...وليد فجاة سكت شاف احد ماتوقع انه يشوفه .. امه جات..
وليد وقف مايدري اذا هي جايه بخير ولا بشر خاف على ليال وفرح بنفس الوقت..
ليال طالعت وماعرفتها ..
امه جات لعندهم...وسلمت على ليال و وليد..وليد فضل مرتبك وخايف
ام وليد : مبروك يا وليد..
ليال كانت تطالع بوليد مستغربة مين دي..
وليد : شكرا لانك جيتي..
ام وليد : انا جيت ومحد يدري .. جيت ودحين بخرج بس حبيت اسلم عليك وقلك انتبه على نفسك وعليها .. واتمنالك السعادة انا مبسوطة عشانك .. ماتتصور قد ايش مبسوطة
ليك...ابدا ماكنت ابغاك تتزوج بكيف ابوك ويكون مصيرك مصير اخوانك ...
حضن وليد امه واول مرة يحس بانها بجد تعزه وتحبه...ارتاح لجيتها اكثر وحدة فرح لجيتها..
وليد : ماتتصوري قد ايش جيتك أثرت فيني .. شكرا...
باسها في رأسها .. ومشيت امه..
جلس وليد .. وهو مبسوط متنح ومو مصدق..
ليال : مين ..؟؟
وليد : ماحتصدقي لو قلتلك
ليال : .........!!!!
وليد : امي..
ليال : مستحيل..
وليد : منجد
ليال : وليد انت مستوعب...
وليد : الصراحة لا...
ليال كانت بتطالع في وليد وهي تضحك باستغراب و وليد كان يطالع بالناس وهو مفجوع كمان باين من عيونه...
بدأ الغروب الناس دخلوا جوت الفيلا حتى ليال و وليد طبعا بس اساسا الفيلا كلها زجاج .. وأول ماظلمت الدنيا...الشاطئ كله صار شموع...بين الورد... كان المنظر مرة مرة
مرة حلو...
المهم بدأ الدي جي والناس قامت ترقص والانوار أطفت..
حنان كانت قاعدة باحد الطاولات وهي تشوف الناس بيرقصوا .. لمحت هتان وغادة قاعدين بالطاولة...رجع كل شي ببالها .. كانت حاسة ببسطة شوي بس اول ماشافت هتان
مع غادة..اتضايقت كثير وحست بخنقة....بس ياسر ما سابها فضل طول الوقت معاها ويكلمها ويحكيها عن الناس الموجدين ويعرفها على كل الناس وحاول انه يقومها ترقص
بس هي من بعد ما شافت هتان وغادة ماصارت تبي شي...وشوي جات اغنية رومنسية...كل واحد قام مع حبيبته او زوجته يرقصوا...حتى ليال و وليد طبعا...حنان كانت تطالع
بالناس وشافت هتان وغادة وهو ماسكها من خصرها ومقرب من اذنها بيكلمها .. وهي تضحك شوي وتبوسه شوي وتدلع شوي..حنان ماقدرت تستحمل اكثر..
يكون ناسيها طيب بس كمان تشوفه يخونها قدامها..كان اصعب لحظات عمرها كان تبي تموت ولاتشوف هاليوم...ماقدرت تقعد اكثر اخذت نفسها ورجعت للقصر...رجعت ودخلت
غرفتها وهي تبكي...
محد انتبه لان حنان راحت حتى ياسر..لان ياسر كان قاعد فوق مع وليد ينتظر الاغنية تخلص عشان حيغني بنفسه اغنية يهديها ل ليال و وليد .. وبالاصح لحنان..غنى ياسر اغنيته والكل عجبهم صوته وعزف على الغيتار وطلبوا انه يغني وحدة ثانية كمان وغناء اكثر من اغنية...
وشوي دخل عادل..كانت ليال واقفة مع وليد بتتكلم وجاهم عادل...ليال اول ماشفته صرخت وجريت وحضنته مو مصدقة..ابدا ماتوقعت انه يجي...
عادل : مبرووووووك..
ليال : ماتوقعتك تجي....وااااااااو مرة شكرا
عادل : لا لا يوم زواجك وما اجي..مايصير...
جا وليد وسلم على عادل : اهلا اهلا
عادل : اهلا فيك اخيرا تزوجتو
وليد : شفت كيف..
ليال : من جا معاك..
أشرلها عادل على الطاولة اللي قاعد فيها .. كان فيها كلهم خالد وعمر ورغد وسوسن...نزلت ليال وراحت تسلم عليهم وهي مبسوطة انهم جو من زمان ماشافتهم ولا قعدت معاهم
ماكانت مصدقة..
وليد فضل واقف مع ياسر والناس وبيتكلم معاهم..قاطعه صوت ..طالع وليد ولقا ديما..حس وليد ان اليوم دا ما يبغا يعدي بخير اول امه والحين ديما وبعدين ..
وليد ابتسم وسلم عليها
ديما كان شكلها زعلان شوي بس مبسوطة : مبروك وليد...
وليد : شكرا..
ديما : انا اسفة على اللي حصل مع ليال وصدقني انا اول ماعرفت انها بالمستشفى رحت وزرتها وفهمتها كل شي..واعتذرتلها..وانا مرة مبسوطة لكم..
وليد : ايوا ادري قالتلي ليال..
ديما : انا تفاهمت مع ابوي وقلتله اني انا اللي ما ابغا اصلا وهو تقبل الموضوع..
وليد : شكرا...
جات ليال .. بالبداية خافت بس خلاص اليوم فرحهم .. سلمت ليال على ديما
ديما : مبروووك
ليال : الله يبارك فيك...ماتوقعتك تجي..
ديما : لا وي كيف يوم زواجكم وماجي ماتتصوري قد ايش انبسطت لمن عرفت انكم راح تتزوجو..
ليال : تعالي اعرفك على اصحابي..
اخذت ليال ديما وعرفتها على عادل و خالد و سوسن ورغد..بالبداية..عادل ارتاح لها..ديما مو مرة حلوة بس فيها جاذبية..ولمن قعدت معاهم كانت تتكلم بطريقة دبلوماسية طريقة
راقيه..حس بانجذاب لها..برغبة في انه يتكلم اكثر واكثر معاها...فضل يتكلم معاها طول الحفلة..وسوسن انتبهت لدا الشي اهي تعرف عادل مزبوط وتعرف من عيونه اذا كان
يميل للبنت ولا بس يجامل وان كان معجب بها كحب او معجب بها كصداقة...لا يمكن سوسن تسيب عادل يروح لغيرها حتى لو كانت اهي تركته...
المهم خلص الفرح الكل ودع ليال و وليد والكل كان مبسوط لهم .. الفيلا طبعا مقلبوة فوق تحت...
احمد جا لعند ليال و وليد وسلم عليهم
احمد : وليد لا اوصيك على ليال..تراها اغلا من نفسي
وليد : ولو .. ماتعرف يعني قد ايش أعزها
احمد : ليال لا تزعلي وليد واسمعي كلامه..
وليد صار ياشر بيده على احمد ان كلامه صح وهو يطالع بليال ..
ليال : هههههههههههه هذا بدل ما تقوله هو دا الكلام..
وليد : هههههههههههههههههههه من غير ما يقول انتي اساسا قد قلتي..
ليال : طبعا ..
احمد : يلا ماتبو ترجعوا البيت..
طالع وليد بليال وهو مبتسم..
واخذ بيدها ورجعوا على القصر...نسيت ليال ان حنان كانت معاها وماانتبهت.. المهم دخلوا على الغرفة...كانت ليال واقفة وظهرها للباب وقاعدة تفصخ المجوهرات...قرب وليد
منها ووقف..غمض عيونه وشم ريحة شعرها حس بشي حلو وغريب ..قرب وليد من ليال..ومسك بيده شعرها..كان قريب منها حتى ان انفاسهم كانت وحدة..كانت فرحتهم
ماتتوصف... بدأ الحين مشوارهم الحين هما واحد قلبهم واحد همهم واحد وفرحهم واحد..كل شي في حياتهم بيكون بين بعض ولبعض...كل واحد كان يبي الثاني ياخذه لابعد
مكان..كل واحد راح يعيش عمره للثاني..كل واحد بهاليلة اعطى الثاني قلبه ورورحه وعمره.. كل واحد كان يحلم بهالحظلة من زمان .. كل واحد كان حاس انه طفل بحضن امه..
وليد وهو حاضنها وبيحضنها أكثر و أكثر: حبيبي..خذيني ليكي...انا عايش عمري ليكي...روحي وقلبي وكل شي فيني..
مسك وليد بيد ليال : هاتي يدك وضميني...اااه ياما حلمت بهاللحظة...صدقني من دونك انا امووووت..ياعمري..اخيرا....اناوانت مع بعض ماحتترك ولا لحظة..
ضميني...حسيسيني بيك...خلي قلبي يسمع نبض قلبك..خلي روحي تحس بروحك....تعالي ضميني... مشتااااااااااقلك احبك..
انتهت ذيك الليلة بكلمات وليد.......كانت بالنسبة لهم بألف ليلة...كانت ليلة ماتتكرر ليلة من احلى الليالي...ليلة......ليلة صار فيها قلبهم واحد وانفاسهم وحدة..ماكان احد منهم
مصدق اللي بيحصل....بدأت الحياة بالنسبة لهم من هذي الليلة..كانت فرحة كبيرة وشوقهم وحبهم وكل شي فيهم...كل واحد كان يحلم بهذي الليله..ويستناها..ليله كلها
وعود..ودموع الفرح...
انتهت ذيك الليلة بس الليالي...القادمة ما تنتهى.....
اما حنان .. فضلت كل الليل وهي بصراع .. كل شوي يجي ببالها شكل هتان ويا غادة وتموت بكاء..محد كان يدري بهالشي محد كان منتبه .. لا وليد ولا ياسر ولا حتى ليال
الكل نسي موضوع حنان وهتان .. الكل كان مبسوط..بس هي رجع ببالها كل شي..رجع الالم من جديد .. كل ماتحاول تغمض عيونها تتذكرهم وتجلس تبكي .. الحب بعيون
هتان ولمساته وضحكته كل شي .. هتان اللي كان لها صار الحين ملك غيرها...ولا متذكر اي شي...
اكبر جرح حست بيه تمنت لو انه كان مات ولا تشوفه مع غيرها..تمنت لو انها ماعرفته بحياتها كرهته لانها ماهي قادرة تنساه كرهته لانها تحبه للان .. كرهته لانه خلاها تكره
حياتها ..كرهته لانه ضيع لها كل شي واخذ منها كل شي وراح......راح بس اهي مارحت .. كل ماتحاول تروح يرجع ببالها.....شلون تنساه وهي لو فتحت عيونها تتذكره..اهي
لو حاولت تاكل او تضحك او تشرب او تتكلم تتذكره...حتى بحزنها تتذكره....حست بألم حست بقهر .. تمنت تموت الحين ماتبي تشوف اكثر..
أما عادل و سوسن وديما و خالد و رغد...فرجعوا مع بعض بالسيارة وراحو على الفندق..خالد و رغد طلعوا على طول .. وقف عادل بالاستقبال مع ديما..
عادل : خلينا نشوفك..
ديما : اكيد ليش لأ...بس انت تعال هنا انا ما اقدر اسافر
عادل : ليش تعالي والله مدينتا مرة حلوة مو زي هنا كل شي هدوء ومن كل حاجة عندكم شي واحد..
ديما : هههههههههههههه حرام عليك مو لدي الدرجة
عادل : بالله شوفي خطوتين واخلص المدينة..
ديما : بس حلو .. يعني تروق مو صجة وساعة عبال ماتوصل للمشوار
عادل : ممم ممكن ..
ديما : متى انتو راجعين..
سكت عادل وكانه يتذكر..وشوي ضحك باحراج : والله مادري
ديما : ههههههههههههههه ماتدري...!!!! كيف ماتدري ..
عادل : ما سألت متى ما يقول خالد يلا نرجع بلم أغراضي و برجع
ديما : ههههههههههههههههه والله انك مفوت
عادل : مريييح بالي ..
ديما : طب بكرة يصير اخرجكم نتغدا..
عادل : خلاص...كم رقمك عشان لمن توصلي تتصلي
ضحكت ديما : لا لا انا اجي اطلع لكم..
عادل : ليش .. لاتعب نفسك..
ضحكت ديما وفهمت ان عادل يبغا رقمها عشان يتكلم معاها خرجت وما اعطته الرقم... عادل اعجب بديما كثير كان يحب كل شي بسيط ما يحب الجمال الزايد..ومايحب الكلام التافه..كل اللي يبغاه كان فيها..هذا اللي حسه من اول لقاء مايدري لو تعرف عليها اكثر يمكن يكون هذا كله غلط..
المهم..كانت سوسن واقفة من بعيد وهي تراقب عادل وشايفة ان اعجابه بديما بيزيد...عادل جا ماشي للاصنصير ولقا سوسن واقفة انفجع..كان مبسوط حتى انه نسي ان هذي
سوسن اللي بهدلت عمره
عادل : اشبك ماطلعتي..
سوسن : قلت استناك..
كان عادل واقف ومبسوط ومابيطالع فيها وبلامباله : لا لا ماله داعي تستني..
سوسن : انا بروح اشتري مويا لا تتطلع استناني..
فضل واقف وهو يغني بصوت واطي وبيصفر ولا كانها بتكلمه اساسا ما سمعها راحت سوسن تشتري المويا وهي جاية انفتح الاصنصير دخل عادل جات سوسن تجري..وصلت
وكان الاصنصير بيقفل سوسن كانت بتأشر من بعيد ل عادل ينتظرها وهو يأشرلها بيده (( مع السلامة )) وقفل الاصنصير وسابها تحت..
سوسن انقهرت موت وكانت حترتكب جريمة اليوم..
المهم انتظرت لين جا الاصنصير الثاني وطلعت .. كان عادل وخالد بغرفة ورغد وسوسن بغرفة..طبعا رغد كانت طول الوقت مشغولة وتتصل على زوجها عشان تتطمن على
أولادها..دخل عادل وكان خالد متمدد..
خالد : ها انبسطت معاها
عادل وهو يفصخ الجزمة : مع مين..
خالد : ديما ..
عادل : اااخخ ياخي..مادري من وين طلعت..بس تدري للان بس اعجاب يعني ارتحت لها مو اكثر يمكن مع الايام
خالد : بس كويس انك بدات تخرج من العزلة ..
دخلت سوسن .. وهي معصبة
سوسن : عادل انا مو قلتلك انتظرني
عادل طالع فيها ببرود وهو يضحك : انا ماني مجبور انتظرك...
عصبت سوسن وخرجت من الغرفة..مات خالد ضحك عليها وعلى عادل..
المهم نام الكل بها الليلة اللي كان مبسوط مثل ليال و وليد وعادل واللي كان محتار وخايف مثل منى و ياسر واللي نام مرتاح مثل ديما هتان وغادة واللي نام مقهور مثل حنان و
سوسن....هذي الاحاسيس ماتبان غير بالعيون الفرح و الحزن والحيرة والخوف...وعيون حنان كانت اكثر وحدة تفضح عن مشاعرها..